Коммуникатив алоқада хушмуомалалик стратегияларини қўллаш: турк тили мисолида
Ушбу мақолада турк тилидаги хушмуомалалик сиёсатининг бетараф (бирон-бир тузатувчи ҳаракатларсиз), позитив боадаблик ва мулойимлик (спикер ва тинловчи ўртасидаги ҳамфикрлик ва ҳамжиҳатликни мустаҳкамлаш, мақтовлар, мурожаатнинг дилкаш кўринишлари), салбий хушмуомалалик (бу ерда турли тўсиқлар, кесатиқ тусига эга эркалашлардан фойдаланган ҳолда тингловчини ўзидан нари қилиш кўзланади) ва рекорд стратегияларгача (шамадан фойдаланиш орқали мақсад олдиндан ноаниқ ва мавҳум эканини кўрсатиш) каби жиҳатлари кўриб чиқилган. Браун ва Левинсон моделига мувофиқ бажарилган кўрсаткичлар таҳлили шуни кўрсатдики, турк жамиятида хушмуомалаликнинг ижобий стратегиялари устувор экан; боадаблик ва ширин муомала шаклларининг кенг доираси хайрихоҳлик, ҳамжиҳатлик ва ёқимли хулқ-атвор каби фазилатларни намоён қилиш баробарида гуруҳнинг индивидуаллигини кучайтиради.