376
VALYUTA KURSIGA TA’SIR KO‘RSATUVCHI OMILLAR
Abduraximova Mashxura Baxrombekovna
Bank-moliya akademiyasi magistratura talabasi
https://doi.org/10.5281/zenodo.10684669
Annotatsiya.
Mazkur maqolada valyuta kursiga ta’sir ko’rsatuvchi omillar haqida so’z
boradi. Shuningdek maqolada iqtisodiy jarayon va makroiqtisodiy muammolar va ularning
yechimlariga alohida to’xtalib o’tilgan.
Kalit so’zlar:
integratsiya jarayonlarining chuqurlashishi, milliy iqtisodiyotlarning o‘zaro
bog‘liqligi, makroiqtisodiy muammolar.
FACTORS AFFECTING THE EXCHANGE RATE
Abstract.
This article talks about the factors affecting the exchange rate. The article also
focuses on the economic process and macroeconomic problems and their solutions.
Key words:
deepening of integration processes, interdependence of national economies,
macroeconomic problems.
ФАКТОРЫ, ВЛИЯЮЩИЕ НА ВАЛЮТНЫЙ КУРС
Аннотация.
В данной статье говорится о факторах, влияющих на валютный курс.
В статье также уделяется внимание экономическому процессу и макроэкономическим
проблемам и их решениям.
Ключевые слова:
углубление интеграционных процессов, взаимозависимость
национальных экономик, макроэкономические проблемы.
Iqtisodiy hayotning tobora o‘sib borayotgan baynalmilallashuvi va uning globallashuvi,
integratsiya jarayonlarining chuqurlashishi, milliy iqtisodiyotlarning o‘zaro bog‘liqligi bugungi
kunda jahon iqtisodiyoti rivojlanishining eng muhim unsuridir. Bunday sharoitda davlat iqtisodiy
siyosatining vositasi sifatida valyuta kursining o‘rni tobora ortib bormoqda. Valyuta kursi
darajasiga va uning dinamikasiga ta’sir qilish orqali davlat asosiy makroiqtisodiy muammolarni
hal qilishga intiladi. Shu bilan birga, zamonaviy ochiq iqtisodiyotda iqtisodiy siyosat vositalarini
tanlash va umuman, uning samaradorligi ko‘p jihatdan qo‘llaniladigan valyuta kursi rejimiga
bog‘liq.
O‘zbekistonda iqtisodiyot tarkibini diversifikatsiya qilish va uning raqobatbardoshligini
oshirish, iqtisodiyotning barcha tarmoqlariga bozor mexanizmlarini izchillik bilan joriy etish,
kambag‘allikni qisqartirish va aholi farovonligini oshirish, raqamli iqtisodiyotni jadal
rivojlantirish, davlat kompaniyalarini transformatsiya qilish, davlatning iqtisodiyotdagi ishtirokini
377
kamaytirish orqali barqaror iqtisodiy o‘sishni ta’minlash hozirgi kunda amalga oshirilayotgan
iqtisodiy islohotlarning ustuvor yo‘nalishlarini tashkil etadi.
Mazkur iqtisodiy islohotlar doirasida iqtisodiyotda transformatsiya va institutsional
islohotlarni izchil davom ettirish, mamlakatda qulay investitsion va ishbilarmonlik muhitini
ta’minlash hamda muvozanatlashgan pul-kredit siyosatini amalga oshirish yuzasidan tadqiqot
ishlarini amalga oshirish zaruriyatini ko‘rsatib beradi.
Bugungi kunda O‘zbekiston milliy valyutasining barqarorligi masalasi mamlakat uchun
alohida dolzarblik kasb etmoqda. Mamlakat milliy valyutasi so‘mning hozirgi bosqichda
qadrsizlanib borayotganligi va unga ta’sir etuvchi omillarni o‘rganish va ularni bartaraf etishga
qaratilgan sa’y-harakatlarni olib borilishi kechiktirib bo‘lmaydigan vazifalar bo‘lib, mazkur
masala mamlakat iqtisodiy xavfsizligiga rahna soluvchi asosiy tahdidlarlardan biri bo‘lib
qolmoqda.
Uning tebranishlari moliya bozoriga va shu bilan birga iqtisodiyotning boshqa
tarmoqlariga ma’lum darajada ta’sir ko‘rsatayotganligi sababli va pulning o‘zi tovarlar va
xizmatlar tannarxining yagona o‘lchovi bo‘lganligi sababli, milliy valyuta muhim omilga aylanib
bormoqda hamda milliy iqtisodiyotni rivojlantirish va uning iqtisodiy xavfsizligini ta’minlashda
asosiy ta’sir kuchiga ega bo‘lmoqda.
Shu o‘rinda ta’kidlashimiz joizki, 2022 yil boshidan to shu yil mart oyiga kelib, so‘m
dollarga nisbatan 6,8 foizga qadrsizlandi. Agar butun 2021 yil mobaynida so‘mning qadrsizlanishi
dollarga nisbatan 3.4 foizni tashkil etgan bo‘lsa, 2022 yilning atigi 2,5 oyi ichida so‘m
qadrsizlanishi ikki baravarga o‘sishga ulgurdi. Rasmiy kurs joriy yilning mart oyida keskin oshib,
maksimal o‘sish nuqtasi 11571 so‘m bo‘ldi. May oyi o‘rtalariga kelib, kurs 11200 so‘mdan pastlay
boshladi va muntazam pasaya borish tendentsiyasini ko‘rsatdi. Hatto iyul oyida kurs yil boshidagi
10 800 so‘mlik ko‘rsatkichgacha tushdi. Ammo, 2022 yil 10 oktyabrda dollar kursi yana 11000
so‘mlik dovondan oshib o‘tdi. Markaziy bank 2022 yil 18 noyabrda e’lon qilgan valyuta kurslari
ma’lumotida dollar kursi 11220 so‘mga etgani ma’lum qilindi va bunda so‘mning qadrsizlanishi
davom etayotganligi kuzatilmoqda. Mavjud beqarorlik sharoitida esa ushbu masalani o‘rganish
taqoza etiladi va muayyan echimlarini ko‘rsatish orqali davlat siyosatining samarali yo‘nalishlari
ochib beriladi va buning natijasida milliy valyuta barqarorligi asnosida mamlakatning iqtisodiy
xavfsizligini ta’minlashga erishiladi. Chunki, milliy valyuta barqarorligisiz mamlakatning
makroiqtisodiy barqarorligiga erishish mumkin emas. Shunga ko‘ra, maqolaning asosiy maqsadi
valyuta kursini barqarorlashtirish bo‘yicha yo‘nalishlarni ishlab chiqish, milliy valyuta kursining
378
o‘zgarishining mamlakat iqtisodiy rivojlanishiga ta’sirini aniqlashtirish orqali iqtisodiy
xavfsizlikka tahdidlarni zaiflashtirishdir.
J.Tobinning xulosasiga ko‘ra, hukumat va Markaziy bank, moliyaviy aktivlarga bo‘lgan
talab va ular taklifini boshqarish, ularning daromadliliga ta’sir etish orqali kapitalning investorlar
uchun maqbul bo‘lgan daromad me’yoriga ta’sir etishlari mumkin. Agar monyyetar hokimiyat
kapitalning kutilayotgan, investorlar uchun maqbul bo‘lgan daromad me’yorini pasaytirmoqchi
bo‘lsa, u holda, real kapitalga investitsiyalar sifatida aktsiyalar daromadining bozor me’yoriga
ta’sir etishlari mumkin.
J.Tobinning ushbu xulosasi O‘zbekiston iqtisodiyoti uchun muhim amaliy ahamiyat kasb
etadi. Buning sababi shundaki, respublikamizda so‘nggi yillarda baholarning o‘sishi va milliy
valyutaning qdrsizlanish sur’atlari yuqori bo‘lganligi sababli moliyaviy aktivlarning, shu
jumladan, aktsiyalarning investitsion jozibadorligini ta’minlash imkoni bo‘lmadi. O’z navbatida,
inflyatsiya va milliy valyutaning devalvatsiya sur’atini pasaytirish hukumat va Markaziy bankning
vakolatlari doirasidagi masalalardir.
M.Fridmenning fikriga ko‘ra, Markaziy bank pullar taklifini tartibga solish uchun yyetarli
darajadagi imkoniyatlarga ega bo‘lib, inflyatsiya sof pul fenomeni bo‘lgani holda, ko‘p omilli
jarayon emas. Shu boisdan, pul massasini tartibga solish yo‘li bilan inflyatsiyani jilovlash mumkin
va bu vazifani faqatgina Markaziy bank bajara oladi.
M.Fridmen Markaziy bankning inflyatsiyani jilovlay olish imkoniyatitga haddan ziyod
yuqori baho berib yubordi. Holbuki, Markaziy bankning inflyatsiyani yuzaga keltiruvchi
nomonyyetar omillarga ta’sir etish imkoniyati cheklangan. Masalan, O‘zbekiston Resublikasida
inflyatsiyani yuzaga keltiruvchi asosiy nomonyyetar omillardan biri bo‘lib, tabiiy monopoliyalar
mahsulotlari va baholarining o‘sishi hisoblanadi. Markaziy bank esa, tabiiy monopoliyalarning
baho siyosatiga ta’sir ko‘rsata olmaydi.
Shuningdek, Markaziy bankning talab inflyatsiyasiga ta’sir ko‘rsatish imkoniyati ham
cheklangan. Buning sababi shundaki, talab inflyatsiyasi ishlab chiqarish quvvatlari tovarlarga
bo‘lgan talabni qondira olmay qolganda yuzaga keladi. Demak, talab inflyatsiyasi bevosita
tovarlar ishlab chiqarish bilan bog‘liq. Markaziy bank esa, tovarlarni ishlab siqarish jarayonlariga
bevosita ta’sir ko‘rsata olmaydi.
M.Fridmen pul massasining yillik o‘sish sur’ati qat’iy ko‘rsatkich sifatida belgilab
qo‘yilishi va mazkur ko‘rsatkichning bajarilishini Markaziy bank tomonidan nazorat qilinishi
shart ekanligini ilmiy jihatdan asoslab berdi. U dastlab pul massasining yillik o‘sish ko‘rsatkichini
4% darajasida belgilashni taklif qilgani holda, pul massasining o‘sishi pirovard mahsulot
379
bahosining uzoq muddatli davriy oraliqdagi barqaror o‘sishiga asoslanishi lozim, degan xulosaga
keldi.
M.Fridmenning ilmiy xulosasiga ko‘ra, pul massasining yillik 3-5 foiz darajasida o‘sishi
makroiqtisodiy o‘sish sur’atlarining barqarorligini ta’minlash imkonini beradi. Agar pul
massasining yillik o‘sish sur’ati 5 foizdan yuqori bo‘lsa, u holda, inflyatsiya darajasining oshishi
yuz beradi; agar pul massasining yillik o‘sish sur’ati 3 foizdan past bo‘lsa, u holda, yalpi ichki
mahsulotning o‘sishi sekinlashadi.
M.Fridmenning mazkur pul qoidasi hozirgi davrda ham amaliy ahamiyatga ega: dunyoning
ko‘plab mamlakatlarida, shu jumladan, AQSh va yevrohudud mamlakatlarida hozirgi davrda pul
massasining o‘sish sur’atini nazorat qilish markaziy banklar monyyetar siyosatining taktik
maqsadi hisoblanadi.
F.Mishkin pullar taklifini tartibga solishda Markaziy bankning ochiq bozor va diskont
operatsiyalari muhim o‘rin tutishini e’tirof etadi va shu bilan birga, ochiq bozor operatsiyalarining
bir qator afzalliklarga ega ekanligini ta’kidlaydi. Uning fikriga ko‘ra, Markaziy bankning ochiq
bozor operatsiyalari quyidagi afzalliklar ega:
1. Ochiq bozor operatsiyalari FZTning tashabbusi bilan amalga oshiriladi va uning hajmi
FZT tomonidan nazorat qilinadi. Diskont operatsiyalarini amalga oshirishda esa, bunday nazorat
mavjud emas. Diskont operatsiyalarida FZT, diskont stavkasini o‘zgartirish yo‘li bilan,
banklarning diskont ssudalariga bo‘lgan talabini oshirishi yoki kamaytirishi mumkin, ammo
diskont ssudalari hajmini to‘g‘ridan-to‘g‘ri nazorat qila olmaydi.
2. Ochiq bozordagi operatsiyalar aniq va moslashuvchan bo‘lib, ular har qanday hajmga
ega bo‘lishi mumkin. Agar Markaziy bank zaxirani yoki pul bazasini sezilarsiz darajada
o‘zgartirishni maqsad qilgan bo‘lsa, u holda, kichik summadagi qimmatli qog‘ozlarni sotib olish
yoki sotish yo‘li bilan maqsadiga erisha oladi. Agar Markaziy bank zaxiralarni sezilarli darajada
o‘zgartirmoqchi bo‘lsa, u holda, juda katta summadagi qimmatli qog‘ozlarni sotadi yoki sotib
oladi.
3. Ochiq bozordagi operatsiyalar oson qaytariluvchanlik mazmuniga ega. Agar FZT ochiq
bozor operatsiyalarini amalga oshirishda xatoga yo‘l qo‘ygan bo‘lsa, operatsiyani zudlik bilan
bekor qilishi mumkin. Agar FZT ochiq bozordan qimmatli qog‘ozlarni katta miqdorda sotib
olayotganligi tufayli banklararo kreditlarning foiz stavkasi juda pasaygan bo‘lsa, u holda, FZT
qimmatli qog‘ozlarni sotishni boshlaydi.
V.Krolivetskayaning xulosasiga ko‘ra, Markaziy bank pullar taklifining iqtisodiyotga
ta’sirini yaratilgan pullarni milliy iqtisodiyotga qaysi kanallar orqali kirib kelayotganligini hisobga
380
olgan holda ko‘rib chiqish zarur. Pullar taklifining u yoki bu kanaliga bog‘liq ravishda yangi
pullarning foiz stavkalariga, milliy iqtisodiyotga ajratiladigan kreditlar hajmiga, davlat xarajatlari
darajasiga, umumiy talabga va iqtisodiy o‘sish sur’atlariga ta’siri yuzaga keladi.
J.Teylorning monyyetar qoidasiga ko‘ra, Markaziy bank, inflyatsiya darajasining
o‘zgarishi va ishlab chiqarishning real o‘sish sur’atlarining tebranishiga javob reaktsiyasi sifatida
nominal foiz stavkalarini o‘zgartirish imkoniyatiga ega, ya’ni Markaziy bank iqtisodiyotdagi
tsiklik tebranishlarni minimallashtirish imkoniga ega.
Ammo, bir guruh iqtisodchi olimlarning fikriga ko‘ra, Teylorning monetar qoidasining
asosiy kamchiligi shundaki, inflyatsiyaning GEP ko‘rsatkichlari va YaIM muhim monyyetar
indikatorlarni (pul agregatlari, kredit multiplikatori, valyuta kursi, byudjet defitsiti) to‘liq aks ettira
olmasligi mumkin.
MakKallum tomonidan taklif etilgan pul qoidasining mohiyati quyidagilarda namoyon
bo‘ladi:
–
monyyetar siyosatning asosiy instrumenti foiz stavkasi emas, balki pul agregatlarini
tartibga solishdir;
–
pul bazasi nominal YaIMning dinamikasi va pullarning aylanish tezligiga bog‘liq
ravishda tartibga solinadi;
–
Markaziy bankning pul bazasi orqali pullar taklifiga ta’sir etish imkoniyati bevosita
majburiy zaxira stavkalari darajasiga bog‘liq;
–
pul
qoldiqlarini
monyyetar
siyosat
instrumenti
sifatida
foydalanishni
murakkablashtiradigan omil bo‘lib, pullarga bo‘lgan talabning barqaror emasligidir.
B.MakKallum Teylor qoidasini amaliyotga tatbiqi masalasini AQSh, Buyuk Britaniya va
Yaponiya mamlakatlari misolida tadqiq qildi va bunda asosiy e’tiborini foiz stavkalari va pul
bazasining haqiqatdagi darajalari bilan Teylor qoidasi bo‘yicha shakllangan darajalarini qiyosiy
tahlil qilishga qaratdi.
J.Keynsning nazariy qarashlariga ko‘ra, davlat hokimiyati mamlakat ichidagi foiz
me’yoriga to‘g‘ridan-to‘g‘ri ta’sir etish imkoniyatiga ega bo‘lmagan davrlarda savdo balansining
ijobiy saldosini ko‘paytirishga qaratilgan chora-tadbirlar davlatning ixtiyoridagi xorijga
investitsiyalar hajmini oshirishning yagona vositasi edi.Shu bilan birga, savdo balansining qulay
saldosining nodir metallar oqimiga ta’siri ichki foiz me’yorini qisqartirishning yagona bilvosita
vositasi edi.
E.Xansenning pullar taklifi xususidagi ilmiy-nazariy qarashlarining mazmuni
quyidagilardan namoyon bo‘ladi:
381
–
milliy daromad pullar miqdorining funktsiyasidir;
–
pullar miqdori ikkilamchi, ammo muhim rol o‘ynaydi;
pul siyosati iqtisodiyotning barqarorligiga erishishning yagona samarali usuli bo‘lishi
mumkin emas, biroq, u ushbu maqsadlarga erishishga yo‘naltirilgan moliya siyosati bilan,
hukumat siyosatining boshqa yo‘nalishlari bilan muhim yordamchi rolni o‘ynashi mumkin.
E.Xansen milliy daromadni o‘sishida asosiy o‘rinni likvidlilikni afzal bilish
funktsiyasining, investitsion va iste’mol funktsiyalarining foizga nisbatan elastikligida deb
hisoblaydi: agar likvidlilikni afzal bilish funktsiyasining foizga nisbatan elastikligi yuqori bo‘lsa
(0,5 dan 2 gacha), investitsion va iste’mol funktsiyalarining ham foizga nisbatan elastikligi yuqori
bo‘lsa, unda unda barcha yangi pullar xarajatlarni amalga oshirishga mo‘ljallangan daromadga
nisbatan qo‘shimcha sifatida qaralmaydi, demak, pullarning bir qismi ko‘zda tutilmagan holatlar
yuz berganda ishlatish uchun jamg‘arib qo‘yiladi[Xansen E., 2006].
Amerikalik iqtisodchi Laurens Bollning ta’kidlashicha, Markaziy bank pul taklifini
optimal olib borish uchun pulga bo‘lgan talabni aniqlashi va unga ta’sir etuvchi omillarni tahlil
qilishi lozim. Hususan, pulga bo‘lgan talabga milliy daromad bilan foiz stavkaning ta’sirini alohida
baholagan. Ikkinchi Jahon urushidan keyingi statistik ma’lumotlar asosida tahlillariga ko‘ra pulga
bo‘lgan talab bilan milliy daromad o‘rtasida elastiklik 0,5 ga teng bo‘lgan bo‘lsa, foiz stavka bilan
pulga bo‘lgan talab o‘rtasida elastiklik sezilarsiz bo‘lib, u -0,05 ga tengligi ko‘rsatilgan.
Laurens Bollning xulosalarini mamlakatimizga qo‘llashda bir muammoga duch kelamiz.
Biz va bizga o‘xshash davlatlar amaliyotida pulga bo‘lgan talabga boshqa omillar ham ta’sir
ko‘rsatadi. Hususan, bunday omillarga milliy valyutaning almashinuv kursini kiritishimiz
mumkin. Chunki milliy valyutamiz yyetarli darajada jamg‘arish funktsiyasini bajara olgani yo‘q.
Lukas Benetti, Robert Lukas va boshqalar 1851 yildan boshlab 2015 yilga qadar statistik
ma’lumotlar asosida 31 davlatda M1 agregatiga bo‘lgan talabni o‘rganishgan. Ular pulga bo‘lgan
talabni aniqlashda ikki yo‘nalishda ilmiy ishlar olib borgan. Birinchi yo‘nalishda, pulga bo‘lgan
talabga pul aylanish tezligi bilan qisqa muddatli foiz stavkaning ta’siri o‘rganilgan bo‘lsa, ikkinchi
yo‘nalishda pulga bo‘lgan talabga YaIM va qisqa muddatli foiz stavkaning ta’siri o‘rganilgan.
Ularning yakuniy xulosalariga ko‘ra, ushbu ko‘rsatkichlarning pulga bo‘lgan talabga ta’siri AQSh
va Buyuk Britaniyada sezilarli bo‘lgan. Shuningdek, ushbu ko‘rsatkichlarnig pulga bo‘lgan
talabga ta’siri inflyatsiya darajasi yuqori bo‘lgan davlatlarda ham sezilarli bo‘lgan. Inflyatsiya
darajasi past bo‘lgan davlatlarda ta’sir turlicha bo‘lgan. Jumladan, pul aylanish tezligi bilan qisqa
muddatli foiz stavkalarning ta’siri bu kabi davlatlarda ko‘proq kuchga ega bo‘lgan.
382
Jonaten Benchimol uy xo‘jaliklarining pulga bo‘lgan talabini AQSh misolida tahlil qilgan
olimlardan biri hisoblanadi. Uning tahlillarida aholi iste’moli va jamg‘armasi bilan foiz stavkaning
elastikligi tekshirilgan. Empirik tahlillar natijalariga ko‘ra inflyatsiya yuqori bo‘tgan davrlarda,
ya’ni 1970 yillarda ushbu ko‘rsatkichlar o‘rtasida elastiklik yuqori bo‘lgan bo‘lsa, 1980 yillarda
moliyaviy innovatsiyalarning rivojlanishi ta’sirida bu ko‘rsatkichlar o‘rtasida elastiklik 1970
yillarga qaraganda ichdan bir qismga kamaygan. Ushbu kamayish tendentsiyasi 2010 yillarda
to‘xtagan.
Jonaten Benchimol xulosalarini mamlakatimiz iqtisodiyotiga qo‘llashda maqsadga
muvofiq hisoblanadi. Chunki aksariyat davlatlarda ishlab chiqarilgan mahsulotlarning katta qismi
aholi tomonidan iste’mol qilinadi, ya’ni yalpi talabda aholining salmog‘i yuqoridir. Shunday ekan
ularning talabini aniqlab borish inflyatsion kutilmalarni baholashda qo‘l keladi.
O‘zbekistonda bu tahlil natijalaridan foydalanishda to‘sqinlik qiladigan omillardan biri bu
aholi iste’moli bank kreditlari bilan qamrab olinmaganligidadir. Ushbu masalaga mamlakatimiz
iqtisodchilardan A.T.Absalamov o‘z ilmiy ishlarida to‘xtalgan bo‘lib, uning tahlillariga ko‘ra
tijorat banklarimiz tomonidan aholiga berilgan kreditlarning salmog‘i YaIMga nisbatan 4-6 foizni
tashkil qiladi. Aynan shu kamchilik Markaziy bank tomonidan pul taklifini tartibga solishda
aholining pulga bo‘lgan talabini aniqlashga imkon bermaydi.
O‘zbekistonlik iqtisodchi olimlardan T.Bobakulov respublika Markaziy banki pul-kredit
siyosatining indikatori sifatida M2 pul agregatining o‘sish ko‘rsatkichini tanlash kerak, degan
xulosaga keladi va uning ushbu xulosasi quyidagi dalillarga tayanadi:
–
pul massasining o‘sish ko‘rsatkichidan pul-kredit siyosatining indikatori sifatida
foydalanish uchun huquqiy asoslarning mavjudligi;
–
respublikamizda naqd pul muomalasi bilan iqtisodiy faollik o‘rtasida bevosita
aloqadorlikning mavjudligi;
–
Markaziy bankning pul bazasi orqali muomaladagi pul massasiga bevosita ta’sir etish
imkoniyatiga ega ekanligi;
–
inflyatsiyani shakllantiruvchi omillarning tarkibida nomonyyetar xaraktyerdagi omillar
salmog‘ining yyetakchi ekanligi, bazaviy inflyatsiya ko‘rsatkichining inflyatsion targetlash
jarayonida qo‘llanilmayotganligi.
T.Bobakulovning ilmiy xulosasi hozirgi kunda ham amaliy ahamiyat kasb etadi. Chunki,
birinchidan, naqd pullarning M2 pul agoegati tarkibidagi salmog‘i nisbatan yuqori; ikkinchidan,
inflyatsiyani yuzaga keltiruvchi omillar hajmida nomonyyetar omillarning, shu jumladan, tabiiy
monopoliyalar mahsulotlari va xizmatlarining baholarini o‘sishi ikhim o‘rin tutmoqda.
383
O.Namozovning xulosasiga ko‘ra, iqtisodiyotni yyetarli darajada pul mablag‘lari bilan
ta’minlash masalasini hal qilish uchun monyyetar siyosatda pullar taklifini tartibga solishga
qaratilgan chora-tadbirlarni amalga oshirishning o‘zi yyetarli emas. Parallel ravishda pullarga
bo‘lgan talabni qayta tarkiblash bo‘yicha quyidagi chora-tadbirlarni amalga oshirish lozim:
–
ishlab chiqarish sektoridagi korxonalarni institutsional isloh qilishni amalga oshirish;
–
milliy iqtisodiyot o‘sishining lokomotivlari bo‘lgan tayanch tarmoqlarni jadal
rivojlantirishga qaratilgan samarali sanoat va qishloq xo‘jalik siyosatlarini amalga oshirish;
–
yuqori unumli mehnatga rag‘batlantirish tizimini kuchaytirish, aholining real
daromadlarini oshirish uchun fiskal va tadbirkorlik shart-sharoitlarini yaratish;
–
iqtisodiyotning ichki xususiy sektorida daromadlar va talabni uzluksiz o‘sib borishi
uchun zarur bo‘lgan sharoitlarni yaratish;
–
davlatning iqtisodiy faoliyatini, iqtisodiyotni liberallashtirish kontekstida, bosqichma-
bosqich oqilonalashtirishni amalga oshirish;
–
real sektorda tarmoqlararo nomutanosibliklarga barham berish va moliyaviy oqimlarni
optimallashtirish maqsadida baholi tartibga solishni amalga oshirish zarur.
Fikrimizcha, O.Namozov pullarga bo‘lgan talabni asosan iqtisodiyotning real sektori
hisobidan shakllantirib, shu orqali inflyatsion jarayonlarning pullar taklifiga nisbatan yuzaga
keladigan salbiy ta’sirining oldini olmoqchi. Haqiqatdan ham, tayanch tarmoqlarni rivojlantirish,
ishlab chiqarish korxonalarida mehnat unumdorligini oshirish, tarmoqlararo nomutanosibliklarga
barham berish iqtisodiyotning real sektorini barqaror rivojlanishini ta’minlash imkonini beradi. Bu
esa, talab inflyatsiyasi va chiqim inflyatsiyasi ta’mirida pullar taklifini ko‘payishiga imkon
bermaydi.
N.Jumaev tomonidan amalga oshirilgan dissertatsion tadqiqotning natijalari ko‘rsatdiki,
Markaziy bankning diskont siyosati pullar taklifini tartibga solishda muhim o‘rin tutadi va uni
takomillashtirish uchun quyidagi tadbirlarni amalga oshirish zarur:
–
Markaziy bank tashkil qiladigan kredit auktsionida kredit stavkalarining bozor
mexanizmlari, ya’ni talab va taklif asosida shakllanishiga imkon yaratish lozim;
–
tijorat banklarining likvidlilik muammolarini bartaraf etish va bank tizimiga nisbatan
aholi ishonchini oshirish maqsadida diskont instrumentining turli shakllarini joriy qilish kerak;
–
lombard stavkasida kreditlash orqali qimmatli qog‘ozlar ikkilamchi bozorining
rivojlanishini rag‘batlantirish zarur;
bozor dastagi hisoblangan veksellarni (tratta) joriy qilish masalasini qayta ko‘rib chiqish
lozim.
384
N.Jumaevning qator ilmiy xulosalari hozirgi kunda ham o‘zining amaliy ahamiyatini
yo‘qotmagan. Masalan, tijorat veksellari muomalasi hozirga qadar qayta yo‘lga qo‘yilmagan.
Holbuki, tijorat veksellari muomalasining yo‘lga qo‘yilishi natijasida quyidagi amaliy yutuqlarga
erishish mumkin bo‘lar edi:
–
xo‘jalik yurituvchi sub’ektlar o‘rtasidagi debitor qarzdorlik miqdorini kamaytirish;
–
pullarga bo‘lgan talabni kamaytirish;
–
kreditlashning forfeyting shaklini amaliyotga joriy etish;
–
Markaziy bankning diskont siyosatini amaliyotga joriy etish.
REFERENCES
1.
Abdulazizovich, Abduvakhidov Akmal, and Kamilova Sanobar Mirdjamolovna. "ISSUES
OF BANKING SYSTEM DIGITALIZATION IN UZBEKISTAN."
World Bulletin of
Management and Law
11 (2022): 14-19.
2.
Yuldashevich, U. I., & Mukhammadeldor, R. (2021). The impact of digital economy on
the development of small business and private entrepreneurship.
Восточно-европейский
научный журнал
, (2-3 (66)), 4-7.
3.
Abdulazizovich, Abduvoxidov Akmal, and Obilov Mirkomil Rashidovich. "RAQAMLI
IQTISODIYOT VA UNING MOLIYAVIY BOZORGA TA’SIRI."
International Journal
of Contemporary Scientific and Technical Research
(2022): 71-75.