76
ISSN 2181-922X
76
—
91
FOLKLORSHUNOSLIK TADQIQI
Epik ot obrazining tarixiy asoslari
Abdumurod Tilavov
1
Abstrakt
Maqolada dostonlardagi epik ot obrazining badiiy jihatdan mukam-
mal tasviriga sabab bo‘lgan tarixiy asarlar tadrijiy tarzda beriladi. Otning
turkiy xalqlar tarixida tutgan o‘rni, bu borada tarixchilarning e’tiroflari,
qadimiy qo‘lyozma manbalarda ot bilan bog‘liq topilmalar, xullas, turkiy
xalqlar mafkurasi dostonlardagi jangovar ot obrazi bilan qiyoslanadi.
Xalq dostonlarida tasvirlangan jangovar otlarga xos xususiyatlar
sifatida ularning tabiiy otlar orasidagi eng mukammali, ayni paytda mi-
fologik va totemistik e’tiqodiy tasavvurlarda ifodalangan ot xususiyatlar-
iga ham ega ekanligida ko‘rinmoqda. Shu jihatdan dostonlardagi jangovar
otlar chinakam tulpor bo‘lishlari uchun bevosita yoki bilvosita suv otlari
hamda samoviy otlarga bog‘liq bo‘lishligi shart deb anglangan.
Biz ushbu maqolada xalq dostonlarida epik ot obrazining yarat-
ilishiga asos bo‘lgan tabiiy, diniy-e’tiqodiy tayanchlarni va qarashlarni
botartib ravishda bir-bir qarab chiqamiz.
Shuningdek, maqolada “zotli ko‘chmanchi mavaniyer”, “hayvon – ona”
an’ana va ishonchlari, “Devonu lug‘otut-turk” va ot bilan bog‘liq turkiy
so‘zlar izohi, qarvosh xalq dostonlaridagi ot obrazi borasidagi tahlil va
talqinlar o‘rin olgan.
Kalit so‘zlar:
Epik ot obrazi, turkiy mifologiya, tarix, yozma yodgor-
liklar.
Kirish
Otning o‘zbek xalqi hayotida tutgan o‘rni beqiyos. Ayniqsa,
ot asosiy ulov vositasi bo‘lgan o‘tgan asrlarda uning bahosi yanada
ortgan. Otning O‘zbekiston tuprog‘ida juda qadim zamonlardan
qo‘lga o‘rgatilib, undan keng foydalanganligini arxeologik va et-
nografik adabiyotlar tasdiqlaydi. O‘zbek xalqining ot bilan bog‘liq
e’tiqodiy, hayotiy va badiiy-estetik qarashlarini xalq dostonlarida
1Tilavov Abdumurod Xolmurotovich
– filologiya fanlari nomzodi, dotsent, Alisher
Navoiy nomidagi Toshkent davlat o‘zbek tili va adabiyoti universiteti.
Е-pochta:
a.tilavov@mail.ru
ORCID ID:
0000-0003-2428-7547
Iqtibos uchun:
Tilavov A.X. 2022. “Epik ot obrazining tarixiy asoslari”.
O‘zbekiston:
til va madaniyat
1 (2): 76-91.
Uzbekistan: Language and Culture 2022/1(2)
Epik ot obrazining tarixiy asoslari
77
keng kuylangan ot obrazi yanada mukammalroq tasavvur etish im-
konini yaratadi.
“Dostonlarda ot juda muhim o‘rin egallaydi. U qahramon-
ning muvaffaqiyatga erishuvi yo‘lida xizmat qilib, g‘oyat mushkul
vazifalarni bajaradi, qahramonga katta yordam beradi. Qahramon
otga ega bo‘lganligi tufayli istagiga erishadi. Shu narsa xarakterliki,
epik ot qatnashmagan bironta qahramonlik dostonini topish qiyin.
Ot qahramonning safari va kurashlarida doimiy yo‘ldoshi, ishonchli
qo‘ldoshi va yaqin do‘stidir” [ Zarifov 1967, 65].
O‘zbek xalq dostonlarida epik ot obrazining o‘ta mukam-
mal darajada ishlanganligi o‘z vaqtida folklorshunoslarimiz
[Zari-
fov 1968, 70] tomonidan qayd etilgan va bu O‘rta Osiyoning tabiiy
sharoiti, bu yerda yashagan xalqlarning hayoti, tarixi bilan bog‘liq
deb to‘g‘ri ko‘rsatilgan. Chindan ham bizning xalqlarimiz xo‘jaligi,
turmushida otning o‘rni, xizmati kattadir. Ayni paytda otga bo‘lgan
e’tiqod uni totem sifatida qadrlash, alohida sifat va fazilatga ega
otlarni g‘ayritabiiy shajaraga egaligi haqidagi qarashlar ham epik
ot obrazining mukammal ishlanishida muhim o‘rin egallagan. Pro-
fessor Hodi Zarif o‘zining mashhur “Jangovar ot obrazining qadimiy
asoslariga doir” maqolasida haqli ko‘rsatib o‘tganidek, “doston va er-
taklarda epik otlarning tabiiy otlardan farq qiladigan alohida xususi-
yatlari ham bor. Bunday xususiyatlar, bir tomondan, tabiiy naslli ot-
larda mavjud sifat va xarakterlarni bo‘rttirib, badiiy bo‘yoqlar bilan
bezab ko‘rsatsa, ikkinchi tomondan, miflarda mavjud xususiyatlar
bilan bezalgan holda namoyon bo‘ladi, uchinchidan, ularda totem-
izm elementlari ham uchrab turadi” [Zarifov 1968, 69].
Asosiy qism
Turkiy xalqlar tarixiy obidalarida, otning muqaddas hayvon
sifatida tan olinishini tasdiqlovchi daliliy ma’lumotlar, udumlar biz-
gacha yetib kelgan. Bu ma’lumotlarni alohida-alohida qayd etish,
ularda xalq ishonchlarining qaysi jihati namoyon bo‘lishini o‘rga-
nish, geografik nuqtai nazardan tarqalishini kuzatishsiz ot obrazi
tarixiy ildizlarini tahlil etish mumkin emas.
Turkiy xalqlar tarixini otsiz tasavvur qilish mumkin emas.
Chunonchi, ota-bobolarimiz ilohiy mo‘jiza sanalmish bu hayvonning
inson hayotidagi ahamiyatini birinchilardan bo‘lib juda yaxshi bilgan
va uni ardoqlash, tarbiyalash, undan foydalanish borasida boshqa
ko‘plab xalqlarga o‘rnak bo‘lgan xalqdir. Bu xususiyat nafaqat bizning
tarixchilarimiz, balki g‘arb olimlari tomonidan ham e’tirof etilgan.
Masalan, U.V.Shmidt bu borada olib borgan tadqiqotlari natijasida
78
quyidagi xulosaga keladi: “O‘rta Osiyoda yerlashib olgan va yov-
voyi hayvonlarni qo‘lga o‘rgatishni boshlagan ilk qavm turkiy qavm
bo‘lgan. Ot birinchi marta turkiylar tomonidan qo‘lga o‘rgatilgan va
ular otga mingan birinchi insonlar edilar” [ Kafeso‘g‘li 1988, 102]. Aj-
dodlarimiz otni dunyoga tanitgan, bu bilan insoniyat tarixida muhim
burilish va o‘zgarish yasagan millatdir. Tarixchilar “otli cho‘pon” yoki
“ko‘chmanchi otli madaniyat” deb ataluvchi madaniyatning o‘rta-
ga chiqishini va otning qo‘lga o‘rgatilishini bevosita qadimgi turkiy
xalqlarga bog‘lash mumkinligini, insoniyat tarixida erishilgan bu
muvaffaqiyat boshqa qavmlar va madaniyatlarning rivojlanishida
katta ta’sir ko‘rsatganligini qayd etishadi. V.Eberxard xitoyliklar otga
minish san’atini faqatgina miloddan avvalgi 300 yillarda Osiyo xun-
laridan o‘rganganligini aytadi [“Ulku” jurnali 1975, 2].
IV-VI asr G‘arb manbalari (A.Marjellinus, Sh.Gladianus,
A.Sidonius, Zosimos)ga ko‘ra, “Endigina oyoqqa turgan xun bolasi-
ning yonida egarlangan ot tayyor turardi... Xunlar ot ustida yeyishar,
ichishar, savdo-sotiq qilishar, suhbatlashar va uxlashar edi. Ot va
boshqa qavmlarni faqatgina ustida olib yurar, lekin xunlar otning us-
tida hayot kechirishardi”
[Древные авторы о Средней Азии 1940,
75].
“Go‘ro‘g‘lining tug‘ilishi” dostonida go‘rda tug‘ilgan chaqaloq-
ning jinsini aniqlash uchun egardan foydalaniladi. “Sinab bilayin,
shu bola o‘g‘ilmikin, qizmikin”, deb egar bilan uch oshiqni bir yoqqa
qo‘ydi. Ikki qo‘g‘irchoq bilan ro‘molni go‘rning bir yog‘iga qo‘ydi. Poy-
lab yotdi. Go‘ro‘g‘li... egarni minib, “chuv-ha, chuv-ha, ot qo‘y, qayt-
ma, boxabar bo‘linglar”, – deb egarni asta-asta qimirlatib, go‘rdan
ancha uzoqlab ketdi” [Po‘lkan shoir 1967, 54].
Ot ota-bobolarimizning to‘yida ham, azasida ham birga
bo‘lgan. Kelinni chiroyli qilib bezatilgan otda olib kelish, ot hadya
qilish odati hali hanuz yo‘qolgani yo‘q. Janoza marosimida bir otni
dumi kesilgan yo bog‘langan holatda olib kelinishi, hatto jangchi
o‘lsa, uni egar-jabduqli oti bilan birga ko‘mish udumi ajdodlarimiz
o‘tmishida mavjud bo‘lgan. Binobarin, Bo‘zqir-turk qavmlariga oid
qabristonlardan, Osiyo-Xun imperatorligiga oid qo‘rg‘onlardan, O‘rta
Osiyoda olib borilgan qazilma ishlari davomida juda ko‘p ot suyakla-
rining topilishi ham bejiz emas. Umuman, ot boshqa hayvonlardan
egasiga sodiqligi, aqlliligi va nihoyat, o‘zining noyob xislatlari bi-
lan ajralib turadi. Masalan, ot ko‘z qorachig‘ining naqadar qimmat-
li ekanligini usta xattotlargina bilishadi. Gap shundaki, otning ko‘z
qorachig‘i solib tayyorlangan bo‘yoq bilan yozilgan yozuv yaltiro-
qligi, ko‘rimliligi va nafisligi bilan ajralib turadi. Bunday yozuv uzoq
Abdumurod TILAVOV
Epik ot obrazining tarixiy asoslari
79
muddat aslini yo‘qotmaydi. Umar Hayyom “Navro‘znoma”sida yoza-
di: “Aytadilarki, to‘rt oyoqlilar ichida otdan yaxshisi yo‘q, u o‘tlovchi
to‘rt oyoqlilarning podshohidir. Rasul alayhissalom: “Xayr yilqining
peshonasiga yozilgan”, deganlar. Kayxusrav: “Mening podshohligim-
da otdan qimmatliroq narsa yo‘q”. Nasr bin Sayyor “Ot jang taxti va
qurolining gulidir”, – degan” [Umar Xayyom 1989, 18].
Qadimdan O‘rta Osiyo eng ko‘p ot yetishtirilgan hudud
bo‘lgan. 1246-yili O‘rta Osiyoni kezib chiqqan sayyoh Plano Garpi-
ni quyidagilarni e’tirof etadi: “Hayvonlarning ko‘pligi jihatidan ular
(O‘rta Osiyoda yashagan xalqlar. – A.T.) nihoyatda boy insonlardir;
tuya, sigir va echkilari bor. Otlarga kelsak, shu qadar ko‘pki, dunyo-
ning qolgan qismida shunchalar ot bo‘lmasa kerak” [Kafeso‘g‘li 1988:
40]. Miloddan oldingi 49-yilda bir xun oilasining o‘n ming bosh hay-
voni va yetti ming oti, milodiy 83-yilda boshqa bir oilaning yuz o‘n
mingta qo‘y va sigirlariga muqobil yigirma ming oti bo‘lgan. Ko‘k
turklar va beklarning yilqilari esa, hadsiz-hisobsiz edi, deya qayd eti-
ladi tarixiy manbalarda. Bu otlar sonlarining ko‘pligi bilangina emas,
asosan, nasldorligi, tez yugurishi va chidamliligi bilan ham mashhur
bo‘lgan. Chunonchi, ot ajdodlarimizning iqtisodini ta'minlovchi aso-
siy tijorat moli ham hisoblangan. Ular qo‘shni davlatlarga, chet el-
larga ot yetkazib turishgan. Xorijda tarqalgan O‘rta Osiyo naslli otlar
turkiylarning shuhratini dunyoga tanitgan. 1800-yilda Xivaga kel-
gan bir rus sayyohi o‘z xotiralarida quyidagilarni yozadi: “Xivadalik
davrimda menga u yerdagi arg‘umoqlar juda ham yoqib qolgan edi.
Ularning asosiy yemishlari jo‘xori bo‘lib, nisbatan kamtomoq va to‘rt
kunlik yo‘lni oziqlanmasdan bosishlari mumkin. Ular faqat minishga
moslashgan bo‘lib, bo‘yi basti katta otday, ingichka, tik qomatli, iyak-
dor, yengil... Bir pud jo‘xori arg‘umoqning o‘n kunlik yemishi bo‘lib,
uning bahosi 70 tiyin. Arg‘umoqlarni Xivaga turkmanlar yetkazib
turishadi va ularni faqat turkman egarlari bilan minadilar. Qirg‘iz
va bizning kazak egarlari to‘g‘ri kelmaydi. Arg‘umoq tez yugurganda
xuddi quyonga o‘xshab bor gavdasi bilan cho‘ziladi. Va bizning eng
chopag‘on rus otlaridan ikki marta tez yuguradi; ular yuvosh va aqlli
bo‘lib, daryolardan dadil suzib o‘tadilar, vafodor va uyurlarda qo‘lga
tez o‘rganadilar. Bu yerlarda bir arg‘umoq uchun yuz so‘m va undan
ham ortiq haq to‘laydilar” [Поездка торговца Абрасимова в Хиву
.
1860, 96].
Ma’lumki, bizning turkiy xalqlar har qanday sharoitda ham
o‘zining azaliy, nodir san’ati, hunari, an’analarini saqlab qolishga
intilgan va ko‘pincha bunga erishgan ham. Jumladan, ajdodlarimiz
ot tarbiyalash san’ati yalovini hech qachon qo‘lidan tushirgan emas.
80
Abbosiy xalifalaridan Mu’tasim, Vosiq va Mutavakkil zamonlarida
(840-860) arab davlati idorasidagi turk qo‘shinlarining soni ham
ko‘pchilikni tashkil etardi. Xalifalar ayni paytda otlarni tarbiyalash
ishini turklarga topshirib qo‘yishgan. Ota-bobolarimiz Islom dinini
qabul qilgandan keyin o‘zlari ot minish, tarbiyalash san'atini ham
Yaqin Sharqqa olib kirdilar. Bu davrda “Aspi turk” (Turk oti) juda
mashhur bo‘lgan. Muarrix Usmon Turon “turk ot madaniyati” bilan
birga ig‘dig‘ (bichish), yalg‘iz (qorato‘riq), uloq, yom, yombi, yilqi
kabi so‘zlarning arab va fors tillariga o‘tganligini qayd etadi
[Turkiy
xalqlar mafkurasi 1997, 92].
Shu o‘rinda otning bizning lug‘at boyligimizga ham katta “his-
sa qo‘shganligini” alohida ta’kidlash joiz. Darhaqiqat, tilimizda ot bi-
lan bog‘liq ko‘plab so‘zlar mavjud. Ularning ma’nosi faqat ayrim gu-
ruh orasidagina ma’lum. Buyuk tilshunos olim Mahmud Koshg‘ariy
“Devonu lug‘otit turk” asarida otga aloqador yuzdan oshiq so‘zlar-
ning izohini beradi [Tilavov 2021, 15-21].
Shu o‘rinda “ot” so‘zining etimologiyasi haqida. “Ot so‘zi” ba’zi
mo‘g‘ulshunos olimlar tomonidan mo‘g‘ulcha deya aytiladi va bu fikr
ancha e’tirozlarga yo‘l ochdi.
Ibrohim Kafeso‘g‘li “O‘rxun yodnomalari”da Kultegin mingan
otlar nomlari bilan berilganligi va o‘sha paytlardan beri tilimizda
“OT” deb aytib kelayotganimiz so‘zning asli Osiyo xunlarining qo‘lga
o‘rgatilgan hayvon jinsidan bahs etgan; miloddan avvalgi Xitoy man-
basi “Shichti”da aytib o‘tilgan “khit-ti” yoki “Khiai-thi” bo‘lishi kerak-
li va manba bu x u n ch a (ta’kid bizdan – A.T.) bo‘lib, “hamisha kat-
ta bir kuch bilan sapchishga, otilishga xohishli” (fuul of mettle with
a great power leaping) degan ma’noni anglatishini aytadi. Tarixchi
olim o‘z fikrini quyidagicha asoslashga harakat qiladi: “Turkchada
“ot” so‘zidan yasaluvchi otim (atim), hatlamoq (atlamak), otmoq (at-
mak) va boshqa so‘zlarda ayni ma’no hozirgacha saqlanib qolgan.
“Ot” so‘zining mo‘g‘ulcha “akhta” (akxta) so‘zi bilan aloqasi yo‘q...”.
Olimning fikrlari mantiqan to‘g‘ri va voqyelikdan uzoq emas,
bizningcha. Chunki, ot (hayvon – A.T.) ko‘pincha sapchishga, otilish-
ga shay holatda ko‘rinadi. Otlarning bu holati, ayniqsa, dostonlarda
zo‘r badiiy mahorat bilan tasvirlangan; “yulduzni ko‘zlagan”, “ko‘kka
qarab intilgan”, “uchishga shay qush” deya ta'riflanishi otlardagi
o‘sha tabiiy xususiyatlarni namoyon etadi. Qolaversa, o‘zbek tilida-
gi “otmoq”, “otilmoq”, “hatlamoq” so‘zlarida ham yuqoridagi ma’no
saqlangan.
“Yont” – “yo‘nt” so‘zi ham qadimgi turkchada bir ot jinsi va
ot suruvlarini ifoda etgan so‘zdir. Bu so‘z Onado‘lida joy nomlari-
Abdumurod TILAVOV
Epik ot obrazining tarixiy asoslari
81
ga nisbatan qo‘llanilganda “yunt” shaklini olgan. O‘g‘iz qabilalari-
dan birining nomi “Ala yo‘ntlыg‘” bo‘lgan. M.Koshg‘ariyda bu nom
biroz o‘zgargan shaklda, ya’ni “Ula-yo‘ndlug‘” tarzda keladi. Tad-
qiqotchi B.O‘gal devonda bu nomning yanglish yozilganligini aytadi.
“Koshg‘ariy davrida, – deydi olim, – bu so‘zning “Ala yo‘ndlug‘ / Ala
yuntlug‘” shaklda qo‘llanilganiga hech shubha yo‘q” [Ўгал 347-348].
Bizningcha, B.O‘galning bu mulohazasi bir muncha izohtalabdir.
Ko‘k turk va uyg‘urlardagi “o‘n ikki hayvonli” turk taqvimida
bir yilning “ot” ma’nosidagi “yo‘nd” bo‘lishi xarakterlidir. Bundan
tashqari, Onado‘lidagi bir necha joy nomlarida ham ayni ma’noni
ifodalagan so‘zning saqlab qolinganiga guvoh bo‘ldik: Yo‘nd tog‘i
(Koniya), “Yo‘nd qishlog‘i” (Edirna).
Ma’lumki, tilimizda ot suruviga nisbatan “yilqi” so‘zi
qo‘llaniladi. Dostonlarimizda ham bu so‘z ana shu ma’noda keladi:
Yilqi ichinda o‘zi kelgan sinlidir,
To‘bishqon tuyoqli, marol bellidir.
(“Alpomish”dostonidan).
Radlov “yilqi” so‘zining asl ma’nosining “jonli hayvon” ekan-
ligini qayd etadi. Ko‘k turk yozuv yodnomalarida ham yilqining,
umuman hayvonlar uchun ishlatilganligini ko‘ramiz. Ba’zan “to‘rt
adaqliq – yilqim” deyish bilan suruvning hayvon bo‘lganligi aytmoq-
chi bo‘lingan. Qadimgi turkiylar o‘z mulki hisoblangan hayvonlarga
tamg‘a urishgan. Shu sababdan bo‘lsa kerak, Ko‘k turk yodnomalar-
ida “tamg‘aliq yilqi” ifodasini uchratamiz. “Dada Qo‘rqut kitobi”da
ham “ыlqi” so‘zi faqatgina ot suruvi uchun qo‘llanilgan: “... yurib-yu
-
rib kofirning ыlqisiga duch keldi. Bir ot topsam tutib minayin, – dedi”.
“Otli ko‘chmanchilik madaniyati”, jumladan, ko‘pincha ot usti-
da yurish, doimiy harakat ot eti va sutini iste’mol qilish, O‘rta Osiyo
aholisining sog‘ligiga ham ijobiy ta’sir etgan. O‘tgan asrning o‘rtala-
rida bu “otli ko‘chmanchi”larning orasida kezgan V.Radlov, afyunning
ularga deyarli zarar ko‘rsatmasligini ko‘rib hayratga tushgan. “Afyun
chekkan xitoyliklar o‘sha zahoti turgan joyida cho‘kib o‘larkan, ko‘ch-
manchilarda afyundan o‘lgan kishi yo‘q edi”, deydi olim [Bahouddin
1991, 71]. Ot ajdodlarimiz tarixida faqatgina oddiy ulov emas, eng
yaxshi jang quroli ham edi. Ot tufayli turk xoqonlari hududlarini
kengaytirdilar, zafarlarga erishdilar. Zero, azaldan ajdodlarimizning
siyosiy tashkiloti va qo‘shin qobiliyati boshqa qavmlardan ustun edi.
Chunki ular birinchi bo‘lib otdan muhoraba (jang) vositasi o‘laroq
foydalandilar va hatto jahon hokimiyati da'vosida bo‘ldilar. Ot ustida
jang qilish, “chavandoz qiyofati” deb nom olgan kiyimlar ham ajdod-
82
larimizning ijodidir. Tarixiy manbalar O‘rta Osiyo ayollarining otda
jang qilish san'atini yaxshi egallaganliklaridan xabar bermoqda.
Otning ajdodlarimiz uchun muhim jang quroli, eng yaqin
yo‘ldosh bo‘lganligini, turkiy xalqlarning qadimgi yozma yodgor-
liklari ham isbotlamoqda. Bu yodnomalarda ot boqish, uning tarbi-
yasi, turk xoqonlarining zafar qozonishlarida otning yordami ta’kid-
lanadi. Jumladan, turk xoqoni Eltarishning kichik o‘g‘li Kultegin
qabriga qo‘yilgan bitikda (“O‘rxun bitiklaridan) mingan otlar sifat-
lari, nomlari alohida aytib o‘tiladi. “(Kultegin – A.T.) eng avval Tad-
qan Churning Bo‘z otini minib hujum qildi. U ot o‘shanda o‘ldi. Ikkin-
chi bor, Ishbara Yamtarning Bo‘z otini minib hujum qildi, ot o‘shanda
o‘ldi. Uchinchi bor yegan Selig bekning to‘riq otini minib hujum qildi,
u ot o‘shanda o‘ldi” [Qadimgi hikmatlar. 1987: 28].
Bu kabi harbiy yurishlarda Kulteginning Bayirqun, Al Shal-
chin, Azman, Ugsizlarning oq otini, Azning kulrang otini minganligi
hikoya qilinadi.
E’tiborli tomoni shundaki, vafot etgan shaxs tilidan, yaqin
qarindoshlarining keyingi avlodga iztirob, achinish bilan aytgan
gaplarida o‘sha shaxs otlaridan ayrilganligi eslatiladi:
Menga qaraydigan Aguk Qatun
yerimdan
ayrildim.
Tangrili davlatimdan, o‘g‘illarimdan,
qizlarimdan,
olti ming yilqimdan ayrildim.
Xoqonimning tulpori, qora xalqi,
mashhur
qahramonlarim,
...qiz-kelinlarim (dan) ayrildim.
(Uyuq
Turan
yodnomasi,
41).
Qadimgi turklar mashhur otlarda qanot borligi, binobarin
bunday otlarning uchishiga ishonishgan. Eligeshdan topilgan yod-
nomada ham (yenisey bitiklari):
Uchar otlarimdan ayrilib,
Qora xalqimni yo‘qotdim, yo‘qolib
ketdim men, – deyiladi (42-bet).
Qadimgi turk davriga oid qog‘ozga yozilgan yagona, nodir
yodgorlik hisoblangan “Irq bitigi” (Ta’birnoma)da ot bilan bog‘liq
ishonch-e’tiqodlarning, mifologik tushunchalarning ifodasini
ko‘ramiz. Bir misol:
Men chavkar
1
otli taqdir
2
tangrisiman,
1Ya'ni ola otli.
2Ayn. yo'l.
Abdumurod TILAVOV
Epik ot obrazining tarixiy asoslari
83
Kunduz va kechqurun
(otni) yeldiraman.
U ikki oy oldin
Odam o‘g‘lini
1
uchratdi.
Odam qo‘rqdi,
“Qo‘rqma”, dedi u.
Bilib qo‘ying: bu – yaxshi.
(47-bet)
Turkiylar Ko‘k – Tangrisining ham bir oti borligiga ishonish-
gan. Keltirilgan parchada ana shu qadimiy, botil e’tiqodning ta’siri
sezilib turibdi.
Bitikda ot inson qadar aqlli jonzot, his-tuyg‘uli tarzda tasvir-
lanadi:
So‘qir toycha ayg‘irlar orasida
Shifo izladi.
Kun o‘rtasigacha bo‘zladi,
Tun o‘rtasigacha qon yig‘ladi
Oq ot dushmanini
Uch avloddan ajratib
tavba qilishga va o‘tinishga
majbur qildi, deyishadi...
Bilib qo‘ying: bu – yaxshi. (50-bet).
Otning magik qudratga egaligi va uning qushlar bilan bog‘liq
holda tilga olinishini ot haqidagi qadimiy tushunchalarning bitikdagi
ifodasi o‘laroq qabul qilish kerak.
Men uyur uchun kuch beruvchi ayg‘irman,
Yong‘oq daraxti (bor manzil) – yozlik (joy)im,
Qushlar ko‘p joy qishlik (joy)imdir,
O‘sha yerda turib shodlanaman, – deydi,
Bilib qo‘ying: bu – yaxshi. (52-bet).
Quyidagi parchalarda esa ajdodlarimizning nodir san’ati – ot
tarbiyasiga o‘ta hassoslik bilan e’tibor berish lozimligi uqtiriladi:
Otni noto‘g‘ri tushovladi,
Yurishga majoli yo‘q deyishadi.
Bilib qo‘ying: bu – yomon. (53-bet)
Semiz ot og‘zi qattiq bo‘ldi
2
,
Egasi uni parvarish qilishni
uddalay olmadi, der,
1Inson.
1 Ya'ni yeyishdan qoladi
84
Bilib qo‘ying: bu – yomon. (58-bet).
Ajdodlarimiz tarixida otning tutgan o‘rni, bu hayvonning tur-
kiy xalqlar madaniyatiga ko‘rsatgan ijobiy ta’siri haqidagi muhim
ma'lumotlarni XI asrning buyuk filologi Mahmud Koshg‘ariy “Devonu
lug‘otit turk” asarida beradi. V.M.Jirmunskiy va H.Zarifovlar to‘g‘ri
ta'kidlaganlaridek, dasht xalqlari, jumladan, turkiy tilli xalqlarning
tili otning turlari, yoshi, ranglari va hokazolarini ifodalovchi so‘zlar-
ga boy [Жирмунский, Зарифов 1947, 353].
Chunonchi, M.Koshg‘ariy bu asarida ot bilan bog‘liq turkiy
so‘zlar izohini berar ekan, tilimizning boyligini, shu bilan birga lug‘at
xazinamizga otning qo‘shgan “hissasi”ni isbotlab beradi. Olim “
Ot
turkning qanotidir”, “Qush qanoti bilan, er oti bilan”
1
, “Yayov
kishining qiymati yo‘qdir
” kabi maqollarni keltirib turk va otning
bir-biriga naqadar yaqinligini va ota-bobolarimizning haqli g‘urur va
tuyg‘ularini ko‘rsatadi.
Mahmud Koshg‘ariyning ma’lumot berishicha, ota-bobolar-
imiz otlarni maxsus joylarda tarbiyalashgan [Девону луғотит турк.
1967:]. Olim ajdodlarimizning otni tarbiyalashda yalang‘och holati-
da ham minish mashqlari o‘tkazilishini qayd etadi
2
. Natijada, bunday
otlar yugruk yoxud yugurgan, yorig‘a, eshkin, erik kabi yugurish si-
fatlariga ega bo‘ladi
3
.
Ot tanlashda avvalo uning zoti surishtiriladi. Devonda bu xu-
sus ham e’tibordan chetda qolmagan.
Yugurdi kevel at,
Chaqildi qizil ot.
Kuyirgu arug at,
Sagrap anыn o‘rtenur
4
.
“Zotdor ot yugurganda tuyoqlari ostidan chiqarayotgan qizil
olovdan quruq o‘tgan yonadi).
Devonda ot bilan bog‘liq she’riy parchalar ko‘p uchraydi:
Qancha bo‘lsang ey o‘g‘ul,
Erding munda tinch va mo‘l.
Otdin endi uz ko‘ngil,
Noloyiq ish aylading. T. 1, 104)
Uchqur otim sho‘xliq qildi,
Sho‘xlik qilar yerni ko‘rdi.
2 Qarang: Ot bo‘ldi er yigitning qanoati,
Yugruk, minsa kimning kuchi yetadi (“Хоldorxon” dostonidan).
1Devonu lug‘otit turk, mundi.
2
Qarang: “DLT”. Jугрук, jорiға, эшкiн, эрiқ.
3
“DLT”. “Чакылды”.
Abdumurod TILAVOV
Epik ot obrazining tarixiy asoslari
85
Ko‘kni bosib bulut keldi,
Bahor seli o‘ynab yog‘di. (T. 1, 157)
Mahmud Koshg‘ariy ot bilan bog‘liq hikmatli so‘zlarni ham
keltiradi:
yetkur mening so‘zimni olimlarga, hoy,
Baytal tinar otlarga
qo‘shilganda toy. (T. 1, 214)
yetkar mening so‘zimni olimlarga, hoy,
Tinar biya minilsa, ot bo‘lganda toy. [T. III, 173)
Ot hadya etish – turkiy xalqlardagi juda qadimiy odatlardan-
dir. Otni bir xonlik yo beklik ikkinchisiga eng maqbul sovg‘a sifati-
da bergan. Masalan, Abbosiy xalifasi o‘zining elchisi Ibn Attor orqali
Xorazm shohi Jaloliddinga yuborgan hadyalari ichida butun anjom-
lari oltin bilan bezatilgan, tuyoqlariga qiymati 100 dinor bo‘lgan
qimmatbaho halqalar osilgan ikki ot, bundan tashqari ustida Rum
(Vizantiya) yoping‘ichi va zirxli yoping‘ichlari bo‘lgan o‘ttiz ot, o‘ttiz
sayis bor edi. Olovuddin Kayqubodning esa Jaloliddinga yuz ot va el-
lik xachir yuborganligi ma'lum. “Dada Qo‘rqut kitobi”da ham bu odat
bilan bog‘liq bir lavha bor [Абдуллаев 1995, 45] “Devonu lug‘otit
turk”da ajdodlarimizda mavjud bu odat “sing‘ut”, “yag‘rilandi”, “idx-
ti”, “artut” so‘zlariga izoh berishda tilga olingan.
Ushbu asarda ot xastaliklarining nomi va ularni davolash
yo‘llari haqida qimmatli tavsiyalar berilgan. Devonda xastaliklar,
jumladan, otda ko‘ringan xastaliklarga nisbatan “ig” so‘zi (T. 1, 48)
qo‘llanilgan. Keksa chavandozlar bilan suhbatlarda otdagi kasal-
liklarni ko‘pincha dog‘lash, qon olish, turli tog‘ giyohlari qo‘yish bi-
lan davolashganiga guvoh bo‘lgan edik. Ayni davolash yo‘llari haqi-
da “Devon”da ham “dog‘”, “tog‘ladi”, “tog‘latti”, “chekdi”, “chekturdi”,
“ang‘do‘z” so‘zlarining izohida ma’lumot beriladi.
Ajdodlarimizning ot bilan bog‘liq mifik tushunchalari “turk
va ot” mavzuining muhim sahifasini tashkil etadi. Bu ma’lumotlar
dostonlarimizdagi mifik ot obrazining ko‘p jihatlarini yoritishda,
mohiyatini tushuntirishda yaxshi yordam beradi.
Masalan, qabilasining otdan tarqalganligiga
1
, qabilani shu
hayvon qo‘riqlashiga ishonganlar otning go‘shtini yeyishmas, hatto
uni cho‘chitishmas, ozor berishmas, ardoqlashardi. Ularning ishon-
chiga ko‘ra, kimki qabilasi uchun muqaddas sanalgan hayvonni hur-
mat qilmasa, o‘ldirsa, uning boshiga katta falokatlar keladi
2
.
1Boshqird eposida bosh qahramon – Buzans botirni ot tuqqanligi haqida o‘sha
xalq rivoyati mavjud.
2Qiyoslang: “Mendan senga nasihat shuki, qayerda bo‘lmagin: jangda bo‘lasanmi,
86
Ma’lumki, qadim odatlarga ko‘ra, qavmlar o‘zlarini totemning
nomi bilan atashgan, uning tunj, marmar va oddiy toshdan haykalla-
rini yasashgan. Jumladan, turk qavmlaridan bo‘lmish yoqutlar ham
totem deb qabul qilgan hayvonni ism-sharif o‘laroq qabul qilganlar.
Binobarin, kimning qaysi qabiladan ekanligini osonlikcha ajratish
mumkin bo‘lgan.
Hodi Zarifov eramizdan ilgarigi ba’zi shaxslarning (masalan,
Vishtasp – jangovar yoki asov ot sohibi, Aspanja – otboz) nomlarida
“asp” (ot) so‘zining borligini qayd etadilarki [Зарифов 77], fikrimiz
-
cha, bu ham ajdodlarimizdagi ot totemining izlaridandir. Shu o‘rinda
jumhuriyatimizdagi ba’zi joy nomlarida ham “ot” yoki “asp” so‘zlar-
ining borligini ta’kidlamoqchimiz:
Olot (aslida ola ot, Buxoro viloyatida)
Qo‘ng‘irot (qo‘ng‘ir ot, Surxondaryo vohasida, Qoraqalpog‘is-
ton Respublikasida)
Samandarak (Farg‘ona viloyati, Bag‘dod tumanidagi bir qish-
loq nomi)
Xazorasp (forscha “xazor” – ming, “asp” – ot, Xorazm viloyat-
idagi bir tuman)
To‘rtayg‘ir (Samarqand viloyati, Oqdaryo tumanidagi qishloq
nomi
).
O‘rta Osiyo va Sibirda yashagan turkiylar totem deb bilganlari
hayvonlarning, jumladan otning insonlarga yaxshilik keltirish bilan
birga yomonlik ham keltirishi mumkinligiga ishongan, ya’ni ma’lum
ma’noda otdan cho‘chishgan ham. Shu sababli, ot kabi muqaddas
sanalgan hayvonlarning suyaklari yoxud shakllari bir joyga to‘pla-
nib, ulardan “yaxshilik” va shafqat so‘ralgan. Biz kuzatishlarimiz
davomida xalqimiz orasida “Otning o‘ligiga ham ishonma, qochib
ketadi”, “ot asli janoza uchun yaratilgan, shuning uchun qachon bir
janoza chiqarkan-u, xabarini yetkazar ekanman, deb kutib turadi”
1
,
“ot o‘lsa hamki, uning kalla suyagini bog‘lab qo‘y” kabi ot haqidagi
o‘limda bo‘lasanmi, qirq kunlik ochlikda qolasanmi, istasang chanqoqlikdan
o‘lib qol, uyqusizlikdan oyoqda turolmaydigan bo‘l, ammo o‘sha paytda o‘zingni
o‘ylamasdan, o‘zingga qaramasdan G‘irotingga qaragin, uning har bir hojatini
chiqar. Shundan keyingina o‘zingga qaraysan. Nozikkina chaqaloqqa qaragan
kabi qaragin unga, toki G‘irot senga uka bo‘lsin, seni dunyo torliklaridan, azob-
uqubatlaridan, hamma-hammasidan cening o‘rtog‘ing, aka-ukang emas, mana shu
G‘irotng qutqarajak. Buni hech qachon esingdan chiqarma. Va yana shuni bilib
qo‘yingki, G‘irotni esingdan chiqarganing, unga e‘tibor bermay qo‘ygan kuning,
unga bo‘lgan sevging kamaygan kuni boshingga balo-оfatlarning eng kattasi
keladi”. Go‘ro‘g‘lining maydonga chiqiqshi / turk xalq dostoni. – Istanbul, 1990. –
B. 48.
1Otning xabarlashuv vositasi sifatida ham ahamiyati katta bo‘lgan.
Abdumurod TILAVOV
Epik ot obrazining tarixiy asoslari
87
salbiy iboralar ham mavjudligiga guvoh bo‘ldik. Ayni animistik tush-
unchani ifodalovchi bir sav (maqol)ni esa Mahmud Koshg‘ariy ham
keltiradi: “jung bashin jularlab kenilgi” – otning boshini qaynatgan-
dan keyin yemoqchi bo‘lsang, qochmasligi uchun unga avval no‘xta
solib bog‘la, keyin yegin [Девону луғотит турк, 16-17].
“HAYVON – ONA” ishonchi ham ota-bobolarimiz orasida keng
tarqalgan. Professor Abdulqodir Inon “Shomonizm” nomli asarda
(Anqara, 1995) bu ishonchga “arvoh ishonchi” deya nom beradi. Ona
– hayvon butun boshli qabilaning emas, bir kishining (shomonning
– A.T.) ruhi edi. Bu ishonchga ko‘ra, ruh – Ona – hayvon shomonga
butun hayoti davomida yordam beradi. Bu ruh – hayvon “iye kыil”
deb atalgan. Kimning Ona – hayvoni kichik, kuchsiz bo‘lsa, bu kishin-
ing qabiladagi obro‘si ham ancha past bo‘lgan. Bir shomon katta
bo‘lgach, boshqa bir hayvonni Ona-hayvon o‘laroq qabul qilardi. Bir-
oq bu “o‘zgarish” hayoti davomida uch martagina sodir etilishi mum-
kin edi.
Eng maqbul sanalgan “ko‘rinmas Ona-hayvon ruhlar”
ayg‘ir
(ta'kid bizdan – A.T.), buqa, kiyik va ayiq, yomonlari esa bo‘ri va it edi
[Мифы народов мира
.
1980: 300]. Turk mifologiyasida kichik ayiq
burji ikki ot, buyuk ayiq burji esa ularni quvgan yetti bo‘ridir. Umuman,
“конь играет важную роль во многих мифологических системах
Евразии. Является атрибутом (или образом) ряда божеств. На
коню передвигаются (по небу и из одной стихии или мира в
другой), боги и герои. В индоевропейском близнецовом мифе
в виде двух коней представлялись божественные Близнецы
и связанные с ними – два мифологических представителя
– родоначальники племени. Общим для индо-европейских
народов является образ бога солнца на боевой колеснице,
запряженной конями, причем само Солнце представляется в
виде колеса” [Мифы народов мира 1980, 143].
Xulosa
Jumhuriyatimiz mustaqillikka erishgach, xalq qadriyatlariga
bo‘lgan munosabat, qolaversa “xalq hayotini qamrab olgan jonli, ha-
yotiy bo‘yoqlar bilan yoritilgan haqiqiy xalq tarixi”ni tuzib uni keng
jamoatchilikka yetkazish masalasi davlat siyosati maqomida hal
etilmoqda. Bunday tarix kitobining yuzaga kelishi uchun esa, tabiiy-
ki, bir necha manbalarga ehtiyoj seziladi. Boy va qimmatli ma'naviy
xazinamiz – o‘zbek xalq ijodiyoti, ana shunday muhim, aytish mum-
kinki, birlamchi manbalardandir. Chunki bu asarlardagi “har bir jum-
la va tarixiy fakt tarix kitoblari sahifalarida ta’kidlanmagan u yoki
88
bu voqealarni eslatishi, ularni qayta tiklashga yordam berishi va eng
muhimi ijodkor xalqning mavjud ijtimoiy-siyosiy tuzumga bo‘lgan
real munosabatini, dunyoqarashi va estetik ideallarini haqqoniy
ochiq-oydin ko‘rsatib berishi shubhasizdir”. Chunonchi, bu ijod na-
munalarida xalqimizning ishonch-e’tiqodlari, rasm-rusumlari, dun-
yoqarashi bilan mantiqan bog‘lanib ketgan qadriyatlar o‘z ifodasini
topgan. Faqat ana shu javohirotni tizimli tarzda tadqiq etib keng ja-
moatchilikka ko‘rsatish – ilmdagi, xususan, folklorshunoslikdagi dol-
zarb vazifalardan biri bo‘lib kelmoqda. Maqolamizning yakunlovchi
eng muhim xulosalarini quyidagicha bayon etishni ma’qul ko‘rdik:
1. Turkiy xalqlar tarixini otsiz tasavvur qilish mumkin emas.
Chunonchi, tarixchilar “otli cho‘pon” yoki “ko‘chmanchi otli madani-
yat” deb ataluvchi madaniyatning paydo bo‘lishi va otning ilk bora
qo‘lga o‘rgatilishini bizning ajdodlarimizga bog‘lash mumkinligini
e’tirof etishmoqda.
2. Ot bilan bog‘liq to‘plaganimiz ashyoviy dalillar – qabrtosh-
lardagi ot suratlari, ot haykallari, qoya toshlardagi ot rasmlari, Oltoy
hududidan topilgan; turkiylarga oid eng qadimiy ashyo deb hisobla-
nayotgan gilamdagi ot tasvirlari, xalqimiz orasida hozirgacha ya-
shab kelayotgan ot bilan bog‘liq inonchlar otning totem hayvon sifa-
tida alohida o‘rni borligini tasdiqlaydi. Yana ma’lum bo‘ldiki, birorta
totem hayvon tushunchasi xalq hayotidan tasodifan o‘rin olmaydi.
Totem sifatida ulug‘langan hayvonlar albatta o‘zidagi bir necha xis-
latlari bilan insondan ustun yoxud insonning eng yaqin yordamchi-
si hisoblangan. Binobarin, otning aqlliligi, sezgirligi, uzoq masofani
yaqin qilishi kabi xislatlari ota-bobolarimiz tomonidan bu hayvon-
ning muqaddaslashtirilishiga va e’zozlanishiga asos bo‘lgan. Ot bilan
bog‘liq topilmalar ajdodlarimizning otga bo‘lgan ana shu hurmat va
e’zozini tasdiqlash barobarida, ularning yuksak madaniyat va nafis
san’at sohibi bo‘lganliklarini namoyon qilmoqda.
3. O‘zbek xalq dostonlaridagi ot obrazining tarixiy va hayotiy
asoslarini tahlil etish, bu obrazning badiiy jihatdan mukammal ish-
laganligini aniqlashtirish uchun ot bilan bog‘liq topilmalar, shu bilan
birga turkiylar tarixida otning tutgan o‘rni, mifologik dunyoqarash
va ot, qadimiy bitiklarda ot, ot haqida ajdodlarimiz yozib qoldirgan
asarlar – “baytarnoma”larda ot kabi masalalarga imkon doirasida
oydinlik kiritildi.
4. Tarixiy obidalarda totem o‘laroq madh etilgan ot ko‘p jihat-
dan hayotiy zaminga ega bo‘lgan, bu hayvon bilan bog‘liq hikoya, ri-
voyat va afsonalar bilan tasdiqlanishi lozim edi. Chunonchi, mavzu
yuzasidan yaqin o‘n yil davomida o‘lkamizning turli viloyatlaridan
Abdumurod TILAVOV
89
Epik ot obrazining tarixiy asoslari
va qardosh xalqlardan yiqqanimiz ot bilan bog‘liq ilk qarashda afso-
nanamo, biroq hayotiy hikoyalarning, termalarning ayni paytda ham
ommaviy tarzda yashab kelayotganligini tabiiy hodisa deb qabul qi-
lish lozim.
5. Yuqorida qayd etilgan xulosalar otning xalq baxshisi to-
monidan sevib kuylanishi, dostonga kirishi uchun tarixiy zarurat va
hayotiy zaminni yuzaga keltirgandir.
Adabiyotlar
Зарифов Ҳ.Т. 1967. “Ўзбек халқ достонларининг тарихий асослари
бўйича текширишлар: Жанговар отнинг қадимий
асосларига доир”.
Ўзбек халқ оғзаки ижоди бўйича
тадқиқотлар
.
4-китоб Пўлкан шоир.
Тошкент: Фан.
Мирзаев T. 1968.
“Алпомиш” достонининг ўзбек вариантлари
. Тош
-
кент: Фан.
Саидов М. 1970.
Ўзбек халқ достончилигида бадиий маҳорат
. Тош
-
кент: Фан.
Саримсоқов Б. 1982. “Эпик жанрлар диффузияси”.
Ўзбек фольклори
-
нинг эпик жанрлари
. Тошкент: Фан.
Древные авторы о Средней Азии
. 1940. Ташкент: Фан.
Гўрўғлининг туғилиши
. 1967. Айтувчи: Пўлкан шоир. Ташкент: Фан.
Умар, Ҳайём. 1989.
Наврўзнома
. Ташкент: Меҳнат.
Кафесўғли Й. 1988.
Турк миллий маданияти
. Йстанбул.
Поездка торговца Абрасимова в Хиву. 1860. Санкт-Петербург.
Тилавов А. 2021.
От образи: тарих, таҳлил ва талқин
. Тошкент: Sano-
standart.
Баҳоуддин Ўгал. 1991.
Турк маданияти тарихига кириш.
1-жилд.
Анқара.
Қадимги ҳикматлар.
1987. Тошкент: Фан.
Жирмунский В.М., Зарифов Х. 1947.
Узбекский народный героический
эпос.
Москва: Наука.
Девону луғотит турк
. 1967. Йндекс-луғат. Тошкент: Фан.
Абдуллаев Р. 1995. “Асл тулпорлар”.
Ўзбекистон адабиёти ва санъати
.
1 сентябрь.
Аҳмедов Б. 1992.
Ўзбек улуси
. Тошкент: Фан.
Мифы народов мира.
1980. Москва: Наука.
90
Historical foundations of the epic horse
image
Abdumurod Tilavov
1
Abstract
The article provides a gradual presentation of the historical works
that led to the artistically perfect depiction of the epic horse in the epics.
The place of the horse in the history of the Turkic peoples, the confessions
of historians in this regard, the findings of the horse in ancient manuscript
sources, in short, the ideology of the Turkic peoples is compared with the
image of a war horse in the epics.
As characteristic of the war horses described in folk epics, they
appear to be the most perfect of the natural horses, as well as the horse
features expressed in mythological and totemistic beliefs. In this respect it
was understood that the war horses in the epics must be directly or indi-
rectly dependent on water horses and celestial horses in order to be true
tulpars.
In this article, we will take a closer look at the natural, religious
beliefs and views that underlie the creation of the epic horse image in folk
epics.
The article also includes “nomadic mavaniyer”, “animal-mother”
traditions and beliefs, “Devonu lug'otut-turk” and commentary on Turkish
words related to the horse, analysis of the image of the horse in the Kar-
vash folk epics and interpretations took place.
Key words:
epic horse image, Turkish mythology, history, written
monuments.
References
Zarifov H.T. 1967. “O‘zbek xalq dostonlarining tarixiy asoslari bo‘yicha
tekshirishlar: Jangovar otning qadimiy asoslariga doir”.
O‘zbek xalq og‘zaki ijodi bo‘yicha tadqiqotlar
.
4-kitob
Po‘lkan shoir.
Toshkent: Fan.
Mirzaev T. 1968.
“Alpomish” dostonining o‘zbek variantlari
. Toshkent: Fan.
Saidov M. 1970.
O‘zbek xalq dostonchiligida badiiy mahorat
. Toshkent: Fan.
Sarimsoqov B. 1982. “Epik janrlar diffuziyasi”.
O‘zbek folklorining epik
1
Abdumurod X. Tilavov
– Candidate of Philological Sciences, Associate Professor,
Alisher Navo’i Tashkent State University of Uzbek Language and Literature.
E-mail:
a.tilavov@mail.ru
ORCID ID:
0000-0003-2428-7547
For citation:
Tilavov, A.X. 2022. “Historical foundations of the epic horse image”.
Uzbekistan: Language and Culture
1 (2): 76-91.
Abdumurod TILAVOV
Epik ot obrazining tarixiy asoslari
91
janrlari
. Toshkent: Fan.
Drevnie avtori o Sredney Azii
. 1940. Tashkent: Fan.
Go‘ro‘g‘lining tug‘ilishi
. 1967. Aytuvchi: Po‘lkan shoir. Tashkent: Fan.
Umar, Hayyom. 1989.
Navro‘znoma
. Tashkent: Mehnat.
Kafeso‘g‘li I. 1988.
Turk milliy madaniyati
. Istanbul.
Poezdka torgovsa Abrasimova v Xivu.
1860. Sankt-Peterburg.
Tilavov A. 2021.
Ot obrazi: tarix, tahlil va talqin
. Toshkent: Sano-standart.
Bahouddin O‘gal. 1991.
Turk madaniyati tarixiga kirish.
1-jild. Anqara.
Qadimgi hikmatlar.
1987. Toshkent: Fan.
Jirmunskiy V.M., Zarifov X. 1947.
Uzbekskiy narodnыy geroicheskiy epos.
Moskva: Nauka.
Devonu lug‘otit turk
. 1967. Indeks-lug‘at. Toshkent: Fan.
Abdullaev R. 1995. “Asl tulporlar”.
O‘zbekiston adabiyoti va san’ati
. 1 sen-
tyabr.
Ahmedov B. 1992.
O‘zbek ulusi
. Toshkent: Fan.
Mifы narodov mira.
1980. Moskva: Nauka.