Иқтисодиёт ва таълим / 2020 №
6
164
ИЖТИМОИЙ СОҲАЛАРНИ МОЛИЯЛАШТИРИШДА ДАВЛАТ ХАРИДЛАРИ ЖАРАЁНИНИ
ТАШКИЛ ЭТИШ ВА БЮДЖЕТ МАБЛАҒЛАРИ САМАРАДОРЛИГИНИ ОШИРИШ
Касимова Гуляр Ахматовна –
ТМИ “Бюджет ҳисоби ва ғазначилик иши”
кафедраси доценти, и.ф.н.
Шолдаров Дилшод Азимиддинович –
ТМИ “Бюджет ҳисоби ва ғазначилик иши”
кафедраси мудири, PhD.
Аннотация.
Ушбу мақолада Ӯзбекистон Республикасида ижтимоий соҳа харажатларини молиялаштиришда
давлат харидларининг аҳамияти ва ўзига хос хусусиятлари ҳамда давлат хариди соҳасида бюджет маблағлари
самарадорлигини ошириш масалалари ўрганилган.
Таянч тушунчалар:
Иижтимоий соҳа, давлат ижтимоий сиёсати, ижтимоий дастурлар, таълим,
соғлиқни сақлаш, давлат харидлари, шартнома.
Аннотация.
В данной статье изучены значение и особенности государственных закупок в финансировании
социальной сферы в Республике Узбекистан и вопросы повышения эффективности бюджетных среств в сфере
государственных закупок.
Ключевые слова:
Социальная сфера, государственная социальная политика, социальные программы,
образование, здравоохранение, госзакупок, договор.
Abstract.
This article examines the significance and features of public procurement in financing the social sphere in the
Republic of Uzbekistan and the issues of increasing the efficiency of budget funds in the field of public procurement.
Key words:
Social sphere, state social policy, social programs, education, healthcare, government procurement,
contract.
“Ижтимоий соҳа жамият ривожланиши
учун зарур бўлган соҳадир, мазкур соҳа
жамият манфаатларини ифода этади”[21].
Ўзбекистонда ижтимоий соҳани ривожлан-
тиришга стратегик мақсадлардан бири сифа-
тида эътибор қаратилади. Ижтимоий соҳа
учун давлат харидларини амалга ошириш за-
рурияти умумжамият манфаатларидан келиб
чиқади. “Ҳар бир мамлакат иқтисодиётида
давлат харидлари соҳаси муҳим ўрин тутади.
Давлат харидлари бозори қуйидаги функция-
ларга эга: тартибга солиш, назорат қилиш,
ижтимоий функция, ахборот бериш, восита-
чилик ва нархларни белгилаш”[9].
С.Г. Богацкая “давлат ва муниципал ха-
ридлар самарадорлиги жуда мураккаб маса-
ла, деб таъкидлайди, чунки хариднинг таъ-
сирини фақат ҳисоб-китоб йўли билан аниқ-
лаш мумкин эмас, бунда нафақат иқтисодий,
балки, ижтимоий жиҳатларни ҳам ҳисобга
олиш керак. Давлат ва муниципал харидлари
харажатлари буюртмачининг тўғридан-тўғри
харажатлари билан чекланмайди, чунки
давлат харажатларнинг катта қисмини ўз
зиммасига олади”[8]. Европа мамлакатлари-
даги хариднинг муҳим жиҳати – бу миллий
ишлаб чиқарувчи (етказиб берувчилар)га
бериладиган устунлик билан ифодаланади.
Г. Уолкер, С. Браммер томонидан олиб борил-
ган тадқиқотларга кўра, “маҳаллий ҳокимият
органлари томонидан маҳаллий ишлаб чиқа-
рувчиларга устунлик берилса, таълим ва соғ-
лиқни сақлаш ташкилотлари томонидан
товарларни экологик масалалари билан боғ-
лиқ тарзда харидлар амалга оширилади”[11].
Давлат харидлари бўлмаган такдирда,
хокимият органлари жамият олдига қўйган
вазифаларини бажара олмайди. Ҳар бир
мамлакатда давлат харидларини молиялаш-
тиришнинг моҳияти ва ҳажми, давлат бюд-
жети харажатлари йўналишлари ҳамда дав-
лат харидларидан режалаштирилган нати-
жалар бўйича давлат харидларининг ўзига
хос хусусиятлари мавжуд. Ўзбекистон Респуб-
ликасида давлат харидлари жараёнининг
ташкилий-ҳуқуқий базаси яратилган (1-жад-
вал), давлат хариди тизими рақобатни таъ-
минлаш ва бозор шаффофлигига эришиш
асосида жаҳон тажрибаси бўйича ривожлан-
тирилади.
Ўзбекистон Республикасининг “Давлат
харидлари тӯғрисида”ги Қонуни қабул қи-
лингунга қадар бюджет амалиётида давлат
хариди тамойиллари очиқлик, ойдинлик ва
хаққонийликдан иборат бўлган бўлса, “Дав-
лат харидлари тӯғрисида”ги Ўзбекистон Рес-
публикаси Қонунига мувофиқ, замон талаби
асосида давлат харидининг асосий принцип-
лари ўзгартирилди: давлат буюртмачиси-
нинг касбий маҳорати; асосланганлик; мо-
лиявий маблағлардан фойдаланишнинг оқи-
лоналиги, тежамкорлиги ва самарадорлиги;
очиқлик ва шаффофлик; тортишув ва холис-
лик; мутаносиблик; давлат харидлари тизи-
мининг ягоналиги ва яхлитлиги; коррупция-
га йўл қўймаслик”[1].
ИЖТИМОИЙ СОҲА
Иқтисодиёт ва таълим / 2020 №
6
165
1-расм. Ўзбекистон Республикасида давлат хариди тамойиллари
Манба:
Тадқиқотчилар томонидан меъёрий-ҳуқуқий ҳужжатлар асосида тузилган.
Давлат харидини амалга ошириш жа-
раёни давлат харидларини режалаштириш,
харид қилиш тартиб-тамойилларини амалга
ошириш, шартномани тузиш ва бажариш,
давлат харидлари мониторингидан иборат.
2-расм. Ўзбекистон Республикасида давлат харидларини амалга ошириш жараёни
Манба:
Тадқиқотчилар томонидан меъёрий-ҳуқуқий ҳужжатлар асосида тузилган.
Товар, иш ва хизматларни сотиб олиш-
да нархни шакллантириш жараёнидаги дав-
латнинг иштироки унинг иқтисодиётга ара-
лашиш воситасидир ва бюджет амалиётида
маблағлардан самарали фойдаланиш йўлла-
ридан биридир. Давлат буюртмалари, дав-
лат эҳтиёжлари учун товарлар, ишлар ва хиз-
матларни сотиб олиш тизими давлатнинг
иқтисодиётда таъсирининг кучли воситаси
ҳисобланади. Давлат харидлари давлат томо-
нидан
марказлаштирилган
бошқарувни
амал–га оширишга, харажатларнинг назо-
ратсиз ўсишини олдини олишга, давлат
бюджети харажатларини қисқартиришга ёр-
дам беради. Давлат харидлари кўплаб ри-
вожланган мамлакатлар бюджетининг хара-
жат қисмида муҳим ўрни тутганлиги сабабли,
давлат харидлари иқтисодиётни бошқариш-
нинг самарали воситаси ҳисобланади.
“Давлат томонидан тартибга солиш ти-
зимининг энг муҳим элементи - бу харид ти-
зими асосида ижтимоий соҳани молиялашти-
риш учун бюджет харажатларини оптимал-
лаштиришдир”[13].
М.Фалагарио Европа мамлакатларида
давлат харидларини амалга ошириш модели
алгоритмини тадқиқ этган. Муаллиф томони-
дан ишлаб чиқилган услубга кўра, “давлат
хариди жараёнида таклифларнинг барчаси
бир хил услуб билан давлат хизматчиси ва
назоратчиси томонидан шаффоф баҳолана-
ди”[22].
Тадқиқотчи А.Ю. Гушин давлат харидлари
самарадорлигини ўрганишда давлат маблағ-
ларининг сарфланишининг асосий элементи
сифатида бюджет буюртмачиси фаолияти-
нинг аҳамиятига эътибор қаратади, шунинг
учун у аввало самарадорликни баҳолаш тизи-
ми принципларини шакллантиради, чунки
улар давлат харидининг энг мақбул баҳолаш
услубиётини ишлаб чиқишда зарур омил
ҳисобланади, кейин баҳолаш мезонларини
номлайди: тежамкорлик, сифат, назорат”[10].
Давлат хариди
тамойиллари
коррупцияга йўл
қўймаслик
давлат буюртмачисининг
касбий маҳорати
асосланганлик, тортишув ва
холислик;
мутаносиблик
тежамкорлик ва
самарадорлик; очиқлик ва
шаффофлик, ягоналик
молиявий маблағлардан
фойдаланишнинг
оқилоналиги
давлат харидлари
тизимининг яхлитлиги
ИЖТИМОИЙ СОҲА
Иқтисодиёт ва таълим / 2020 №
6
166
1-жадвал
Ўзбекистон Республикасида давлат харидлари жараёнининг
ташкилий-ҳуқуқий жиҳатлари
Харид шакли
Савдо
Предмети
Бюджет буюртмачиси
Корпоратив буюртмачи
Электрон дўкон
Товар
ЭКОИҲ 25 бараваригача
ЭКОИҲ 250 бараваригача
Бир йилда ЭКОИҲ 2500 бараваригача
Иш, хизмат
ЭКОИҲ 25 бараваригача
Аукцион
Товар
ЭКОИҲ 2500 бараваригача
ЭКОИҲ 5000 бараваригача
Танлов
Товар
ЭКОИҲ 2500-6000
бараваригача оралиғида
ЭКОИҲ 5000-25000 бараваригача
оралиғида
Иш, хизмат
ЭКОИҲ 25-6000
бараваригача оралиқда
ЭКОИҲ 25-25000 бараваригача
оралиқда
Тендер
Товар, иш, хизмат
ЭКОИҲ 6000 дан юқори
ЭКОИҲ 25000 дан юқори
Ягона етказиб
берувчи
Товар, иш, хизмат
Бозорда муқобиллари бўлмаган, маданий қимматлилар, табиий
монополия субъекти товар (иш, хизмат)лари
Тўғридан-тўғри
шартномалар бўйича
Товар, иш, хизмат
Ўзбекистон Республикаси Президентининг 2018 йил 27 сентябрдаги
3953-сон қарорига илова билан тасдиқланган рўйхат бўйича
Манба:
Тадқиқотчилар томонидан меъёрий-ҳуқуқий ҳужжатлар асосида тузилган.
“Давлат харидлари амалга оширишда
сифатли товарлар, ишлар ва хизматларни
танлаш муаммосига ҳам алоҳида эътибор
қаратиш лозим. Рақобат шароитида харидор
унга таклиф этилаётган товарлар, ишлар ва
хизматлар учун минимал нархни таклиф қи-
ладиган, шунингдек, у учун зарур бўлган
бошқа шартлар (маҳсулот сифатига кўйила-
диган қўшимча талаблар, етказиб бериш
муддати, тўловнинг шакли, муддати)ни ба-
жарадиган етказиб берувчи ёки путратчини
топиши керак. Битим учун бундай контра-
гентни топиш учун давлат харидлари доира-
сида амалга ошириладиган барча процедура-
лардан фойдаланилади. Демак, харид қилиш
жараёнида харидор (бюджет ташкилоти)
нинг манфаатларини максимал даражада
таъминлайдиган давлат харидлари тизими-
ни амалий усуллар ва услублар тўплами
сифатида аниқлаш керак”[13].
Н.С.Матвеева томонидан ўтказилган тад-
қиқотларда “товарлар, ишлар, хизматлар со-
тиб олишда харид қилиш жараёнининг нати-
жавийлиги ва самарадорлигини баҳолаш-
нинг ягона услубиётини яратиш зарурияти
илмий асосланади. Ушбу услубиёт давлат
харидлари тизимнинг объектив баҳосига
асосланган кўрсаткичлар тўпламидан иборат
бўлиб, бу давлат харидлари самарадорлигини
пасайтиришга йўл қўймайди. Ижтимоий со-
ҳага қарашли бюджет ташкилотларида ҳали
ҳам кўплаб муаммолар мавжуд, булар ораси-
да энг кўп учрайдиган ва жамоатчилик ора-
сида ҳам муҳокама қилинадиган масала дав-
лат харидларидир, чунки мазкур тизим орқа-
ли иқтисодиётнинг турли соҳаларида давлат
молияси ресурслари ҳаракатланади. Шу са-
бабли бюджет маблағларидан фойдаланиш
самарадорлиги, харажатларнинг шаффофли-
ги, ошкоралик, сотиб олишда коррупция йўқ-
лиги каби масалалар алоҳида аҳамиятга эга.
Таъкидлаш лозимки, товарлар, ишлар, хиз-
матларни давлат томонидан сотиб олиш са-
марадорлиги кўп жиҳатидан давлат эҳтиёж-
ларини қондиришнинг тўлиқлигини, сифати-
ни ва ўз вақтида белгиланишини кўрсатади,
натижада тегишли бюджет ташкилотлари ва
муассасалар фаолиятига таъсир қилади. Шу-
нинг учун, давлат харидлари тизимида сама-
радорликни баҳолашнинг адолатли модели
давлат бошқаруви сектори ва бутун иқтисо-
диёт тизимини ривожлантириш учун муҳим
аҳамиятга эга”[17].
И.И. Смотрицкаянинг фикрига кўра,
“давлат молиявий маблағларидан самарали
фойдаланишни таъминлашнинг аҳамияти
кўпгина давлатлар, жумладан, Россия Феде-
рациясида Федерал бюджет харажатлари-
нинг умумий ҳажмида харидлар бюджет
харажатларининг муҳим қисмини ташкил
этиши билан боғлиқ, бюджетнинг қарийиб
45,0 фоизи харидлар учун ажратилган”[20],
бу ҳам давлат харидлари масаласи долзарб-
лигини таъкидлайди.
Ю.С.Крюкованинг тадқиқотларига кўра,
“давлат харидларини баҳолаш жараёни ва
баҳолаш кўрсаткичлари орқали унинг сама-
радорлигини ошириш механизмини ишлаб
чиқиш муҳим ҳисобланади. Давлат хариди
самарадорлигини қуйидаги кўрсаткичлар
асосида баҳолаш мумкин: бюджет харажатла-
рини режалаштириш самарадорлиги; давлат
хариди жараёнлари бўйича имзоланмаган
шартномалар улуши; товар, (иш, хизмат-
лар)ни ўз вақтида етказиш; етказиб бериш
бўйича шартнома шартларини ижро этиш;
ИЖТИМОИЙ СОҲА
Иқтисодиёт ва таълим / 2020 №
6
167
товар сифати бўйича шартнома шартларини
ижро этиш; бюджет маблағларидан фойдала-
ниш самарадорлиги”[15].
“Буюртмачисининг бюджет харажатлари
самарадорлигини қуйидаги махсус шкала ор-
қали аниқланади: қониқарсиз даража-0-25 %;
паст даража- 25-45 %; қониқарли даража- 45-
60 %; ўрта даража-60-80 %; юқори даража-
80-100 %. Шундай қилиб, умумий ва махсус
кўрсаткичларни ҳисоблаш натижасида ҳар
бир бюджет буюртмачиси (харидор)нинг
рейтинг рақами ҳисобланади, бу унинг дав-
лат эҳтиёжлари учун товар, иш, хизматлар
сотиб олишдаги фаолиятини тавсифлайди ва
унинг ушбу соҳадаги харажатлари самара-
дорлигини баҳолашга имкон беради. Бу эса
ўз навбатида, мамлакатда ижтимоий соҳага
қарашли бюджет ташкилотларини молия-
лаштиришда давлат бюджети харажатлари
самарадорлигини оширишга туртки бўла-
ди”[14].
Н.С. Шмиголь фикрига кўра, “давлат
бюджети харажатларининг самарадорлиги
умумий ёки (ижтимоий-иқтисодий) самара-
дорликни баҳолаш учун мураккаб кўрсаткич
бўлиб, товарлар, ишлар, хизматларни сотиб
олишни амалга ошириш натижасида эришил-
ган якуний ижтимоий аҳамиятли қийматли
натижани ва унга эришиш харажатлари ҳаж-
мига нисбати сифатида аниқланади. Бекор
қилинган шартномалар ичида асосий улуш-
ни коммунал хизматлар, алоқа хизматлари
ва электр энергияси етказиб бериш бўйича
шартномалар бўлиб, бунга шартномада кўр-
сатилган хизматлар ҳажмининг “таъминлан-
маганлиги” сабаб бўлди. Буларнинг барчаси
давлат харидларининг натижавийлиги ва
самарадорлигини аниқлаш масаласини кў-
риб чиқишга, шунингдек, самарасиз харидлар
сабабларини аниқлашга алоҳида эътибор қа-
ратиш зарурлигини яна бир бор таъкидлай-
ди”[25].
“Харидорлар бюджет маблағларини сама-
рали сарфлаш учун харид қилинадиган то-
варлар, ишлар, хизматлар учун ўрнатилган
талабларни, шунингдек истеъмолчининг
функцияларини таъминлаш учун меъёрий
тартибга солинадиган харажатларни ҳисобга
олган ҳолда, ортиқча исътемол хусусиятла-
рига эга товарлар, ишлар, хизматлар (ҳаша-
матли маҳсулотлар)ни сотиб олишга халакит
берадиган харидлар-жадвалини веб-сайтда
жойлаштирадилар. Харидорлар барча ҳолат-
ларда сотиб олиш тўғрисидаги хабарномани
Ягона ахборот тизими (ЯАТ)да жойлашти-
ришлари шарт. Чунки, харидлар тўғрисида
билдиришнома - етказиб берувчиларни режа-
лаштирилган давлат харидлари тўғрисида
хабардор қилишдир”[18]. “Харидларнинг
шаффофлигини таъминлаш учун ягона омма-
вий ахборот тизими яратилди. Бунда харид-
лар режалари, уларни амалга ошириш тўғ-
рисидаги маълумотлар, шартномалар ва ин-
софсиз етказиб берувчилар реестри, харид-
лар мониторинги ва дастлабки назорат нати-
жалари мавжуд”[13].
Тадқиқотчи С.Н. Марков бюджет хара-
жатларининг самарадорлиги масаласини кў-
риб чиқишда, “самарадорлик” ва “натижавий-
лик” тушунчаларини бир хил эмаслигини
таъкидлаб, натижавийлик - бу натижалар-
нинг режалаштирилган кўрсаткичга эришиш
даражаси, самарадорлик эса натижаларнинг
харажатларга нисбати эканлигига эътибор
қаратди. Шундан келиб чиқиб, у натижавий-
лик самарадорликнинг зарур шарти деган
хулосага келди, бюджет харажатлари самара-
дорлигини аниқлашда эса бюджет маблағла-
ри харажатлар сифатида намоён бўлишини
айтиб ўтди”[16].
“Давлат бюджети маблағларидан фой-
даланиш натижадорлиги белгиланган мақ-
садларга эришиш ёки қўйилган вазифаларни
бажариш даражасини кўрсатади ва қуйидаги
кўрсаткичларни ўз ичига олади: иқтисодий
натижадорлик ва ижтимоий иқтисодий таъ-
сир. Агар иқтисодий натижадорлик кўрсатки-
чи давлат бюджети маблағларидан фойдала-
нишнинг эришилган ва режалаштирилган
иқтисодий натижаларни таққослаш орқали
аниқланса, унда ижтимоий-иқтисодий таъ-
сир давлат бюджети маблағларидан фойда-
ланиш натижасида кўзда тутилган маълум
ижтимоий-иқтисодий мақсадларга эришиш
ва қўйилган вазифаларни бажариш даража-
сини белгиланади”[17]. “Шу фикрга кўшилган
ҳолда А.Н.Саунин бюджет харажатлари сама-
радорлигини
тавсифлашда
тежамлилик,
унумдорлик, натижавийлик каби кўрсаткич-
лардан фойдаланишга эътибор қаратди”[19].
Иқтисодчи Е.А. Федченко бюджет маблағла-
ридан фойдаланиш самарадорлигини кўриб
чиқиб, бюджет самарадорлиги натижавий-
ликка йўналтирилган бюджетлаштириш
тартиб-қоидалари доирасида бюджетни ту-
зиш ва давлат бюджетини ижро қилишга
таъсир қилувчи бюджетга оид нисбий кўр-
саткичдир деб ҳисоблайди”[23].
“Халқаро ва миллий қонунчиликда ўрна-
тилган меъёрлар асосида хариднинг қайси
шакли қўлланилиши аниқланади ва зарурий-
меъёрий жараёнлар буюртмачи томонидан
ИЖТИМОИЙ СОҲА
Иқтисодиёт ва таълим / 2020 №
6
168
бошқариб борилади. Давлат харидлари мар-
казлашган ва марказлашмаган шаклда амал-
га оширилиши ўзининг тўлиқ самарасини
бермаслиги мумкин. Таъкидлаш лозимки,
давлат харидларини амалга оширишда бюд-
жет харажатларини баҳолаш ўзига хос хусу-
сиятга эга. Масалан, озиқ-овқат маҳсулотла-
рини харид қилиш жараёнларини қурилиш
тармоғи билан солиштириш мураккаб ҳисоб-
ланади. Давлат харидлари моделларини тан-
лашда бюджет маблағларидан фойдаланиш
самарадорлигини белгиловчи омилларга
эътибор қаратиш муҳим ҳисобланади. Шу
боисдан, Давлат бюджети ва бюджетдан таш-
қари маблағлар ҳисобидан амалга оширила-
диган харидларда товар, (иш, хизматлар)
нинг хусусиятларидан келиб чиқиб маълум
бир моделни танлаш мақсадга мувофиқ бў-
лади. Масалан, тиббий хизматларни амалга
оширишда дори воситаларининг маълум
турларини марказлашган ҳолда амалга оши-
рилса, қурилиш соҳасида марказлашмаган
тарзда олиб бориш муҳим деб ҳисоблай-
миз”[6].
“Аксариат бюджет ташкилотлари паст
сифатли товарлар, ишлар ва хизматларни
сотиб олишга мажбур бўлишади, бу қуйидаги
муаммолар билан боғлиқ: давлат харидлари
тўғрисидаги қонун ҳужжатларининг тако-
миллаштирилмаганлиги; давлат харидлари
бўйича қобилиятсиз мутахасисларнинг ишла-
ши; малака талаблари ва техник шартлар-
нинг нотўғри ишлаб чиқилиши. Барча бюд-
жет ташкилотлари товарлар, ишлар ва хиз-
матларни маълум нарх таклиф этган етказиб
берувчилардан кўра юқорироқ нарх таклиф
қилган етказиб берувчилардан товарлар, иш-
лар ва хизматларни сотиб олишдан қўрқи-
шади. Шуни ҳам таъкидлаш керакки, ҳар
доим ҳам юқори нархни таклиф қилган ет-
казиб берувчига нисбатан арзон нархни так-
лиф қилган етказиб берувчида юқори си-
фатли маҳсулот бўлмайди”[4]. Д.Эдлернинг
тадқиқотларига кўра, “давлат харидларини
ташкил этиш таълим учун юқори технологик
ривожлантиришга қаратилган инновацион
маҳсулотларни сотиб олишни ўзида намоён
қилиши керак”[12].
Ғазначиликда давлат хариди жараёнларини такомиллаштириш
Манба:
Тадқиқотчилар томонидан меъёрий-ҳуқуқий ҳужжатлар асосида тузилган.
Ғазначиликда дастлабки назорат мо-
лиявий операцияларни амалга оширишдан
олдин ўтказилади, шунинг учун огоҳланти-
рувчи хусусиятга эгадир. Чунки, короновирус
пандемияси ва глобал инқироз ҳолатида
иқтисодий-молиявий хатолар, хўжасизлик ва
қонунбузарликлар натижасида юзага келади-
ган зарарлар, зиёнлар ва йўқотишлар кўпа-
йиши мумкин эмас. Давлат харидида хато-
ларни имкон қадар камайтириш учун ноқо-
нуний ҳаракатлар, камчиликлар ва тартиб
бузарликларнинг олди олинади. Ғазначилик-
нинг ахборот тизимидан фойдаланган ҳолда,
давлат ҳокимияти ва бошқаруви органлари
фаолиятида очиқлик ва ошкораликни таъ-
минлаш бюджет ташкилотлари эҳтиёжлари-
ни ҳисобга олган ҳолда, ижтимоий хизмат
кўрсатишга қаратилган давлат бошқаруви-
нинг замонавий ташкилий шакли десак бўла-
ди. Давлат бюджети ғазна ижроси шароитида
давлатнинг молиявий назоратини кучайти-
риш, бюджет ташкилотлари ва бюджетдан
маблағ олувчиларнинг товарлар, ишлар, хиз-
матлар учун давлат хариди нархларини сама-
ИЖТИМОИЙ СОҲА
Иқтисодиёт ва таълим / 2020 №
6
169
рали шакллантириш тартибини тубдан ўз-
гартириш, ижтимоий соҳага қарашли бюджет
ташкилотларининг юридик ва молиявий
мажбуриятларини бошқариш ишларини ри-
вожланишига қулай имконият яратилди.
“Чунки солиқ-бюджет сиёсатига қатъий амал
қилиш, давлатнинг ижтимоий мажбуриятла-
рини бажариш... – ушбу энг муҳим вазифа-
ларни амалга ошириш, аввало, Молия вазир-
лиги ва шахсан вазирнинг фаолияти сама-
радорлиги билан белгиланади” [2].
“Бюджет маблағларидан самарали фой-
даланиш тизимини янада такомиллаштириш
зарур.
Бюджет
ҳисобидан
маблағ
ажратиладиган ҳар қандай дастур ёки
лойиҳанинг сифат ва миқдор кўрсаткичлари-
дан иборат, натижага йўналтирилган инди-
каторлари бўлиши керак”[3]. Шундай қилиб,
бюджет маблағларидан фойдаланиш самара-
дорлигига эришиш учун тежамкорлик ва
натижадорлик таъминланиши керак. Бюд-
жетлаштириш босқичида бюджет жараёни-
нинг иштирокчиси маълум бир мақсадли
натижага
йўналтирилиши, харажатларни ре-
жалаштиришда эса белгиланган меъёрлар ва
стандартларга мувофиқ бюджет маблағлари-
нинг энг кам миқдоридан келиб чиқиши ке-
рак. Бюджетнинг ғазна ижроси босқичида
бюджет ташкилоти тасдиқланган бюджет
маблағлари миқдори билан энг яхши натижа-
ни таъминлаши керак.
Хулоса қилиб айтганда, давлат харид-
лари тизимида олиб борилаётган ислоҳот-
лар давлат харидларга сарфланган асоссиз
харажатларини камайтиришга имкон беради
ва коррупцион молиявий оқимларни қисқар-
тиради. Ҳозирги шароитда мамлакат иқтисо-
диётини самарали бошқаришнинг асосий ва-
зифаларидан юридик мажбуриятлар ва шарт-
номаларни давлат хариди билан уйғунлаш-
тириш талаб этилади. Давлат буюртмасини
жойлаштириш қуйидаги принципларга асос-
ланади: бюджет ва бюджетдан ташкари маб-
лағларни самарали сарфлаш, давлат буюрт-
маларини жойлаштириш тартибидаги барча
иштирокчиларга тенг ва адолатли муноса-
батда бўлиш; рақобатбардошлик, очиқлик,
ошкоралик, жавобгарлик, ҳисобдорлик ва на-
зорат.
Бизнинг фикримизча, давлат харид-
лари тизимини ривожлантиришнинг янги
босқичи сифатида шартнома тизимига эъти-
бор қаратиш керак. Мамлакатда товарлар
(ишлар, хизматлар)ни етказиб бериш ва дав-
лат буюртмаларини бажариш учун буюртма-
лар ўтказилган танлов(тендер)лар ва сотиб
олинган товарларни етказиб бериш ҳақидаги
тегишли ахборотни ўз расмий веб-сайтлари-
да жойлаштиришлари муҳим аҳамиятга эга.
Шартнома тизими ўзаро боғлиқ учта босқич-
дан иборат: режалаштириш ва прогнозлаш-
тириш; давлат харидларини амалга ошириш;
бажарилган шартномалари юзасидан назо-
рат. Ушбу босқичларни амалга ошириш бюд-
жет харажатлари самарадорлигини баҳолаш,
ижтимоий соҳа тизими эҳтиёжларини таъ-
минлаш сифатини яхшилаш ва давлат харид-
лари жараёнида коррупцияга қарши кура-
шиш имконини беради.
Манба ва адабиётлар рўйхати:
1.
“Давлат харидлари тӯғрисида”ги Ўзбекистон Республикаси Қонуни. 2018 йил. 9 апрел.
2.
Мирзиёев Ш.М.Танқидий таҳлил, қатъий тартиб-интизом ва шахсий жавобгарлик – ҳар бир раҳбар
фаолиятининг кундалик қоидаси бўлиши керак. – Тошкент: “Ўзбекистон” НМИУ, 2017. –Б.29.
Ўзбекистон Республикаси Президенти Шавкат Мирзиёевнинг Ўзбекистон Республикаси Конституциянинг 26
йиллиги тантанали маросимидаги маърузаси. 2018 йил. 8 декабрь.
3.
Адылбеков А.А. Cовершенствование управления системой государственных закупок Кыргызской
Республики. // Автореферат диссертации на соискание учёной степени доктора философии PhD по направлению
бизнесом. –Бишкек. 2019. –С.25 .
4.
Адылбеков А.А. Методы государственных закупок Кыргызской Республики. // Наука, новые технологии и
инновации Кыргызстана. – Бишкек. 2016. № 12. –С.93-94.
5.
Атамуродов. Т.Т. Давлат харидини ташкил этиш назарий асослари ва услубий шарт-шароитлари. //
“Халқаро молия ва ҳисоб” электрон журнали. -Тошкент. 2019. -№3. июнь.
6.
Ботоева Г.И. Государственный заказ:состояние и проблемы развития. // Проблемы теории и практики
управления. – Бишкек. 2009. № 12. –С.121-123.
7.
Богацкая С.Г. Критерии и причины неэффективных закупок. URL:
http://www.fcaudit.ru/blog/kriterii-i-
prichiny-neeffektivnykh-zakupok/
8.
Джамолов А.А. Формирование и развитие рынка государственных закупок в условиях рыночной
экономики. // Автореферат диссертации на соискание ученой степени кандидата экономических наук. Душанбе.
2019. –С. 25 .
9.
Гущин А.Ю. Определение эффективности и способы ее оценки в системе государственного заказа. //
Фундаментальные
исследования.
2012.
№
9-1.
-С.
204-208.
URL:
research.ru/ru/article/view?id=30204
ИЖТИМОИЙ СОҲА
Иқтисодиёт ва таълим / 2020 №
6
170
10.
Walker H., Brammer S. Sustainable procurement in the United Kingdompublic sector. Supply Chain Managevent.
2009. Volume 14. Issue 2. P. 128-137.
11.
Edler J., Georghiou L. Public procurement and innovation Resurrecting the demand side. Research Policy. 2007.
Volume 36. Issue 7. P. 949-963.
12.
Ибрагимов А. Д. Контрактная система в сфере закупок товаров, работ и услуг для обеспечения
государственных и муниципальных нажд. // Экономика и бизнес. 2015. № 1-4.
13.
Крюкова Ю. С. Система государственных закупок товаров (работ, услуг) как элемент управления
экономической региона. // Региональная экономика. Теория и практика. – Москва. 2010. № 3. –С.36-40.
14.
Крюкова Ю.С. Государственные закупки в функционировании и развитии региональной нестабильности.
//Автореферат диссертации на соискание ученой степени кандидата экономических наук. НЧОУ ВПО. Южный
институт менеджмента. –Майкон. 2012. –С. 26 .
15.
Марков С.Н. Повышение эффективности бюджетных расходов на образование. Монография. Омск: НОУ ВПО
ОмГА, 2013. –С.188.
16.
Матвеева Н. С. Оценка эффективности и результативности государственных (муниципальных) закупок.
// Финансы и кредит.. Москва. 2018. № 9. –С.505-521.
17.
Проскурня Д.В.Состояние сферы закупок для обеспечения государственных и муниципальных нужд в
России в 2017 году , в 1 квартале 2018 года. // Регионалиные проблемы преобразование экономики. 2018. № 11. –
С.360-367.
18.
Саунин А.Н. О содержании аудита эффективности использования государственных средств как нового
типа государственного финансового контроля // Наука. Инновации. Образование. 2008. № 4. -С. 350-358.
19.
Смотрицкая И.И. Управление закупками в инновационной экономике: вопросы теории и практики.
Монография. М.: Институт экономики РАН. 2014. –С.242.
20.
Фахрутдинова Е.В. Роль социальной сферы и социалной политики в обеспечении устойчивого социально-
экономического развития страны. // Экономические науки. –М.: 2009.№ 8 (57). –С.7
21.
Falagario M., Sciancalepore F., Costantino N., Pietroforte R. Using a DEAcross efficiency approach in public
procurement tenders. European Journal of Operational Research 2012.Volume 218. Issue 2. P. 523-529.
22.
Федченко Е.А. Формирование системы показателей эффективности использования бюджетных средств.
// Вестник Финансового университета. –Москва.2016. № 2. -С. 106-116.
23.
Яковлева А.А., О.А. Демидова О.А., Подколзина Е.А. Эмпирический анализ системы госзакупок в России.
Монография. М.: Высшая школа экономики. 2015. –С.360.
24.
Шмиголь Н.С. Современные подходы к оценке результативности государственных расходов. // Финансовая
аналитика: проблемы и решения. Москва.. 2013. № 45. -С.15-22.
НОДАВЛАТ ПЕНСИЯ ФОНДЛАРИ ВА ЎЗБЕКИСТОН ПЕНСИЯ ТИЗИМИНИ
ТАКОМИЛЛАШТИРИШ ЗАРУРИЯТИ
Рахимжонов Азиз Вохиджон ўғли -
ЎзМУ таянч докторанти
Аннотация.
Мақолада нодавлат пенсия фондларининг шаклланиш ва иқтисодиётни ривожлантиришдаги
ўрни таҳлил этилди. Ўзбекистон пенсия тизимини такомиллаштиришда нодавлат пенсия фондларини ташкил
этишнинг ўзига хос хусусиятлари ўрганилди.
Калит сўзлар:
ижтимоий таъминот, нодавлат пенсия фондлари, корпаратив фонд, индивидуал фонд,
капитал бозари, инвестиция.
Аннотация.
В статье анализируется роль негосударственных пенсионных фондов станавлении и развитии
экономики. Изучены особенности организасси негосударственных пенсионных фондов в совершанствовании
пенсионной системы Узбекистана.
Ключевые слова:
социальное обеспечение, негосударственные пенсионные фонды, корпоративные фонд,
индивидуальные фонд, рынок капитала, инвестиции.
Annotation.
The article analyzes the role of non-state pension funds in the formation and development of the economy
the features of the organization of non-state pension funds in improving the pension system of Uzbekistan have been studied.
Key words:
social security, non-state pension funds, corporative fund, individual fund, capital market, ivestments.
Жаҳондаги пенсия тизимлари тарақ-
қиётининг жорий босқичида шаклланган
тақсимот механизмини янги шароитларга
мувофиқлаштиришга бўлган эҳтиёжнинг ор-
тиб бораётганлигига қарамай, ривожланган
мамлакатларда пенсия ислоҳотларининг ус-
тувор йўналишларидан бири бу нодавлат
пенсия фондларини шакллантириш ва инвес-
тицион фаолликни ошириш масаласидир. Бу
борада ривожланган хорижий мамлакатлар-
да муайян тадқиқот ишлари амалга оширил-
ган. Аммо шунга қарамай, давлат хизматчи-
лари ва мутахассислар ўртасида давлат таянч
пенсияларини кафолатлаш лозим, айни вақт-
да нодавлат мулкчилик шаклидаги жамоавий
ва якка тартибдаги пенсия шаклларига кенг
йўл бериш керак, деган иқтисодий ёндашув
тарафдорлари тобора кўпайиб бормокда.
ИЖТИМОИЙ СОҲА
