“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
1
www.iqtisodiyot.uz
Д.А. Исмаилов,
тадқиқотчи, ТДИУ
КИЧИК БИЗНЕС ВА ХУСУСИЙ ТАДБИРКОРЛИКНИ
РИВОЖЛАНТИРИШДА ФАОЛ ИНВЕСТИЦИЯ СИЁСАТИНИНГ
АҲАМИЯТИ
В
данной
статье
описывается
процесс
введения
активной
инвестиционной политики при развитии малого бизнеса. Также отмечено
мероприятие проводимых в целях ускорения инвестиционных деятельности
республики.
This article describes the process of introduction an active investment policy in
the development of small businesses. It is also noted the event held in order to speed
up the investment activity of the country.
Калитли сўзлар
: инвестиция, кичик тадбиркорлик, технология, ресурс,
инвестор, сармоя, корхона, ҳудуд, тармоқ.
Глобаллашув жараёнлари шиддатли кечаётган ҳозирги пайтда мамлакат
ўртасида чекланган ресурсларни тақсимлаш ва қайта тақсимлаш бўйича кураш
кетмоқда. Бунга юқори мавқега эга бўлиш, аҳоли турмуш тарзини кўтариш
учун билимлар иқтисодиётини ривожлантириш, фан-техника ютуқлари
ҳисобига кам харажат қилиш усуллари ривожланган мамлакатларнинг асосий
стратегияси ҳисобланади.
Ўзбекистон Республикаси Президентининг 2016 йил 5 октябрдаги
«Тадбиркорлик фаолиятининг жадал ривожланишини таъминлашга, хусусий
мулкни ҳар томонлама ҳимоя қилишга ва ишбилармонлик муҳитини сифат
жиҳатидан яхшилашга доир қўшимча чора-тадбирлар тўғрисида» Фармони
қабул қилинган, энг аввало, хусусий мулкни ҳуқуқий ҳимоя қилишни янада
кучайтиришга, кичик бизнес ва хусусий тадбиркорлик учун қулай шарт-
шароитлар яратишга ва ҳар томонлама қўллаб-қувватлашга, республиканинг
инвестициявий жозибадорлигини оширишга йўналтирилган ва ушбу соҳада
давлат сиёсатининг сифат жиҳатидан янги даражага ўтишидан далолат
беради[1].
Хорижий инвесторларнинг республикамиз инвестицион салоҳиятидан ва
юртимизга бўлган қизиқишининг асосий сабаби яратилган имтиёзлар
натижасидир. Шунингдек, инвестиция сиёсатининг аниқлиги ва уни самарали
амалга ошириш бўйича ишлаб чиқарилган стратегиянинг тўғрилиги ҳам муҳим
аҳамиятга эга. Шу билан бирга, жамият эҳтиёжларини қондириш, ресурслардан
самарали фойдаланиш эса меҳнат унумдорлигини оширишни, иқтисодий
ўсишни талаб қилади.
Иқтисодиётни модернизациялаш юқори технологик жараёнда тайёрланган
маҳсулотлар ҳажмини кўпайтириш имконини беради. Экспорт таркибида
хомашё, ёқилғи сарфини қисқартириш эса инновацион маҳсулотлар ва
хизматлар улуши кўпайишини таминлайди. Натижада ялпи ички маҳсулот
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
2
www.iqtisodiyot.uz
таркибида билимлар иқтисодиёти улуши ортади ҳамда миллий иқтисодиётнинг
инновацион суръатларида тараққий этишига мустаҳкам асос яратилади.
Ўзбекистон
Республикасининг
Биринчи
Президенти
И. Каримов
таъкидлаганларидек мамлакатимизни ижтимоий-иқтисодий ривожланириш,
иқтисодиётни таркибий ўзгартириш, тармоқларни модернизация қилиш, техник
ва технологик янгилашга доир лойиҳаларни амалга ошириш учун
инвестицияларни жалб қилиш борасида бажарилаётган ишлар алоҳида
эътиборга лойиқ.
2015-йилда ана шу мақсадларга барча молиялаштириш манбалари
ҳисобидан 15 миллиард 800 миллион АҚШ доллари миқдорида инвестициялар
жалб этилди ва ўзлаштирилди. Жами инвестицияларнинг 3 миллиард 300
миллион доллардан зиёди ёки 21 фоиздан ортиғи хорижий инвестициялар
бўлиб, шунинг 73 фоизи тўғридан-тўғри чет эл инвестицияларидир.
Инвестицияларнинг 67,1 фоизи янги ишлаб чиқариш қувватларини барпо
этишга йўналтирилди. Бу эса 2015-йилда умумий қиймати 7 миллиард 400
миллион доллар бўлган 158 та йирик ишлаб чиқариш объекти қурилишини
якунлаш ва фойдаланишга топшириш имконини берди. 2016-йилга келиб
умумий қиймати 5 миллиард доллардан зиёд бўлган 164 та йирик инвестиция
лойиҳасини белгиланган муддатларда сўзсиз ишга туширишни таъминлаш
бўйича зарур чора-тадбирлари кўзда тутилмоқда. 2016-йилда қишлоқ жойларда
1 миллион 800 минг квадрат метрдан зиёд ҳажмдаги 13 мингта уй-жой барпо
этиш, узунлиги 900 километр ичимлик суви, газ ва электр тармоқлари, 325
километр йўл қуриш мўлжалланмоқда.
Бир сўз билан айтганда, 2016-йилда иқтисодиётимизни ривожлантириш,
модернизация қилиш ва таркибий ўзгаришларни амалга ошириш учун 17
миллиард 300 миллион доллар қийматидаги инвестициялар йўналтириш,
уларнинг ўсиш суръатини 109,3 фоизга етказиш белгиланган. Ана шу
инвестицияларнинг 4 миллиард доллардан ортиғини хорижий инвестициялар
ташкил қилади, бу 2015-йилга нисбатан 20,8 фоиз кўпдир[2].
Бу борада муҳим бир масалага эътиборимизни қаратадиган бўлсак чет эл
инвестицияларини иқтисодиётимиз тараққиётига жалб этар эканмиз, биз
аввало, шулар ҳисобидан хориждан олиб келадиган техника ва технологиялар
замон талабига жавоб берадиган энг юқори даражада бўлиши зарур.
Инвестициялар жалб қилиниши учун молия бозорида қулай муҳитни
шакллантириш, солиқ юкини камайтириш, молия ва банк секторини ислоҳ
қилиш, тадбиркорликни ривожлантириш муҳим аҳамиятга эга. Миллий
иқтисодиётни ривожлантириш ҳамда янги ишлаб чиқаришни ташкил этишда
кредит ресурсларини жалб қилиш долзарб масаладир, чунки бу ишнинг
ҳаммасини амалга ошириш йирик молиявий имкониятларни талаб этади.
Мазкур молиялаштириш масалаларининг ечими хўжалик юритувчи
субъектларда инвестицион кредитлар бериш билан бевосита боғлиқ
ҳисобланади.
Мамлакатимизда кичик бизнес ва хусусий тадбиркорлик манфаатларини
ишончли ҳимоя қилиш, энг муҳими, Конституциямизда кўзда тутилганидек,
хусусий мулкнинг қонуний, меъёрий-ҳуқуқий ва амалий жиҳатдан устувор
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
3
www.iqtisodiyot.uz
ролини таъминлаш ҳамда ишбилармонлик муҳитини яхшилаш борасида олиб
бораётган ишларимиз ўзининг ривожланиш йўлида одимланиши билан бирга
халқаро иқтисодий ташкилотларнинг рейтингларида ўзининг ижобий
ифодасини ҳам топмоқда. 2015- йилнинг октябр ойида Жаҳон банки «Бизнес
юритиш» рейтингини эълон қилди. Ана шу рейтингда Ўзбекистон фақат бир
йилнинг ўзида 16 поғонага кўтарилиб, 87-ўринни эгаллади. Шуни алоҳида қайд
этиш керакки, «Янги бизнесни қўллаб-қувватлаш» деб аталадиган мезон бўйича
мамлакатимиз айни пайтда жаҳонда 42-ўринни, тузилган шартномалар
ижросини таъминлаш бўйича 32-ўринни, иқтисодий ночор корхоналарга
нисбатан қўлланадиган банкротлик тизимининг самарадорлиги бўйича 75-
ўринни эгаллаб турибди. «Кичик бизнес субектларига кредит бериш» деб
номланадиган кўрсаткич бўйича Ўзбекистон сўнгги уч йилда 154-ўриндан 42-
ўринга кўтарилди ва ўтган йилнинг ўзида рейтингини 63 позицияга яхшилади.
Ҳозирги пайтда ушбу соҳада жами саноат маҳсулотларининг учдан бир қисми,
қишлоқ хўжалиги маҳсулотларининг 98 фоизи ишлаб чиқарилмоқда. Иш билан
банд жами аҳолимизнинг 77 фоиздан ортиғи – шунга эътибор бериш керакки –
мазкур тармоқда меҳнат қилаётгани, ўз пешона тери билан нафақат ўз оиласини
боқаётгани, балки мамлакатимиз бойлигига бойлик қўшаётгани, аввало,
мустақиллик бизга очиб берган имкониятларнинг яққол исботи десак ҳам
бўлади.
2015 йил давомида кредитларни расмийлаштириш шартлари ва
жараёнларини енгиллаштириш бўйича қабул қилинган чора-тадбирлар
натижасида, кичик тадбиркорлик субъектлари томонидан инвестиция
мақсадларига йўналтирилган маблағларнинг барқарор ўсиши таъминланди.
2015 йил давомида ушбу соҳада умумий қиймати 14789,3 млрд.сўм (2014
йилга нисбатан ўсиш 18,1%) миқдоридаги инвестициялар ўзлаштирилиб, бу
республика бўйича ўзлаштирилган умумий инвестицияларнинг 36,3%ини (2014
йилда 34,8%) ташкил этди. Фаол инвестиция сиёсатини амалга оширилганлиги
туфайли, 2015 йилда 26,8 мингдан зиёд янги кичик бизнес субъектлари ташкил
этилиб, саноат соҳасида фаолият юритаётган субъектлар модернизацияси
амалга оширилди. Намунали лойиҳалар асосида уй-жойлар қурилиши ҳамда
қишлоқ жойларида ташкил этилаётган янги иш ўринлари ортди.
Инвестицияларнинг ортиши республика ялпи ички маҳсулоти ва ҳудудлар ялпи
ҳудудий маҳсулотини яратишда кичик бизнес ва хусусий тадбиркорлик
улушининг ўсишини таъминлади. 2015 йил якунлари бўйича ҳудудлар ялпи
ҳудудий маҳсулотини яратишда кичик тадбиркорлик улуши Жиззахда –
80,1%гача, Наманганда – 80,2%гача, Самарқандда – 77,9%гача, Сурхондарёда –
75,2%гача ва Хоразмда – 74,1%гача ўсди.
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
4
www.iqtisodiyot.uz
1-жадвал
Ҳудудларда кичик тадбиркорлик ривожланишининг асосий
кўрсаткичлари[3], (%)
№
Ҳудудлар
Рўйхатдан ўтган
субъектлар сони,
бирлик
Кичик тадбиркорликнинг салмоғи
ЯИМ, ЯҲМ да
Саноат ишлаб
чиқариш ҳажмида
2014
2015
2014
2015
2014
2015
1
2
3
4
5
6
7
8
Ўзбекистон
Республикаси
221140
225998
56,1
56,5
31,9
38,9
1.
Қорақалпоғистон
Республикаси
10609
10617
64,5
64,6
34,6
39,1
2.
Андижон в.
22802
23848
59,4
61,4
17,4
29,5
3.
Бухоро в.
12420
12571
67,0
67,5
32,0
38,6
4.
Жиззах в.
8625
9200
79,9
80,1
42,9
50,4
5.
Қашқадарё в.
17492
15890
51,5
51,6
16,9
21,7
6.
Навоий в.
6798
7089
36,9
37,1
10,2
14,8
7.
Наманган в.
15122
15731
79,7
80,2
55,9
61,9
8.
Самарқанд в.
15096
15375
77,4
77,9
45,3
55,4
9.
Сурхондарё в.
11344
10292
74,5
75,2
29,2
39,0
10.
Сирдарё в.
7072
7281
67,7
68,5
30,4
36,3
11.
Тошкент в.
21741
23102
56,2
56,7
25,3
28,8
12.
Фарғона в.
18036
18775
62,1
63,2
27,8
40,8
13.
Хоразм в.
10762
10737
73,9
74,1
29,7
35,3
14.
Тошкент ш.
43221
45490
55,9
57,0
68,9
71,2
Ўзбекистон Республикаси Президентининг 2015 йил 15 майдаги «Хусусий
мулк, кичик бизнес ва хусусий тадбиркорликни ишончли ҳимоя қилишни
таъминлаш, уларни жадал ривожлантириш йўлидаги тўсиқларни бартараф
этиш чора-тадбирлари тўғрисида»ги Фармони[4] тадбиркорлик субъектларини
ташкил этишнинг соддалаштирилишига ва фаолиятини амалга оширишни
енгиллаштирилишига олиб келди.
2016 йилнинг 1 январь ҳолатига 225998 та кичик корхона ва микрофирма
рўйхатдан ўтган. 2015 йил мобайнида 26,9 мингдан зиёд янги субъектлар
ташкил этилиб, бу ўтган йилнинг мос кўрсаткичидан 3,3 %га кўпдир.
Субъектлар сони ўсишининг яна бир муҳим омили бўлиб, кичик бизнес ва
хусусий тадбиркорликни кредитлаш жараёнининг соддалаштирилиши
ҳисобланади.
2015 йилда қайтадан ташкил этилган субъектларнинг 58%идан зиёди
Тошкент, Фарғона, Самарқанд, Андижон вилоятлари ва Тошкент шаҳрига, яъни
саноат ишлаб чиқариши юқори даражада ривожланган ҳамда кичик корхоналар
ривожланиш учун йирик ишлаб чиқарувчилар билан кооперацияга киришиш
имконияти мавжуд бўлган ҳудудларга тўғри келди.
Кичик бизнес субъектлари чакана савдо айланмаси ҳажми ўтган йилга
нисбатан 116 %га ўсиб, 61839,9 млрд.сўмни ташкил этди. Республика умумий
товар айланмасидаги улуши эса 87,1 %га етди. Бутун йил давомида кичик
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
5
www.iqtisodiyot.uz
бизнес субъектлари чакана товар айланмасининг юқори ўсиши кузатилди.
Республика товар айланмасида кичик бизнес улушининг сезиларли ортиши,
қишлоқ хўжалиги маҳсулотларини қайта ишлаш соҳасида хусусий ва
индивидуал сектор улушининг ортиши билан изоҳланади.
Экспорт ва импорт умумий ҳажмида кичик тадбиркорликнинг улуши
ўсиши динамикаси
[5],%
2015 йилда кичик бизнес субъектлари томонидан 3461,6 млн. АҚШ
долларилик маҳсулотлар экспорт қилинган бўлиб, республика умумий
экспортидаги салмоғи 26,9 %ни ташкил этди (2014 йилда 26 %). Хусусий
секторнинг экспортдаги улуши эса 3,3 %га тенг бўлди. Ушбу даврда кичик
бизнеснинг умумий импорт ҳажми 5524,8 млн. АҚШ долларига етди.
Республика умумий импортида кичик бизнеснинг улуши 44,5 %ни (2014 йилда
41,3 %), хусусий секторнинг улуши эса 8,8 %ни ташкил этди.
2015 йилда аҳолига кўрсатилган пуллик хизматлар ҳажми 13881,7
млрд.сўмни ташкил этиб, 2014 йилга нисбатан ўсиш 115,0 %ни, республика
бўйича кўрсатилган пуллик хизматлар ҳажмида КТнинг улуши эса 50,8%ни
(2014 йилда 48,5 %) ташкил этди. Аҳолига кўрсатилган пуллик хизматлар
асосан якка тартибдаги тадбиркорлар томонидан кўрсатилиб, унинг улуши
89,7%ни ташкил этди. Пуллик хизматлар таркибида кичик бизнеснинг улуши
Қорақалпоғистон Республикаси, Сирдарё вилояти ва Тошкент шаҳрида
сақланиб қолмоқда[6].
Мамлакатимизда кичик бизнес ва хусусий тадбиркорлик соҳасида улкан
ютуқлар қўлга киритилаётганига қарамай, унинг имкониятларидан ҳали тўлиқ
фойдаланилмаган жиҳатлар ҳам мавжуд. Жумладан, мамлакатимизда кичик
бизнес субектлари сонининг жадал суръатлар билан ўсишига қарамай, ҳали
уларнинг етарли даражага эришмаганлиги, айниқса, иқтисодиётнинг етакчи
тармоқларида у қадар катта салмоққа эга эмаслиги мазкур соҳа
6
10,7
14,8
12,3
14,6 13,6
18,8
15,7
18
26
26,9
33,7
34,5
33,3
38,5
42,5
36,6
37,4
37,6
40,6
45,3 44,5
0
10
20
30
40
50
60
70
80
2005 2006 2007 2008 2009 2010 2011 2012 2013 2014 2015
Импорт
Экспорт
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
6
www.iqtisodiyot.uz
имкониятларидан тўлиқ фойдаланмаётганлигини кўрсатади. Иқтисодиётда
кичик бизнес субектлари салмоғини ошириш маълум чегараларга эга. Бу
чегараларни кенгайтириш учун кичик бизнес корхоналари ташкил топишининг
асосий хусусиятларини ажратиб олиш муҳим ҳисобланиб, уларни асосан
қуйидаги турларрга ажратиш мумкин:
-
мустақил ҳолда маҳсулот ишлаб чиқарувчи корхоналар (масалан, озиқ-
овқат маҳсулотлари, кийим - кечак ва ҳ.к. ишлаб чиқарувчи кичик корхоналар);
-
йирик корхона фаолиятига ўзаро боғлиқ ҳолда таркиб топган корхоналар
(масалан, эҳтиёт қисмлар етказиб берувчи, хизмат кўрсатувчи кичик
корхоналар).
Кичик бизнес корхоналарининг янада ривожланиши йирик корхоналар
ривожланиши ва улар ўртасидаги кооперацион алоқаларнинг чуқурлашувига
боғлиқ. Бу борада, айниқса, етакчи корхоналарнинг модернизациялаш ва
янгилаш жараёнлари имкониятларидан кенг фойдаланиш лозим. Бунинг учун
янги замонавий корхоналарни барпо этиш билан бир қаторда, мавжуд йирик
корхоналарни таркибий қайта тузиш орқали кичик замонавий корхоналар
фаолиятини йўлга қўйиш муҳим ҳисобланади. Бунда давлат мазкур муаммога
икки томонлама ёндашиши мумкин:
-
йирик саноат корхоналарининг кичик бизнес билан кооперацион алоқалар
ўрнатишга рағбатлантириш;
-
кичик корхона ва микрофирмалар томонидан кооперацион алоқаларга
киришиш учун муайян имконият, шарт-шароитлар яратиш.
Биринчи йўналишда давлат йирик саноат корхоналарини кичик бизнес
корхоналари билан ҳамкорлик алоқалари ўрнатишга ундаб, буни бевосита
(маъмурий) ва билвосита (иқтисодий) усуллар орқали амалга ошириш мумкин.
Бевосита ундаш давлат ва унинг тармоқ бошқарув идоралари томонидан
тегишли қарор ва фармонлар қабул қилиш орқали амалга оширилилади.
Билвосита усуллар эса асосан қуйидагиларни қўллаш орқали амалга
оширилиши мумкин:
1.
Давлат буюртмаси асосида амалга оширилувчи ишлаб чиқариш
ҳажмининг маълум қисмини кичик бизнес корхоналарига беришни
рағбатлантириш. Бунда давлат буюртмасини олиш учун тендерда иштирок
этувчи йирик саноат корхоналари ўзларининг бизнес-лойиҳаларида кичик
бизнесга тақдим этиладиган иш ҳажми, турлари ва бошқа маълумотларини баён
этиб, улар танловда муҳим жиҳат сифатида инобатга олинади.
2.
Йирик корхоналарни солиқ имтиёзлари орқали рағбатлантириш. Мазкур
йўналишда кичик бизнес корхоналари иштирокида олинган даромад ёки
яратилган маҳсулот (хизмат) ҳажми имтиёзли солиқлар қўлланилиши ёки
солиқдан озод этиши мумкин. Белгиланган солиқ имтиёзлари даражаси йирик
корхоналар мазкур жараёнга қизиқишлари, уларни кичик корхоналар билан
ҳамкорлик қилишга ундай олиш лаёқатига боғлиқ бўлади.
Мамлакатимиздаги кичик бизнес корхоналарининг йирик корхоналар
билан хамкорлик алоқалари йўлга қўйилишида тармоқ бошқарув
идораларининг саи-ҳаракатлари тақазо этилади. Ҳар бир тармоқдаги йирик
корхоналарнинг ишлаб чиқариш жараёнлари таҳлил қилиниб, улрнинг
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
7
www.iqtisodiyot.uz
иқтисодий самарадорлигини ошириш нуқтаи-назаридан кичик корхоналар
зиммасига юклатилиши мумкин бўлган иш ҳажмларининг ўзаро манфаатли
асосда берилиши механизмини ишлаб чиқиш даркор. Бу тадбир, бугунги кунда
мавжуд бўлган ва фаолият кўрсатаётган кичик бизнес корхоналари билан бир
қаторда, кооперация алоқаларининг йўлга қўйилиши билан ташкил этилиши
тақазо этилувчи янги корхоналар миқдорини аниқлаш имконини беради.
Юқори технологияга асосланган ишлаб чиқаришларни ривожлантиришга
тўғтидан-тўғри қўйилмалар киритилаётган хорижий инвесторлар учун
максимал даражада қулай инвестиция муҳитини яратиш, республика
минтақаларига хорижий сармоялар ва замонавий технологияларни жалб
этилишини кучайтириш, хорижий инвесторлар ҳамда ҳорижий инвестициялар
иштирокидаги корхоналар учун кафолатлар ва имтиёзлар тизимини янада
мустаҳкамлаш мақсадида қонун ҳужжатларига бир қатор ўзгартириш ва
қўшимчалар киритилди, бу эса ўз навбатида мамлакатимизнинг инвестициявий
жозибадорлигини оширишга хизмат қилади.
Таҳлиллардан
хулоса
шуки,
мамлакатимизни
модернизациялаш
жараёнлари ривожланаётган бир шароитда давлатнинг ўрта ва узоқ муддатли
инвестициявий стратегиясида қуйидаги вазифалар ҳал этилишига этибор
қаратилиши иқтисодиётнинг янада ривожланишини таъминлашга хизмат
қилиши мумкин.
- миллий иқтисодиёт рақобатбардошлигига қаратилган таркибий
ўзгаришларни изчил амалга ошириш ва давом эттириш;
- иқтисодиётнинг экспорт ва импорт салоҳиятига ҳизмат қиладиган,
шунингдек, юқори қўшимча қиймат яратадиган етакчи устувор тармоқларни
қўллаб-қувватлаш;
- минтақавий инфратузилмани ривожлантиришга қаратилган устивор
инвестицион лойиҳаларни давлат томонидан қўллаб-қувватлаш;
- маҳаллий ва чет эл инвесторлари фаоллигини ошириш бўйича
инвестицион муҳит жозибадорлигини таъминлаш;
- юқори технологияларга асосланган ва юқори қўшимча қиймат
яратадиган қўшма лойиҳаларни ташкил этишга хизмат қиладиган қулай бизнес
муҳитини яратиш;
- инсон капитали ривожланишига қаратилган ва бугунги кунда БМТ
томонидан давлатларнинг кўп қиррали ривожланишига берилаётган баҳолардан
бири сифатида Инсон тараққиёти индексини юқори бўлишига хизмат
қиладиган муҳим омиллардан бири аҳоли жон бошига тўғри келдиган ялпи
ички маҳсулотнинг мутлақ қиймати кўпайишини таъминлаш.
Хулоса қилиб айтганда, мустақиллик йилларида Ўзбекистонда қулай
инвестициявий муҳит шакллантирилди, хорижий инвесторларнинг ҳуқуқ ва
манфатларини ҳимоя қилиш бўйича қонуний имтиёзлар, афзаллик ва
кафолатлар тизими йўлга қўйилди. Натижада хорижий сармоядорлар учун
мамлакатимиз иқтисодиётининг жозибадорлиги йилдан-йилга ортиб бормоқда.
Буни
мамлакатимиз
иқтисодиётига
тўғридан-тўғри
киритилаётган
инвестициялар миқдори йилдан-йилга ошиб бораётгани ҳам яққол кўрсатиб
турибди.
“Иқтисодиёт ва инновацион технологиялар” илмий электрон журнали. № 6, ноябрь-декабрь, 2016 йил
8
www.iqtisodiyot.uz
Фойдаланилган адабиётлар рўйхати
1.
Ўзбекистон Республикаси Қонун ҳужжатлари маълумотлари миллий
базаси. Lex.uz, 2016 йил 5 октябрь.
2.
Каримов И.А. Бош мақсадимиз – мавжуд қийинчиликларга қарамасдан,
олиб бораётган ислоҳотларни, иқтисодиётимизда таркибий ўзгаришларни изчил
давом эттириш, хусусий мулкчилик, кичик бизнес ва тадбиркорликка янада
кенг йўл очиб бериш ҳисобидан олдинга юришдир. //Халқ сўзи, 2016 йил 16
январь.
3.
Ўзбекистон Республикаси Қонун ҳужжатлари маълумотлари миллий
базаси. Lex.uz.
4.
Ўзбекистон Республикаси Давлат статистика қўмитаси маълумотлари.
5.
Ўзбекистон иқтисодиёти. Ахборот – таҳлилий бюллетень. Тошкент –
2016 й.
6.
Ўзбекистон Республикаси Давлат статистика қўмитаси маълумотлари.
