Доктор ахборотномаси № 2—2019
55
УДК 616-08-039.73-053.1-001.6.718.4
СОНЛАРНИНГ ТУҒМА ЧИҚИШЛАРИНИ КОНСЕРВАТИВ ДАВОЛАШНИНГ
УЗОҚ МУДДАТЛАРИДАГИ НАТИЖАЛАРИ
С. Ю. Ибрагимов, Ш. Х. Қаюмов, Х. А. Юнусов, Г. Н. Қудратова
Самарқанд давлат тиббиѐт институти, Самарқанд, Ўзбекистон
Таянч сўзлар:
чаноқ-сон бўғими дисплазияси, сонларни чиқиши, сонни ҳаракатини чегараланиши
(контрактура), коксартроз, қолдиқ ярим чиқиш.
Ключевые слова:
тазобедренный сустав, дисплазия, вывих бедра, контрактура, коксартроз, остаточный под-
вывих.
Keywords:
hip joint, dysplasia, hip dislocation, contracture, coxarthrosis, residual subluxation.
Мақолада 1988-йилда сонларнинг туғма чиқишларини консерватив даволашнинг 30 йилдан кейин (2018
-йилда) натижалари берилган.
Яхши натижалар 44 (43,1%) беморларда, қониқарли 31 (30,4%) ва ѐмон натижалар 27 (26,5%)
беморларда кузатилган.
Ёмон деб топилган беморларда даволашдан кейинги асоратларни сабаблари ва уларни олдини олиш
чоралари кўрсатиб берилган.
ОТДАЛЕННЫЕ РЕЗУЛЬТАТЫ КОНСЕРВАТИВНОГО ЛЕЧЕНИЯ
ВРОЖДЕННОГО ВЫВИХА БЕДРА
С. Ю. Ибрагимов, Ш. Х. Каюмов, Х. А. Юнусов, Г. Н. Кудратова
Самаркандский государственный медицинский институт, Самарканд, Узбекистан
Приводятся результаты консервативного лечения 199 больных детей с врожденным вывихом бедра.
Через 30 лет изучены результаты лечения у 102 больных. Хорошие результаты были у 44 (43,1%), удо-
влетворительные у 31 (30,4%), а неудовлетворительные у 27 (26,5%) пациентов.
Определены причины неудовлетворительных результатов и рекомендованы методы их предупреждения.
LONG-TERM RESULTS OF CONSERVATIVE TREATMENT OF CONGENITAL HIP DISLOCATION
S. Yu. Ibragimov, Sh. Kh. Kayumov, Kh. A. Yunusov, G. N. Kudratova
Samarkand state medical institute, Samarkand, Uzbekistan
Here are presented the results of conservative treatment of 199 patients wint congenital hip dislocation (hip
dysplasia).
After 30 years, the results of treatment has been studied in 102 patients. Good results were in 44 patients, satis-
factory in 31 and unsatisfactory in 27 patients.
The reasons for unsatisfactory results have been identified and methods of their prevention have been recom-
mended.
Долзарблиги.
Чаноқ-сон бўғими дисплазияси ва унинг оғир босқичи бўлган соннинг
туғма чиқиши харакат-таянч аъзоларининг туғма нуқсонлари орасида кўп учрайдигани ва
оғири ҳисобланиб, агар ўз вақтида даволанмаса ногиронликка олиб келиши мумкин
[Котельников Г.П., Миронов С.П., Мирошниченко В.Ф., 2006; Басков В.Е., 2009; Лазовая
Ю.И., 2011; Каменских М.С., 2012; Камоско М.М., Познович М.С., 2014].
Ҳозирги вақтда ҳамма ортопедлар томонидан якдиллик билан қабул қилинган фикр –
бу патологияни эрта аниқлаб, уни чақалоқ ҳаѐтининг биринчи кунларидаѐқ функционал
усулда даволаш муваффақиятлар гарови ҳисобланади.
Касалликни эрта аниқлаш ва консерватив даволаш соҳасида сезиларли
муваффакийатларга эришилганига қарамай беморларни кўпчилигида даволашдан кейинги
ҳар хил асоратлар (асептик некроз, контрактуралар, коксартроз, соннинг қолдиқ ярим
чиқиши ва бошқалар) кузатилмоқда [Бовтунов А.З., 2000; Баиндурашвили А.Г., Чухраев
И.Ю., Казимирский В.Е., 2013; Clarke S. 2011; Mitchell P.D., Redfern R.C., 2011].
Ишнинг мақсади.
Сонларнинг туғма чиқишлари бўйича консерватив даволанган
беморларда узоқ муддатларда кузатиладиган асоратларнинг сабабларини ўрганиш ва
уларни олдини олиш чораларини излашдан иборат.
С. Ю. Ибрагимов, Ш. Х. Қаюмов,...
Доктор ахборотномаси № 2—2019
56
Изланиш материали.
Вилоят ортопедия ва шикастланишлар оқибатлари
шифохонасининг болалар ортопедияси бўлимида 1988-йилда даволанган беморларнинг 310
(47,8%) таси сонларнинг туғма чиқишлари билан оғриган беморлар бўлишган. Уларнинг
199 (30,7%) таси консерватив усулда даволанишган. Консерватив усулда даволанган
беморларни ретроспектив ўрганилди.
Беморларнинг 38 (19,1%) таси ўғил болалар, 161 (80,9%) таси қизлар бўлишган.
Даволанган беморларни 110 (55,3%) таси 1 ѐшгача, 1 ѐшдан 2 ѐшгача 54 (27,1%) таси
ва 35 (17,6%) таси 2 ѐшдан катта ѐшдагилар бўлишган.
Беморларни 29 (14,6%) таси ўнг томонлама, 55 (27,6%) таси чап томонлама ва 115
(57,8%) таси икки томонлама сонларнинг туғма чиқишлари билан оғришган. Чиқишнинг III
даражаси 112 (56,2%) тасида, IV даражаси 87 (43,8%) тасида кузатилган.
Беморларни ҳаммасига функционал усул билан, оѐқларига лейкопластирли тортма
қуйилиб, аста-секинлик билан 14-15 кун давомида чиққан сонни жойлаштиришга харакат
қилинган. 13 (6,5%) та беморда соннинг бошчаси мустақил жойлашмагани учун, қўл билан
ѐрдам бериб жойлаштирилган. 10 (5%) та беморда чиққан сонни жойлаштириш мобайнида
чов соҳасида оғриқ, шиш ва тана ҳароратини 38-38,5°С гача кўтарилиши кузатилган. Бу
беморларга парафин, озокерит аппликациялари, УВЧ муолажалари ўтказилган ва тортма
ѐрдамида жойлаштириш тезлигини бироз секинлаштирилган. Функционал усул билан сонни
бошчасини жойлаштиришга эришилмаган 5 (2,5%) та беморда жарроҳлик усули билан
жойлаштириш амалиѐти бажарилган. Операция пайтида бу беморларда лимбусни бўғим
ичига эгилиб кирганлиги, соннинг проксимал қисмини олдинга патологик буралгани
(антеверсия), бўғим ҳалтасини ―қум соат‖ га ўхшаб қисилган қисмини ѐпишиб кетганлиги
аниқланган.
Сонни бошчаси мўтадил жойлашгандан кейин беморларга бир ойга Лоренц-I гипсли
боғламаси қўйилган. Бир ойдан кейин гипсли боғламани олди очилиб, чаноқ-сон бўғимида
харакатланишга имконият яратилган. Чунки 90° букилган ҳолатда узоқ вақт туриш сон
суяги бошчасини қонсизланиши адабиѐтларда кўрсатилган. Ҳаммаси бўлиб 3 ойдан кейин
гипсли боғлама ечилиб, бемор гипсли шиначага ўтказилган. Даволаш муддати ўртача 1
йилни ташкил қилган.
Даволаниш жараѐнида беморларни 48 (24,1%) тасида рахитнинг белгилари ва 61
(30,6%) тасида анемиянинг ҳар хил даражалари кузатилган. Бу ҳамроҳ касалликлар педиатр
томонидан аниқланиб, кўрсатмаси бўйича даволанган.
Даволаниш жараѐни тугагандан кейин беморларнинг ота-оналарига: болани ўсиши
тугагунча ҳар йили 2 мартадан ортопед кўригида бўлиш, мактабда жисмоний тарбия
дарсидан озод қилиш, оѐқ устида туриб қилинадиган оғир ишлардан чегараланиш, касб
танлаганда оѐққа оғирлик тушмайдиган касбни танлаш, қиз болаларга 2 тадан кўп фарзанд
қилмаслик каби тавсиялар бериб юборилган.
Даволаш натижалари.
Даволаш тугаллангандан 30 йил кейин, яъни 2018-йилда 102
(52%) беморда ўтказилган даволаш натижалари ўрганилди.
Беморлар текшириш вақтида 31-34 ѐшларда бўлишган. Уларнинг 74 (72,5%) тасини
аѐллар, 28 (27,5%) тасини эркаклар ташкил қилдилар.
Беморларга клиник, рентгенологик ва кўрсатмасига қараб КТ текшириш усуллари
қўлланилди.
Даволаш натижалари яхши, қониқарли ва қониқарсиз (ѐмон) деб белгиланди.
Натижа яхши деб ҳисобланган 44 (43,1%) беморларнинг шикоятлари йўқ, мустақил ва
тўғри юрадилар, чаноқ-сон бўғимида харакат ҳамма йўналишлар бўйича эркин бажарилади,
оѐқларнинг узунлиги бир хил.
Рентген кўрсаткичлари: сонларнинг бошлари сферик шаклда, бошча бўғим
чуқурчасида марказлашган, соннинг бўйин диафиз бурчаги 125-130° ни ташкил қилади. Бу
беморлар даволаш бошланганда 1 ѐшгача бўлишган, ўз вақтида профилактик кўрикларга
келишган, ортопед маслаҳатларини бажаришган.
Оригинальная статья
Доктор ахборотномаси № 2—2019
57
Расм 1. Бемор Д.А., 1 ѐш 10 ойлик. Тўғри проекцияда рентгенография.
Диагностик рентгенография.
Жойлаштириш жараѐни яхши ўтган. Даволаш муддати бир йил бўлган.
Даволашнинг яқин муддатларидаги натижаси яхши деб топилган.
Натижа қониқарли деб ҳисобланган беморлар 31 (30,4%) тани ташкил қилдилар.
Буларни юришлари тўғри, лекин куннинг охирига бориб чаноқ-сон бўғимида бироз оғриқ
сезадилар ва енгил оқсаш кўзга ташланади. Оѐқларнинг узунлиги асосан бир хил, думба ва
оѐқлар мушаклари бироз атрофиялашган. Рентген текширишда кўпчилигида сонларнинг
бошчалари бўғим чуқурчасига яхши марказлашмаган, бўғим чуқурчасининг пештоғи бироз
ясси, яъни яхши ривожланмаган. Бундай натижа асосан, 1 ѐшдан ошган, ортопед томонидан
берилган тавсияларни ўз вақтида бажармаган, ота-оналарининг ортопед тавсияларини
бажариш қобилияти паст даражада бўлганлар ва ортопед кўрикларига мунтазам келмаган
беморларда кузатилди.
Қониқарсиз (ѐмон) натижалар 27 (26,5%) та беморларда қайд қилинди. Булар доимо
оғриқ сезишади, чаноқ-сон бўғимида харакатлар ҳар хил даражада чегараланган.
Соннинг ярим чиқиши ва букилган контрактуралар ҳисобига оѐқнинг узунлиги 1-2 см
калтайган. Юрганда оғриқ сезиб оқсаб юрадилар.
Рентген текширишида сонларнинг бошчалари деформацияланган, ярим чиқиш
ҳисобига Шентон чизиғи бузилган, бўғим ѐриғи торайган. Бу беморларнинг ҳаммасида
коксартрознинг II-III даражалари аниқланади.
Беморларнинг 3 таси даволашнинг асорати – коксартроз III даражаси бўйича II гуруҳ
ногирони. Бу беморлар даволанишга 2-2,5 ѐшликларида мурожаат қилишган. Сонларнинг
чиқишларини IV даражаси аниқланган, функционал жойлаштиришни қўл билан ѐрдам
бериб ниҳоясига етказилган ва даволаш жараѐнида соннинг бошчасини асептик некрози
кузатилган беморлар бўлишган. Бу беморлар оғир ишларда: қурилишда, пахта теримида,
чет давлатларда ишлаганлар бўлишган. Бундан ташқари 6 та аѐлда 3-4 тадан фарзандлари
туғилган. Бу беморлар профилактик кўрикларга умуман келишмаганлар.
Мисол келтирамиз.
Бемор Д., 34 ѐшда, 1 ѐш 10 ойлигида ўнг соннинг туғма чиқиши,
чап соннинг ярим чиқиши касаллиги бўйича чиқиш функционал усулда жойлаштирилган.
Ҳозиргача бирон марта ҳам профилактик кўрикка келмаган, ҳеч қаерда даволанмаган.
Турмушга чиққан, 3 та фарзанди бор. Рўзғорда полиз экинларини парваришлаш билан
шуғулланган. Кейинги 5 йилларда ўнг чаноқ-сон бўғими соҳасида оғриқ, ўнг оѐғига оқсаб
юриш безовта қила бошлаган. Оғриқ, оқсаш кучайиб боргач ортопедга мурожаат қилган.
С. Ю. Ибрагимов, Ш. Х. Қаюмов,...
Доктор ахборотномаси № 2—2019
58
Расм 3. Бемор Д.А., 4 ѐш 6 ойлик. Тўғри проекцияда рентгенография.
Даволашнинг яқин муддатдаги натижаси.
Расм 2. Бемор Д.А., 2 ѐш 6 ойлик. Тўғри проекцияда рентгенография. Оѐқлари
узоқлаштирилган ҳолатда гипсли шинада даволаш жараѐни. Даволашнинг 7 ойи.
Расм 4. Бемор Д.А., 34 ѐш. Тўгри проекцияда рентгенография.
Даволашнинг узоқ муддатдаги натижаси.
Оригинальная статья
Доктор ахборотномаси № 2—2019
59
Ўнг томонлама коксартроз III даражаси ташҳиси аниқланиб бўғимни эндопротезлаш
операцияси тавсия қилинган.
Хотима.
Юқорида кўрсатилган маълумотлардан маълумки даволанган беморларнинг
фақатгина 43,1 % ида яхши натижалар қайд қилинган. Вақт ўтиши билан асоратлар кўпайиб
ва кучайиб бораверган.
Шуларни ҳисобга олиб махсус адабиѐтларда кўрсатилган тавсияларни яна бир бор
кўрсатиш кераклигини зарур деб ҳисоблаймиз.
Биринчидан, даволашни эрта, яъни чақалоқ ҳаѐтининг биринчи кунларидан, чаноқ-сон
бўғимидаги нуқсонлар ривожланиб кетишидан олдин бошланса кутилган натижага эришиш
мумкин.
Иккинчидан, ота-она ортопед шифокорнинг фаол ѐрдамчилари бўлишлари,
белгиланган тавсияларни аниқ бажаришлари керак.
Учинчидан, даволанган беморлар, ўсиш тўхтагунча диспансер ҳисобида туришлари,
ортопед томонидан берилган тавсияларни катиян бажаришлари керак. Шундагина
даволашни муваффакийатли бўлиши таъминланади, келиб чиқиши мумкин бўлган
асоратларни олди олинади.
Фойдаланилган адабиѐтлар:
1. Баиндурашвили А.Г., Чухраева И.Ю. К вопросу о ранней диагностике патологии опорно-двигательного
аппарата у детей. Актуальные вопросы травматологии и ортопедии детского возраста: материалы науч.-
практ. конф. дет. травматологов-ортопедов России. СПб.; Сыктывкар, 2009; 8-10.
2. Басков В.Е. Ортопедо-хирургическое лечение детей с диспластическим маргинальным вывихом бедра:
автореф. дис. канд. мед. наук. Санкт-Петербург, 2009.
3. Бовтунов А.З. Пострепозиционный ишемический некроз головки бедренной кости у детей. Дисс. канд.
мед. наук. Санкт-Петербург, 2000.
4. Каземирский В.Е. К вопросу об этиопатогенезе диспластического коксартроза у подростков. Электрон
журнал, 2013, №1 (6), С. 98.
5. Каменских М.С. Диагностика и лечение дисплазии тазобедренных суставов у недоношенных детей :
aвтореф. дис. ...канд. мед. наук. Пермь, 2012.
6. Котельников Г.П., Миронов С.П., Мирошниченко В.Ф. Врожденный вывих бедра. В книге Травматоло-
гия и ортопедия. ГЕЭТАР-Медиа, 2006, С. 282-293.
7. Комоско М.М., Познович М.С. – Консервативное лечение дисплазии тазобедренных суставов. Ортопе-
дия, травматология и восстановительная хирургия детского возраста. Т II-, выпуск 4., 2014 г. С. 2309-
3994.
8. Лозовая Ю.И. Оценка динамики развития тазобедренного сустава у детей в условиях сохраняющегося
патологического процесса (врожденный вывих бедра: диагностика и лечение): aвтореф. дис. ...канд.
мед. наук. Москва, 2011.
9. Clarke S. Developmental dysplasia of the hip. Care Planning in Children and Young People's Nursing. 2011;
256-262.
10. Mitchell P.D., Redfern R.C. Brief communication: Developmental dysplasia of the hip in medieval London.
Amer. J. Phys. Anthropol. 2011;144(3):479-484.
С. Ю. Ибрагимов, Ш. Х. Қаюмов,...
