Иқтисодиёт ва таълим / 2020 № 4
226
шувчи консалтинг ва сервис хизматлари,
инфратузилмалар етарли ривожланмаганли-
ги билан изоҳлаш мумкин.
Экспортчи корхоналар, фермер хўжа-
ликлари ва хусусий тадбиркорлик субъект-
лари маҳсулотларининг жаҳон бозорларида-
ги рақобатбардошлигини таъминлашда қу-
йидаги чора-тадбирларнинг амалга ошири-
лиши муҳим:
- экспортни давлат томонидан қўллаб-
қувватлаш механизмларини янада ривож-
лантириш;
- экспорт қилувчи корхоналарга маҳсу-
лот тайёрлаш ва сотиш харажатларини ка-
майтиришда кўмаклашиш;
- уларни ташқи бозор конъюнктураси-
даги ўзгаришлар, истиқболли бозорлар, ра-
қобатчилар тўғрисида маълумотлар билан
таништириш;
- транспорт-коммуникация тизимлари-
ни ривожлантириш ва янги транспорт йў-
лакларини очиш орқали транспорт хараж-
атларини камайтириш;
- иқтисoдиётнинг барча жабҳаларида
рaқoбaтдoш ва илм талаб инновацион маҳсу-
лотларни ишлаб чиқaришга мўлжaллaнгaн
хaлқaрo стандартларни жорий этиш;
- хaлқaрo стандарт талабларига мос
равишда сифат устидан назоратни жорий
этиш;
- Ўзбекистон Республикасининг xoри-
жий мамлакатлар билан савдо – иқтисoдий
ва молиявий ҳамкорликларни янада кучай-
тиришга эришилади.
Хулоса ўрнида юқоридагилардан келиб
чиқиб айтиш жоизки, аграр соҳани ривож-
лантиришга қаратилган фармон ва қарор-
лар, ҳукуматимиз томонидан соҳага бери-
лаётган доимий эътибор ва иқтисодий им-
тиёзлар, фан ва техника ютуқлари ҳамда
илғор энг сўнгги технологияларни ама-
лиётга жорий этиш жахон бозорида рақо-
батбардош маҳсулотларни кўпайишига ва
соҳада экспорт ҳажмини ошишига олиб
келади.
Манба ва фойдаланилган адабиётлар руйхати:
1. Ўзбекистон Республикаси Президенти Ш.М.Мирзиёевнинг Олий мажлис қонунчилик палатаси ва сенатига
мурожаатномаси 2020 йил 24 январ.
2. Ўзбекистон Республикаси Президенти Ш.М.Мирзиёевнинг 2017 йил 7-февралдаги ПФ-4947 сонли 2017-2021
йилларда Ўзбекистон Республикасини ривожлантиришнинг бешта устувор йўналишлари бўйича “Ҳаракатлар
стратегияси”
3. Ўзбекистон Республикаси Иқтисодиёт вазирлиги маълумотлари 2018 йил.
4. Ўзбекистон Республикасининг 2035 йилгача ривожланиш Стратегиясининг концепцияси. 2019 йил 18 май.
https://kun.uz.
5. БМТ Озиқ-овқат ва қишлоқ хўжалиги ташкилоти (ФАО) томонидан тайёрланган ҳисобот - Европа ва
Марказий Осиёда озиқ-овқат хавфсизлиги ва овқатланиш соҳасидаги ишларнинг аҳволи, ишчи гуруҳининг таҳлили
2018 йил.
ЎЗБЕКИСТОНДА ҚИШЛОҚ ХЎЖАЛИК МАҲСУЛОТЛАРИ ЭКСПОРТИНИ
МОЛИЯЛАШТИРИШ: ЗАМОНАВИЙ ҲОЛАТИ, МУАММОЛАРИ ВА
ТАКОМИЛЛАШТИРИШ ЙЎЛЛАРИ
Таженова Гулбахор Есбосыновна -
Тошкент давлат аграр университети
Нукус филиали, мустақил изланувчи
Аннотация:
Қишлоқ хўжалик маҳсулотлари экспортини ривожлантириш Ўзбекистон Республикасининг
экспорт салоҳиятини оширишнинг зарурий шартларидан бири ҳисобланади. Шу сабабли, Ўзбекистон Республикаси
қишлоқ хўжалигини ривожлантиришнинг 2020-2030 йилларга мўлжалланган Стратегиясида 2030 йилга қадар
қишлоқ хўжалик маҳсулотлари экспорти ҳажмини кескин ошириш, яъни 20 млрд. АҚШ долларига етказиш вазифаси
қўйилган[1]. Бу эса, ўз навбатида, қишлоқ хўжалик маҳсулотлари экспортини молиялаштириш амалиётини
такомиллаштириш заруриятини юзага келтиради.
Ушбу мақолада республикамизда қишлоқ хўжалик маҳсулотлари экспортини молиялаштириш амалиётини
такомиллаштириш билан боғлиқ бўлган муаммолар аниқланган ва уларни ҳал қилишга қаратилган илмий
таклифлар ишлаб чиқилган.
Таянч сўзлар:
кредит, субсидия, фоиз ставкаси, ҳужжатлаштирилган аккредитив, банк кафолати,
инфляция, валюта курси, экспорт, қишлоқ хўжалик маҳсулотлари, давлат бюджети, бонификация.
ҚИШЛОҚ ХЎЖАЛИГИ
Иқтисодиёт ва таълим / 2020 № 4
227
Аннотация:
Развитие экспорта сельхозпродуктов является одним из обязательных условий повышения
экспортного потенциала Республики Узбекистан. Поэтому, в Стратегии развития сельского хозяйства Республики
Узбекистан на 2020-2030 годы предусмотрено существенное увеличение экспорта сельхозпродукций, т.е. до 20
млрд. долларов к 2030 году. А это, в свою очередь, обуславливает необходимость совершенствования практике
финансирования экспорта сельхозпродуктов.
В статье выявлены проблемы, связанных с совершенствованием практике финансирования экспорта
сельхозпродуктов в республике и разработаны научные предложения, направленных на решение этих проблем.
Ключевые слова:
кредит, субсидия, процентная ставка, документарный аккредитив, банковская гарантия,
инфляция, валютный курс, экспорт, сельскохозяйственные продукты, государственный бюджет, бонификация.
Annotation:
The development of agricultural exports is one of the prerequisites for increasing the export potential of
the Republic of Uzbekistan. Therefore, the Strategy for the Development of Agriculture of the Republic of Uzbekistan for 2020-
2030 provides for a significant increase in agricultural exports, i.e. up to $ 20 billion by 2030. And this, in turn, necessitates
improving the practice of financing the export of agricultural products.
The article identifies problems associated with improving the practice of financing the export of agricultural products
in the republic and develops scientific proposals aimed at solving these problems.
Key words:
credit, subsidy, interest rate, documentary letter of credit, bank guarantee, inflation, exchange rate, export,
agricultural products, state budget, bonfication.
Кириш.
Илғор хориж тажрибаси кўрса-
тадики, қишлоқ хўжалик маҳсулотлари экс-
портини молиялаштириш амалиётини тако-
миллаштириш қишлоқ хўжалик маҳсулот-
лари экспортини ривожлантиришнинг зару-
рий шартларидан бири ҳисобланади. Бу эса,
қишлоқ хўжалик маҳсулотлари экспортини
молиялаштириш амалиётини такомиллаш-
тириш билан боғлиқ бўлган муаммоларни
аниқлаш ва уларни ҳал қилиш йўлларини
ишлаб чиқиш заруриятини юзага келтиради.
Айни вақтда, Ўзбекистон Республика-
сида қишлоқ хўжалик маҳсулотлари экспор-
тини молиялаштириш амалиётида бир қатор
долзарб муаммолар мавжуд. Ана шундай
долзарб муаммолардан бири бўлиб, тижорат
банклари томонидан қишлоқ хўжалик маҳсу-
лотлари экспорти бўйича очилган ҳужжат-
лаштирилган аккредитивларни жами аккре-
дитивлар ҳажмидаги салмоғининг жуда ки-
чиклиги (3,5-4,0%) ҳисобланади. Бундан
ташқари, тижорат банклари кредитларининг
фоиз ставкаларини юқори эканлиги қишлоқ
хўжалик маҳсулотлари экспортини молия-
лаштириш амалиётига нисбатан салбий
таъсирни юзага келтирмоқда.
Мавзуга оид адабиётлар шарҳи.
В. Малийнинг фикрига кўра, қишлоқ хўжа-
лик маҳсулотлари экспортини молиялашти-
ришда уларни суғурталашни давлат томони-
дан молиявий қўллаб-қувватлаш муҳим ўрин
тутади. Бунда, қишлоқ хўжалиги ишлаб чи-
қарувчиси суғурта ташкилоти билан суғурта
шартномаси тузади ва суғурта мукофоти
суммасининг 50 фозини тўлаб беради, қол-
ган 50 фоизини давлат тўлаб беради [2].
В.Малийнинг ушбу хулосаси Ўзбе-
кистон учун муҳим амалий аҳамият касб
этади. Фермерларниг рентабеллик даражаси
нисбатан паст бўлганлиги сабабли қишлоқ
хўжалик маҳсулотлари экспорти суғуртаси
харажатининг ярмини давлат томонидан
қоплаб берилиши уларнинг экспорт салоҳия-
тини оширишга хизмат қилади.
С.Короткова, Ю. Ткач, Е.Шкарупа, П.Пе-
реходов, Ж.Скофт, У.Динкельберглар томо-
нидан амалга оширилган тадқиқотларнинг
натижалари кўрсатдики, қишлоқ хўжалиги
экспортини кредитлаш самарадорлигини
таъминлашнинг зарурий шарти бўлиб, ти-
жорат банклари томонидан экспортни мо-
лиялаштириш мақсадида берилган кредит-
ларнинг фоизини бир қисмини давлат то-
монидан қоплаб берилиши (бонификация)
ҳисобланади[3].
А.Гавриловнинг хулосасига кўра, экс-
портни молиялаштиришни такомиллашти-
риш йўналишлари бўлиб қуйидагилар ҳисоб-
ланади:
– экспортни молиялаштириш давлат ва
хусусий капитални ўзида мужассам этган ти-
зимга асосланиши керак;
– халқаро иқтисодий ташкилотлар би-
лан ҳамкорликни кучайтириш;
– экспортёрларни ахборот ва консал-
тинг қўллаб-қувватлаш институтини яра-
тиш;
– экспорт кредитларини суғурталаш
агентлигини ташкил этиш;
– экспортёрларнинг транспорт хара-
жатларини субсидиялаш [4].
Ўзбекистонлик иқтисодчи олимлардан
Э.Шодмонов ҳужжатлаштирилган аккреди-
тивлардан аграр соҳа корхоналарининг экс-
порт-импорт операцияларини молиялашти-
риш мақсадида фойдаланиш кўламини кен-
гайтиришни таклиф қилган [5].
И.Алимардоновнинг фикрига кўра, ки-
чик бизнес субъектларининг (шу жумладан,
аграр соҳада фаолият юритаётган кичик биз-
ҚИШЛОҚ ХЎЖАЛИГИ
Иқтисодиёт ва таълим / 2020 № 4
228
нес субъектларининг) ташқи савдо фаолия-
тини кредитлаш амалиётини такомиллаш-
тириш учун уларнинг ҳужжатлаштирилган
аккредитивлар воситасида амалга оширила-
диган тўловларини тижорат банкларининг
муддатли ва овердрафт кредитлари ҳисоби-
дан тўланишини жорий қилиш керак [6].
Таҳлиллар ва натижалар.
Ўзбекистон
Республикасида қишлоқ хўжалик маҳсулот-
лари экспорти ҳажмини ошириш давлат
иқтисодий сиёсатининг устувор йўналишла-
ридан бири ҳисобланади. Шу сабабли, қиш-
лоқ хўжалик маҳсулотлари экспорти ҳаж-
мини ошириш учун зарур бўлган шарт-ша-
роитларни яратиш, шу жумладан, қишлоқ
хўжалик маҳсулотлари экспортини молия-
лаштириш амалиётини такомиллаштиришга
алоҳида эътибор қаратилмоқда.
Ўзбекистон Республикаси Президенти-
нинг 2019 йил 29 июлдаги ПҚ-4406-сонли
“Қишлоқ хўжалиги маҳсулотларини чуқур
қайта ишлаш ва озиқ-овқат саноатини янада
ривожлантириш бўйича қўшимча чора-тад-
бирлар тўғрисида”ги қарорига мувофиқ,
2019 йил 1 августдан бошлаб қишлоқ хўжа-
лиги маҳсулотини экспорт қилувчиларнинг
маҳсулотни сертификатлаштириш бўйича
харажатлари «Ўзстандарт» агентлигининг
асослантирилган ҳисоб-китобларига муво-
фиқ Ўзбекистон Республикаси Инвестиция-
лар ва ташқи савдо вазирлигининг Экспорт-
ни рағбатлантириш агентлиги томонидан
қоплаш;
– Ўзбекистон Рсепубликаси Вазирлар
Маҳкамаси ҳузуридаги Тадбиркорлик фао-
лиятини ривожлантиришни қўллаб-қувват-
лаш давлат жамғармаси маблағлари ҳисоби-
дан миллий валютада, қиймати 10 миллиард
сўмдан ошмайдиган миқдордаги, Ўзбекистон
Республикаси Марказий банки қайта молия-
лаштириш ставкасининг 1,5 бараваридан
ошмайдиган фоиз ставкасида жалб қилина-
диган кредитлар бўйича - 5 фоизли пункт
миқдорида; хорижий валютада, қиймати эк-
вивалентда 10 миллиард сўмдан ошмайди-
ган миқдорда жалб қилинадиган кредитлар
бўйича - тижорат банклари томонидан бел-
гиланган фоиз ставкасининг 40 фоизи, аммо
4 фоиздан ортиқ бўлмаган миқдорда фоиз
харажатларини қоплаш учун компенсация
бериш тартиби жорий қилинди[7].
Ўзбекистон Республикаси Вазирлар
Маҳкамасининг 2019 йил 23 февралдаги
163-сонли қарори билан тасдиқланган “Ме-
ва-сабзавот маҳсулотларини экспорт қилиш
тартиби тўғрисида”ги низомга мувофиқ:
– тадбиркорлик субъектлари улгуржи
савдо қилиш лицензиясига эга бўлмасдан
мева-сабзавот маҳсулотлари экспортини
амалга ошириш ҳуқуқига эгадирлар. Бунда
якка тартибдаги тадбиркорларнинг мева-
сабзавот маҳсулотлари экспорт тушумлари-
га ягона солиқ тўлови тўланишини назарда
тутувчи солиққа тортиш тартиби қўллани-
лади;
– экспорт қилувчи юридик шахслар ме-
ва-сабзавот маҳсулотлари экспортини даст-
лабки тўловсиз, аккредитив очмасдан, банк
кафолатини расмийлаштирмасдан ҳамда
экспорт шартномани тижорат ҳавфларидан
суғурта полисисиз амалга ошириш ҳуқуқига
эга;
1-расм. Ўзбекистон Республикасида экспорт ва қишлоқ хўжалик маҳсулотлари
экспортининг ҳажми, млрд. АҚШ доллари [9]
– экспорт операциялари бўйича божхо-
на юк декларацияси расмийлаштирилган
санадан бошлаб тўлов муддати ўтказиб юбо-
рилган дебитор қарздорликнинг пайдо
бўлиш муддати мева-сабзавот маҳсулотлари
учун 120 календарь кун этиб белгиланади;
ҚИШЛОҚ ХЎЖАЛИГИ
Иқтисодиёт ва таълим / 2020 № 4
229
– экспорт қилувчилар экспорт контрак-
ти тузмасдан инвойс асосида мева-сабзавот
маҳсулотларини Ўзбекистон Республикаси-
нинг тижорат банкларидаги ҳисобварақла-
рига Ўзбекистон Республикаси норезидент-
ларидан хорижий валютада банк ўтказмала-
ри, шунингдек, хорижий ёки миллий валю-
тадаги нақд пул маблағларини белгиланган
тартибда банк кассаларига киритиш орқали
100 фоиз олдиндан тўлов олиш шарти билан
экспорт қилиш ҳуқуқига эга [8].
1-расм маълумотларидан кўринадики,
2017-2019 йилларда Ўзбекистон Республика-
си экспортининг ҳажми ўсиш тенденциясига
эга бўлган. Аммо, қишлоқ хўжалик маҳсулот-
лари экспортининг ҳажми беқарор бўлган.
2018 йилда қишлоқ хўжалик маҳсулотлари
экспортининг ҳажми 2017 йилга нисбатан
сезиларли даражада камайган.
Республикамизда қишлоқ хўжалиги со-
ҳасига молиявий хизматларни, асосан, Ак-
циядорлик-тижорат “Агробанк” кўрсатади.
2-расм. АТ “Агробанк” томонидан қишлоқ хўжалиги ишлаб чиқарувчилари ва
корхоналарнинг импорт операциялари бўйича ҳужжатлаштирилган аккредитивлар
ва берилган кафолатлар, млрд. сўм [10]
2-расм маълумотларидан кўриш мум-
кинки, 2016-2018 йилларда Агробанк томо-
нидан қишлоқ хўжалиги ишлаб чиқарувчи-
ларининг импорт операциялари бўйича
очилган ҳужжатлаштирилган ҳужжатлашти-
рилган аккредитивлар ва берилган кафолат-
лар миқдори беқарор бўлган. 2018 йилда
ушбу кўрсаткич 2017 йилга нисбатан кескин
пасайган.
Шуни алоҳида таъкидлаш жоизки,
Агробанк томонидан таҳлил қилинган давр
мобайнида қишлоқ хўжалиги ишлаб чиқа-
рувчилари ва корхоналарининг экспорт опе-
рациялари бўйича ҳужжатлаштирилган ак-
кредитивлар очилмаган ва кафолатлар бе-
рилмаган. Бу эса, қишлоқ хўжалик маҳсулот-
лари экспортини молиялаштириш амалиёти-
ни такомиллаштириш нуқтаи-назаридан
салбий ҳолат ҳисобланади.
Маълумки, қишлоқ хўжалик маҳсулот-
лари экспортини молиялаштиришнинг му-
ҳим манбаларидан бири бўлиб, тижорат
банкларининг кредитлари ҳисобланади. Би-
роқ, тижорат банкларининг кредитлари ҳи-
собидан қишлоқ хўжалик маҳсулотлари экс-
портини молиялаштириш ҳажми кредитлар-
нинг фоиз ставкасига боғлиқ. Афсуски, рес-
публикамиз тижорат банклари томонидан,
шу жумладан, Агробанк томонидан аграр
соҳаси субъектларига миллий ва хорижий
валюталарда берилаётган кредитларнинг
фоиз ставкалари юқори бўлиб, қишлоқ хўжа-
лик маҳсулотлари экспортини кредитлаш
ҳажмини оширишга тўсқинлик қилади.
2018 йилда Агробанк томонидан фер-
мер хўжаликларига инвестиция лойиҳалари-
ни молиялаштириш учун инвестицион кре-
дитлар 60 ойгача муддатга, йиллик 22 фоиз-
дан 26 фоизгача бўлган ставкаларда, айлан-
ма маблағларни тўлдириш учун 12 ойгача
муддатга, йиллик 22 фоиздан 26 фоизгача
бўлган ставкаларда берилди. Шунингдек,
Агробанк томонидан хорижий валюталарда
берилган кредитларнинг фоиз ставкаси ҳам
нисбатан юқоридир. Масалан, Агробанк то-
монидан Германиянинг Ландесбанкининг
кредит линиялари ҳисобидан берилаётган
кредитларнинг фоиз ставкаси 6 ойлик
EURIBOR + 1,5% + 2 фоизни, Туркиянинг
“Зираат” банкининг кредит линияси ҳисоби-
дан берилган кредитларнинг фоиз ставкаси
6 ойлик Libor + 8,75 фоизни ташкил этади
[11]. Бу эса, сезиларли даражада юқори бўл-
ган фоиз ставкаларидир.
ҚИШЛОҚ ХЎЖАЛИГИ
Иқтисодиёт ва таълим / 2020 № 4
230
Фикримизча, республикамизда қишлоқ
хўжалик маҳсулотлари экспортини молия-
лаштириш амалиётини такомиллаштириш
мақсадида қуйидаги тадбирларни амалга
ошириш мақсадга мувофиқдир:
1. Тижорат банклари томонидан қиш-
лоқ маҳсулотлари экспорти бўйича очилади-
ган ҳужжатлаштирилган аккредитивлар
ҳажмини ошириш йўли билан мазкур экс-
портни молиялаштириш кўламини кенгай-
тириш мақсадида, биринчидан, ушбу аккре-
дитивлар экспорт қилинаётган қишлоқ хў-
жалиги маҳсулотлари тўлови бўйича хори-
жий банкнинг ҳужжатлаштирилган аккреди-
тиви мавжуд бўлган экспортёрларга очили-
ши лозим; иккинчидан, ушбу аккредитивлар
ҳисобидан экспорт қилинадиган товарларни
ишлаб чиқариш билан боғлиқ бўлган жорий
харажатлар ва товарларни ташиш харажат-
лари молиялаштирилиши керак; учинчидан,
ушбу аккредитивлардан фойдаланувчи экс-
портёрларнинг жорий ликвидлилиги халқа-
ро амалиётда умумэътироф этилган меърий
талабдан (2,0) паст бўлмаслиги зарур.
2. Тижорат банклари кредитлари ҳисо-
бидан қишлоқ хўжалик маҳсулотлари экс-
портини молиялаштириш ҳажмини ошириш
мақсадида, биринчидан, экспорт қилинаёт-
ган маҳсулотлари бўйича тўлов кафолатлан-
ган қишлоқ хўжалик ишлаб чиқарувчилари
ва қишлоқ хўжалик корхоналарига берила-
ётган кредитларнинг фоиз ставкасини бел-
гилашда кредит ва фоиз рискининг дара-
жаларини ҳисобга олиш зарур; иккинчидан,
қишлоқ хўжалик маҳсулотларини экспорт
қилувчи субъектларни Марказий банк томо-
нидан селектив кредитлашни йўлга қўйиш
лозим; учинчидан, тижорат банклари томо-
нидан берилаётган мазкур экспорт кредит-
ларини қатъий белгиланган ставкаларда бе-
рилишини таъминлаш керак (бунинг учун
тижорат банклари хорижий валюталарда
жалб қиладиган ресурслар қатъий белгилан-
ган ставкага эга бўлиши керак).
Мазкур таклифнинг амалиётга татбиқи
қуйидаги натижаларни беради:
– қишлоқ хўжалик маҳсулотларини
экспорт қилувчиларнинг банкларнинг экс-
порт кредитларидан фойдаланиш даражаси
ошади;
– тижорат банкларининг экспорт кре-
дитлари билан боғлиқ бўлган кредит риски
даражаси пасаяди;
– экспортчи аграр субъектлар учун
фоиз риски сезиларли даражада пасаяди.
Манба ва фойдаланилган адабиётлар:
1. Ўзбекистон Республикаси Президентининг 2019 йил 23 октябрдаги ПФ-5853-сонли Фармони. Ўзбекистон
Республикаси қишлоқ хўжалигини ривожлантиришнинг 2020 - 2030 йилларга мўлжалланган стратегиясини тасдиқлаш
тўғрисида// Қонун ҳужжатлари маълумотлар миллий базаси. 24.10.2019 й., 06/19/5853/3955-сон.
2. Малий В.А. Анализ системы страхования сельскохозяйственных рисков с государственным участием и меры по
ее совершенствованию//Известия КГТУ. – Калининград, 2018. – №50. – С. 187-188.
3. Короткова С. Н., Ткач Ю. Б. Кредитование как одно из направлений финансирования сельского хозяйства в
условиях членства в ВТО и санкций//Материалы международной научно-практической конференции «Аюшиевские чтения.
Финансово-кредитная система: опыт, проблемы, инновации» и др. – Иркутск: НИЦ «Апробация», 2016. — С. 124–130.;
Шкарупа Е. А., Переходов П. П. Кредитование сельского хозяйства: особенности, проблемы, тенденции
развития//Региональная экономика: теория и практика. — 2015. — № 44. — С. 52–56.; Scott J.A., Dinkelberg W.C., Dennis W.J.
Credit, Banks and Small Business – the New Century – Washington: NFIB Research Foundation, 2003. – 96 p.
4. Гаврилов А.А. Совершенствование механизма финансирования экспорта в России//Национальные интересы:
приоритеты и безопасность. – Москва, 2011. – С. 39-48.
5. Шодмонов Э.Ш. Ўзбекистонда аграр ислоҳотларни чуқурлаштиришда банклар фаоллигини оширишнинг асосий
йўналишлари. Иқт. ф.н. илм. даражасини олиш учун ёзилган диссертация автореферати. – Тошкент: БМА, 2005. – 22 б.
6. Алимардонов И.М. Кичик бизнес субъектларини кредитлашнинг услубий ва амалий асосларини
такомиллаштириш. И.ф.д. илм. дар. ол. уч. тақд . эт. дисс. автореф. – Тошкент, 2018. – Б. 29.
7. Ўзбекистон Республикаси Президентининг 2019 йил 29 июлдаги ПҚ-4406-сонли “Қишлоқ хўжалиги
маҳсулотларини чуқур қайта ишлаш ва озиқ-овқат саноатини янада ривожлантириш бўйича қўшимча чора-тадбирлар
тўғрисида”ги қарори//Қонун ҳужжатлари маълумотлари миллий базаси, 31.07.2019 й., 07/19/4406/3496-сон.
8. Ўзбекистон Республикаси Вазирлар Маҳкамасининг 2019 йил 23 февралдаги 163-сонли қарори. Мева-сабзавот
маҳсулотларини экспорт қилиш тартиби тўғрисида”ги низомни тасдиқлаш тўғрисида//Қонун ҳужжатлари
маълумотлари миллий базаси, 25.02.2019 й., 09/19/163/2663-сон.
9. Ташки иқтисодий фаолият. Статистик бюллетень, 2020. www.stat.uz (Ўзбекистон Республикаси Давлат
статистика қўмитаси).
10. АТ “Агробанк”нинг баланс маълумотлари. www.agrobank.uz
11. Кредит хизматлари. www.agrobank.uz (Агробанк).
ҚИШЛОҚ ХЎЖАЛИГИ
