ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1231
BALALAR DENE TÁRBIYASINDA MILLIY OYINLARDAN PAYDALANIW
ZÁRÚRLIKLERI.
Saparbaev Esen Tajibayevish
NMPI “Gumanitar hám jámiyetlik pánlerdi aralıqtan oqıtıw”
kafedrası assistent-oqıtıwshısı.
https://doi.org/10.5281/zenodo.10720877
Annotaciya.
Maqalada balalardı fizikalıq jaqtan shınıqqan,nawqıran jaslar bolıp
jetilisiwinde qaraqalpaq milliy xalıq oyınlarınıń áhmiyeti keń sóz etilgen, sonday-aq xalıq milliy
oyınlarınıń aldında turǵan waziypalar tiykarǵı maqsetler óz sáwleleniwlerin tapqan.
Gilt sóz:
Xalıq milliy oyınları,sport oyınları, fizikalıq rawajlanıw, bekkem den sawlıq,
pedagog-xizmetkerler, shaqqanlıq, epshillik, kúshlilik, dene mádeniyatı, salamatlastırıw.
THE NEED TO USE NATIONAL GAMES IN CHILDREN'S PHYSICAL
EDUCATION.
Abstract.
The importance of Karakalpak national folk dances in the development of
children into physically fit, well-mannered young people is widely discussed in the article,
including the main goals of the national folk dances.
Keywords:
National dances of the population, sports dances, physical development, good
health, pedagogue-servants, agility, dexterity, strength, physical culture, health promotion.
НЕОБХОДИМОСТЬ ИСПОЛЬЗОВАНИЯ НАЦИОНАЛЬНЫХ ИГР В
ФИЗИЧЕСКОМ ВОСПИТАНИИ ДЕТЕЙ.
Аннотация.
В статье широко обсуждается значение каракалпакских
национальных народных танцев в развитии детей физически крепкими, воспитанными
молодыми людьми, в том числе основные цели национальных народных танцев.
Ключевые слова:
Национальные танцы населения, спортивные танцы, физическое
развитие, хорошее здоровье, педагоги-служащие, ловкость, ловкость, сила, физическая
культура, укрепление здоровья.
Xalıqtıń densawlıǵın bekkemlew Ózbekstandaǵı dene mádeniyatınıń tiykarǵı
wazıypalarınıń biri. Ǵárezsizlik dáwirinde ásirese, sport hám dene tárbiyasına bolǵan itibar
kúnnen-kúnge kúsheyip barmaqta. Dene tárbiyası aldında dene mádeniyatı hám sporttı
xalqımızdıń turmısına kóbirek sińdiriw; jaslardı ǵárezsizlik ruwhında tárbiyalawda dene tárbiya
hám sporttıń barlıq túrinen, sonıń ishinde, xalıq dástúrlerinen keń paydalanıw, insanlardıń
densawlıǵın jaqsılaw hám olardı ana watandı qorǵawǵa tayarlaw hám sol sıyaqlı úlken wazıypalar
turıptı. Xalqımızdıń milliy oyınları bolsa mine usı maqsette keń qollanılıp kiyatırǵan áhmiyetli
dene tárbiyası hám sport qurallarınan biri. Sonıń ushın xalıq milliy oyınlarına itibardı kúsheytiw
zárúriyatı jánede kúsheymekte. { 3.3-5}
Qádriyatlarǵa itibar qaratıw shıǵıs xalıqları mádeniyatınıń júdá kóp elementlerin saklap
qalıwǵa hám olardan ámeliy jumısta paydalanıwǵa imkaniyat jaratıladı. Qádimgi jergilikli
xalıqlarımız ushın milliy oyınlar hám milliy bellesiwler bir waqıtları turmısımızdıń ajıralmas bir
bólimi bolǵan, olar xalıq máresimlerinde, toylarında hám úrp-ádetlerinde erkin bir taraw sıpatında
kóringen, úlken bir áhmiyetke iye bolǵan. Dene mádeniyatınıń bunday ózine tán quralları
járdeminde ata-babalarımız ósip kiyatırǵan jas áwladqa shaqqanlıq, epshillik, kúshlilik hám
ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1232
sabırlılıq kibi qásiyetlerdi qáliplestirgen. Perzentlerimizdi turmıstıń hám tábiyattıń
qıyınshılıqlarına shıdamlı, kúshli hám tótepki bere alatuǵın etip tárbiyalaǵan.
Jas áwladtıń fizikalıq jaqtan deni saw, miynetke hám watandı qorǵawshı sıpatında ósiwden
xalıq ta, jámiyet ushın da úlken áhmiyetke iye bolǵan. Bunıń ushın oqıwshılar dene mádeniyatı
menen tereń shuǵıllanıwı, túrli milliy oyınlardan paydalanıw sheberligin iyelewi kerek boladı. Bul
bolsa jas áwlad tárbiyasın jánede kúsheytiw, olardı óz xalqı, ǵárezsiz mámleket hám jámiyet
aldındaǵı wazıypasın seziniw ruwhında tárbiyalaw áhmiyetli wazıypalar menen baylanıslı.
Balalarda mektepte oqıy baslaǵan birinshi kúnnen baslap-aq miynetke muhabbat, baslaǵan
isin aqırına shekem jetkeriw, miynet súygish qábiletlerin rawajlandırıw imkanın jaratadı. Bunda
dene mádeniyatının barlıq zamanagóy quralları menen birge milliy oyınları da qol keledi, sebebi
bul oyınlar balalardı fizikalıq, ruwhıy jaqtan tárbiyalawdıń barlıq táreplerin óz ishine aladı.
Millettiń keleshegi bolǵan jaslardı salamat, jetik hám kámil insan etip tárbiyalaw ǵárezsiz
Ózbekstanımız kelesheginiń tiykarın bekkem bolıwına xızmet etedi.
Milliy xalıq oyınları hám milliy sport túrleri tariyxıy rawajlanıw barısında ózgergeni, hár
bir ekonomikalıq sistema olardıń mazmun hám qaǵıydalarında óziniń izin qaldırǵanı haqqında
joqarıda toqtap edik. Mine usınday oyınlardan paydalanıwda olardıń balalarǵa fizikalıq tásirden
tısqarı tárbiyalıq tásir kórsetiwde názerden shette qaldırmaw, dóretiwshi qollawda maqsetke
muwapıq qollanıwımız kerek. Máselen, «Ílaq» oyını degende ádette ot penen oynaytuǵın,
shabandozlar haqıyqıy ılaq ushın gúresetuǵın qádimgi kópkari oyını túsiniledi. Balalarǵa
mólsherlengen «Ílaq» oyını atsız ótkeriledi, oyınshılar eshki terisi menen qaplanǵan toptı alıw
ushın gúresedi. Oyın qaǵıydalarınıń bazıbir tárepleri úlkenlerdiń oyınınıń qaǵıydalarına usap
ketedi. Tezlik, shaqqanlıq hám kúshlilikti tárbiyalawshı bul oyın úlken tárbiyalıq áhmiyetke iye,
bunda bir-birin húrmet etiw, jaqsı múnásibette bolıw, qolpallıq etpewge úlken itibar beriledi.
Xalıq milliy oyınları balalardıń fizikalıq sıpatların rawajlandırıwda úlken rol oynaydı.
Sebebi oyınlar oqıwshılardıń qızıǵıwshılıǵın asıradı, olarǵa zawıq baǵıshlaydı, jumıs qábiletleriniń
tezirek tikleniwin támiyinleydi. Oyınlar arqalı balalar sharshawdı umıtadı, shınıǵıwlardı dıqqat
penen orınlawǵa háreket etedi.
Xalıq milliy oyınlarınıń kópshiligi balalardıń organizmine jaqsı tásir etedi. Sonıń ushında
oyınlarǵa ulıwma fizikalıq tásir kórsetiwshi sıpatında qaraw kerek.
Dene mádeniyatındaǵı
barlıq taraw hám basqıshlardıń birden bir maqseti – insandı durıs
jasawǵa tayarlaw. Baslanǵısh klass oqıwshıları dene tárbiyasınıń wazıypası balalardıń jasına say
ózgesheliklerdi esapqa alǵan halda anıqlanadı, biraq bunda dene mádeniyatınıń ulıwma maqseti
názerden shette qalmawı kerek.
Mektepte baslanǵısh klass okıwshıları dene tárbiyasında salamatlastırıwshı, bilim beriw
hám tárbiya beriw wazıypaların ámelge asırıw kózde tutıladı. Xalıq milliy oyınları arkalı bul
wazıypalardı orınlaw imkaniyatları kóbirek.
Salamatlastırıw wazıypası.
7-8 jaslı yaǵnıy baslanǵısh klass oqıwshıları dene tárbiyanıń
eń tiykarǵı wazıypası bala turmısın qorǵaw hám onıń densawlıǵın bekkemlew, onıń organizmin
shınıqtırıw jolı menen ózin qorǵaw hám túrli keselliklerge shıdamlılıqtı asırıw, sırtqı ortalıqtıń
qolaysız sharayatlarına qarsılıq kórsete alıwǵa úyretiwden ibarat. Bulardan tısqarı balalarda hár
qanday jumısqa uqıplılıqtı asırıw oǵada úlken áhmiyetke iye.
ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1233
Bala organizminiń rauajlanıwı ózine tán ózgesheligine iye bolǵanlıgı sebepli, onın
wazıypaları birqansha anıq formada sáwlelengen: bala súyeginiń qátesiz hám óz waqtında
qatıwına, artqı omırtqadaǵı qıysıq jerlerdiń qáliplesiwi, taban betiniń jaqsı rawajlanıwına, buwın
apparatlarınıń pitiwine járdem kórsetetuǵın oyınlar; gewde bólekleriniń óz-ara durıs rawajlanıwına
imkaniyat jaratıladı; barlıq muskullar rawajlanadı. Sonday-aq, júrek qan-tamır sistemasınıń jaqsı
islewine imkaniyat jaratıw kerek: qanıń júrekke qarap aǵıwın kúsheytiw, júrektiń bir qálipte
islewin jaqsılaw hám onıń kútilmegende ózgergen júklemege maslasıw uqıbın rawajlandırıw;
kókirek qápesi háreketsheńligin kúsheytiw, tereń dem alıw hám bunıń uzaq waqıt turaqlı bolıwın
támiyinlew, ókpeniń ómirlik sıyımlılıǵın keńeytiw, murın menen dem alıwdı jaqsılaw, ishki
aǵzalardıń durıs islewin támiyinlew, oraylıq nerv sistemasın qáliplestiriw, sonday-aq
háreketlendiriwshi analizatordı hám ishki sezimler organlardı kámillikke jetkeriw kerek.
Bilim beriw wazıypaları.
7-8 jaslı oqıwshılar menen milliy xalıq oyınların ótkeriwde
bilim beriw wazıypaların orınlaw úlken áhmiyetke iye. Bul wazıypalar: háreket tájiriybeleri hám
uqıplılıǵın qáliplestiriw, fizikalıq qásiyetlerdi (shaqqanlıq, tezlik, iyiliwsheńlik, teń salmaqlılıqtı
saqlaw, epshillik, kúshlilik, shıdamlılıq) rawajlandırıw, gewdeni tuwrı tutıwdı, dene tárbiya
haqqındaǵı bilimlerdi ózlestiriwden ibarat. Nerv sistemasınıń iyliwsheńligi sebepli balalarda
háreket tájiriybeleri úlkenlerge qaraǵanda ańsatıraq qáliplesedi. Bul tájiriybelerdiń kópshiligi
(júriw, júgiriw, sekiriw) dan balalar kúndelikli turmısta háreketleniwshi qurallar sıpatında
paydalanadı. Háreket tájiriybeleri balanıń qorshaǵan ortalıq penen qarım-qatnas qurıwdı
jeńillestiredi hám onı iyelewine jardemlesedi.
Tańlap alınǵan xalıq milliy oyınların durıs orınlaw bala muskulları, sanları, buwınları,
súyek sistemasınıń rawajlanıwına nátiyjeli tásir kórsetedi. Puxta qáliplestirilgen háreket
tájiriybelerin ámelde qollaw menen, shınıǵıwlardı orınlaw waqtında bala kúshin únemlew hám
onıń itibarın oyın iskerligi paytında tosattan júz beretuǵın hár túrli tosıqlardıń aldın alıwǵa
imkaniyat jaratıp beredi.
Baslanǵısh klass oqıwshılarına dene mádeniyatı menen tıǵız baylanıslı bolǵan bilimler
(oyınlardıń paydalı tárepi, fizikalıq shınıǵıwlardıń áhmiyeti hám hám texnikası, olardı orınlaw
usılları, xalıq milliy oyınlarınıń qaǵıydaları hám basqalar) haqqında maǵlıwmat beriw úlken
áhmiyetke iye. Oqıwshılar alǵan bilim qanshelli tereń bolsa, olar xalıq oyınlarınan sonshelli
aqılana paydalanıwları, oyınlar menen sonsheli nátiyjeli shuǵıllanıwları hám mektep jáne shańaraq
sharayatında dene mádeniyatı quralların erkin isletip biliwleri múmkin.
Tárbiya beriw wazıypaları.
Dene mádeniyatı menen denede, balalarda engizilgen tártipke
boysınıw ádetin hám xalıq oyınları menen ilajı bolsa hár kúni turaqlı shuǵıllanıwǵa umtıldıradı,
olarda mektep hám úyde usı oyındı erkin úyreniw uqıplılıǵın rawajlandırıw, olardı óz teńlesleri
hám ózlerinen kishi bolǵan balalar toparında oyınlardı shólkemlestiriw, olardı birgelikte orınlawǵa
úyretiw kerek. Oqıwshılarda xalıq milliy oyınlarına mehir menen oyın nátiyjelerine qızıǵıp hám
sportshılar erisetuǵın utıslarǵa háwes pene qaraw tuyǵısın tárbiyalaw kerek.
Milliy xalıq oyınların úyreniw processinde tárbiyalıq, aqılıy, estetikalıq miynet tárbiyaların
ámelge asırıw ushın úlken imkaniyatlar payda boladı. Xalıq oyınların oynaw waqtında balalar
háreketinde jaqsı (birge islesiw, intizamlıq, kishipeyillik, mehriybanlıq) hám mánáwiy pazıyletler
(hadallıq, ádillik, doslıq tuyǵısı birge islesiw, zaman menen bir bolıp isley alıw qábileti,
tapsırmalardı juwapkershilik penen orınlaw) dı tárbiyalaw, sonıń menen birge shıdamlılıq
ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1234
qásiyetleri (mártlik, anıqlılıq, óz kúshine iseniw, qıyınshılıqlardı sabır menen jeńiw, shıdamlılıq
h.t.b) dı kórsetiw ushın eń jaqsı sharayat hám imkaniyatlar payda boladı.
Durıs shólkemlestirilgen milliy xalıq oyınları balalar aqılınıń rawajlanıwına qolaylı
imkaniyatlar jaratadı. Sebebi bunday jaǵdayda nerv sistemasınıńda, basqa aǵzalar sistemasınıńda
jumıs alıp barıwı ushın sharayatlar payda bolıwı anıq.
Xalıq milliy oyınların úyretiw processinde oqıwshılar xalıq dástúrlerine sadıq qalǵan halda
jaqsı tárbiya kóredi, úyrengen nárselerin puxta eslep qaladı. Balalarda ruwxıy processler (tárbiya,
jetiklik, yad, oylaw hám basqalar) iniń, sonıń menen birge, pikirlew iskerlikleri (baqlaw, salıstırıw,
analiz etiw, sintezlew, ulıwmalastırıw hám basqalar) iniń, barlıǵı rawajlana baslaydı. Milliy
oyınlar processinde erisilgen ilim hám tájriybelerden kórkem paydalanıw uqıplılıǵın balalar
ózlerindegi izsheńlik, erkinlik, ziyreklik, tapqırlıq, tayın juwaplıq sıyaqlı pazıyletleri sebepli
erisedi. Balalarda jaksı sezimledi, adamlar menen shın kewilden hám quwanıshlı múnásibette
bolıw sezimlerin tárbiyalaw, sonıń menen birge, júz bergen jaǵımsız ruwxıy xalatlardı sheshe alıw
uqıplılıǵın rawajlandıra alıw úlken áhmiyetke iye. Bunıń zárúrligi jaqsı sezimler organizmdegi
barlıq aǵzalarǵa paydalı, háreket tájriybeleriniń tez hám bekkem qáliplesiwin támiyinlewinde
kórinedi.
Milliy xalıq oyınlarına tiykarlanǵan dene mádeniyatı estetikalıq tárbiyanı ámelge asırıwǵa
jaqsı tásir kórsetedi. Xalıq oyınların orınlaw processinde estetikalıq quwanıshtı basqara alıw hám
ózine sińdiriwdi, gózzallıq, náziklik, mánililik, formalılıq, kiyimleridiń qolaylılıǵı, óziniń
átrapındaǵı barlıq nárselerdi túsiniw, durıs qádirlewdi rawajlandırıw, estetikaǵa hám óz xulqına
daq túsirmewge bolǵan beyimlilikti, islep atırǵan jumısı, aytıp atırǵan atırǵan sózi, barlıq
háreketlerinde qopallıqqa hasla jol qoymaslıqtı rawajlandırıw kerek boladı. Milliy oyınlar menen
shuǵıllanıw processinde miynet tárbiyası ámelge asadı. Balalardıń den sawlıǵı jaqsılanadı, olardıń
háreketleri qaliplesedi, miynet iskerligi ushın zárúr bolǵan fizikalıq pazıyletler rawajlanadı.
Balalardı miynetke tayarlawda dene mádeniyatınıń, sonıń ishinde halıq milliy oyınlarınıń tutqan
ornın olarǵa túsindiriw hám bul túsinikti olardıń sanasında qáliplestiriw úlken áhmiyetke iye.
Juwmaqlap aytqanda baslanǵısh klass oqıwshıları fizikalıq tárbiyanıń tómendegi tiykarǵı
wazıypaların orınlawda, xalıq milliy oyınlarınıń roli hám ornı júdá úlken ekenligi kórinedi:
1.
Densawlıqtı bekkemlew, oqıwshılardı durıs fizikalıq rawajlandırıwǵa hám shınıqtırıwǵa
járdem beriw
2.
Oqıwshılarǵa dene mádeniyatı hám sportqa baylanıslı arnawlı bilimler beriw, olarǵa
gigienalıq bilim hám kónlikpelerdi sińdiriw.
3.
Oqıwshılarda háreket tájiriybelerin hám kónlikrelerin qáliplestiriw, jańa háreket túrlerine
hám háreket iskerligine úyretiw.
4.
Jasqa say ráwishte tiykarǵı háreket sıpatların (kúsh, tezlik, epshillik, shıdamlılıq, h.t.b)
rawajlandırıw.
5.
Batırlıq, nızamlılıq, toparǵa birlesiw, doslıq sezimin mádeniy xulıq kónlikpelerin,
miynetke múnásibetin tárbiyalaw.
6.
Turǵanda hám júrgende gewdeni durıs tutıw kónlikpelerin qáliplestiriw.
7.
Oqıwshılarda dene mádeniyatı hám sport boyınsha turaqlı shınıǵıwlarǵa qızıǵıw hám
kónlikpelerin tárbiyalaw.
ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1235
8.
Oqıwshılarǵa shólkemlemlestiriwshilik kónlikpelerin sińdiriw, jámiyetlik dene
mádeniyatı aktivligin tayarlaw.
Oqıwshılar dene tárbiyasınıń wazıypaları hár dayım, sonıń ishinde, milliy xalıq oyınların
úyreniw hám úyretiw processinde de úylesken halda sheshiledi. Bul wazıypalalar dene mádeniyatı
sistemasınıń balalarǵa tásir etiwi arqalı ǵana nátiyjeli orınlanıwı múmkin. Bunıń ushın mekteptiń
pútkil pedagog-xizmetkerler jámááti birgelikte háreket etiwi, ásirese, mektepte shınıǵıwlardı
shólkemlestiriwdiń túrli forma hám usıllarınan, atap aytqanda milliy xalıq oyınlarında, barlıq
quralları kompleksinen paydalanıw talap etiledi.
REFERENCES
1.
Мирзиёев Ш.М. Эркин ва фаровон, демократик Ўзбекистон давлатини биргаликда
барпо этамиз. - Т.: “ Ўзбекистон”, 2016.
2.
Мирзиёев Ш.М. Танқидий таҳлил, қатъий тартиб - интизом ва шахсий жавобгарлик
– ҳар бир раҳбар фаолиятини кундалик қоидаси бўлиши керак. - Т.:” Ўзбекистон”,
2017.
3.
Qoraboev U. O’zbek xaliq o’yinlari. T., 2001. b 3-5.
4.
Normurodov. A. N. O’zbek milliy o‘yinlari. Tashkent, 1999
5.
Usmonxo’jayev T.S., Xo’jayev. F. «1001» o’yin. Tashkent, 1990.
6.
Tleumuratova А. HISTORICAL THEME IN WORLD ANIMATION ART,
INTERPRETATION OF IMAGES AND ITS ROLE IN UZBEK ANIMATION ART
//Modern Science and Research. – 2023. – Т. 2. – №. 10. – С. 1105-1111.
7.
Tleumuratova A. JAHON ANIMATSIYA SAN'ATIDA TARIXIY MAVZU,
OBRAZLAR TALQINI VA O’ZBEK ANIMATSIYA SAN’ATIDA TUTGAN O’RNI
//ВЕСТНИК КАРАКАЛПАКСКОГО ГОСУДАРСТВЕННОГО УНИВЕРСИТЕТА
ИМЕНИ БЕРДАХА. – 2023. – Т. 61. – №. 3. – С. 221-223.
8.
Tleumuratova A. J. FORMATION AND SPECIFIC FEATURES OF THEATER ART IN
KARAKALPAKSTAN //Modern Science and Research.
– 2024. – Т. 3. – №. 1. – С. 408-411.
9.
Tleumuratova
A.
J.
QORAQALPOG'ISTONDA
TEATR
SAN'ATINING
SHAKLLANISHI VA O'ZIGA XOS XUSUSIYATLAR. – 2024.
10.
Aziza T., Zakir A. The Role of Animated Films Based on the Works of Alisher Navoi in
Shaping Children's Worldview //Zien Journal of Social Sciences and Humanities. – 2022.
– Т. 6. – С. 100-103.
11.
Aziza T. TARIXIY ASARLANING JAMIYAT TARAQQIYOTIDA TUTGAN O’RNI:
“YULDUZLI TUNLAR” ASARINING BOSH G’OYASI //Journal of Integrated
Education and Research. – 2022. – Т. 1. – №. 4. – С. 42-46.
12.
Хожамуратов
К.
Б.
МАҲОБАТЛИ
РАНГТАСВИР
АСАРЛАРИНИНГ
МАЪНАВИЙАҲАМИЯТИ //Ученый XXI века. – 2022. – №. 2 (83). – С. 31-33.
13.
Bazarbaevich K. K. THE SPIRITUALITY OF MAHOBATLI PAINTING WORKS
IMPORTANCE //Archive of Conferences. – 2021. – С. 224-227.
14.
Xojamuratov Q. B. ISSUES OF THE DEVELOPMENT OF FINE ARTS IN SCHOOLS
//Modern Science and Research. – 2024. – Т. 3. – №. 2. – С. 333-336.
ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1236
15.
Bazarbaevich X. K. TASVIRIY SAN ‘AT DARSLARIDA TALABALARNI MUSTAQIL
TA ‘LIM OLISH FAOLIYATIGA YO ‘NALTIRISH METODLARI //BOSHQARUV VA
ETIKA QOIDALARI ONLAYN ILMIY JURNALI. – 2023. – Т. 3. – №. 2. – С. 526-529.
16.
Xojamuratov K. B. THE FOUNDATIONS AND FORMATION OF PAINTING IN THE
FINE ARTS OF KARAKALPAKSTAN IN THE 1970S AND 1980S //Modern Science
and Research. – 2024. – Т. 3. – №. 2. – С. 341-345.
Internet saytları:
17.
www. tdpu. Uz
18.
www. pedagog. Uz
19.
www. Ziyonet. uz
