Катта чарви бўлагининг буралиши ва некрози казуистик касаллик бўлиб, қорин бўшлиғи органларининг барча шошилинч жарроҳлик патологиялари орасида 0,06% – 0,14% ни ташкил қилади. Катта чарви бўлаги буралганда камдан-кам учрайдиган ва характерли белги мажмуасининг йўқлигини ҳисобга олган ҳолда, операциядан олдин таш=ис алоҳида ҳолатларда тўғри аниқланади. Ушбу патологиянинг ривожланиш этиологияси замонавий тиббиётда сирлигича қолмоқда ва операциядан олдинги даврда таш=ис қўйиш қийинлиги натижасида ўзига кўпроқ қизиқиш уйғотмоқда. Мойиллик олиб келувчи омиллар (қорин бўшлиғидаги ёпишқоқлик, вентрал чурра, семириш, қорин аъзоларининг сурункали яллиғланиши) ва ишлаб чиқарувчи омиллар (жисмоний зўриқиш, кўп миқдордаги овқатни истеъмол қилиш, қорин бўшлиғи ички босимининг кескин кўтарилиши ёки қорин олд девори мушакларининг кескин қисқариши) мавжуд. Кўпинча катта чарви бўлагининг буралиш клиникаси қорин бўшлиғининг ўткир аппендицит, ёпишқоқ этиологияли ўткир ичак тутилиши, ўткир холецистит каби патологиялари билан симуляция қилинади. Сўнгги ўн йил ичида миниинвазив жарроҳлик, хусусан, мултипорт
ва битта портли лапароскопик жарроҳлик кенг қўлланилмоқда. Мақолада
операциядан олдинги ташҳиснинг қийинчиликлари, дифференциал
диагностикада лапароскопиянинг роли ва қорин ёғ тузилмаларининг
буралиши ва некрозининг клиник кечиши хусусиятлари ёритилган.
Режали ва ургент жарроҳликда миниинвазив хирургик амалиётлар кенг тарқалган. Бугунги кунда қорин бўшлиғи аъзоларининг ургент абдоминал жарроҳлигининг 10% ўткир ичак тутилишига тўғри келади. Ўткир чандиқли ичак тутилишида видеолапаросокпияни қўллаш ичакнинг мотор функциясининг эрта тикланишига, беморни эрта даврда фаоллаштириш ёрдам беради.
Болаларда кўкрак қафаси гирдобсимон деформацияларини хирургик даволашнинг кўплаб усллари мавжуд, лекин барчасида хам умумий камчилик, жарохатчанликнинг юқорилиги кузатилмоқда. Гирдобсимон деформацияда биринчи операция 100 йил аввал бажарилган бўлсада касалликни хирургик даволаш муаммоси тўлалича ечилмаган. Гирдобсимон деформацияни хирургик даволашнинг 100 дан ортиқ усуллари мавжудлиги буни тасдиқлайди.
Қари ва кекса ёшдаги беморларда ўткир аппендицит операциясидан кейинги даврдаги кузатиладиган асорат ва ўлимнинг тобора кўпайиб бориши мутахасислардан янги замонавий технология услларини қўллашни талаб этади. Бу ёшдаги беморларда ультратовуш усуллари орқали эхографик белгилар асосида чувалчангсимон ўсимтадаги ялиғланишнинг локал деструктив жараёнларини аниқлаш имконини беради. Хозирги замонавий нур диагностика ва кичик инвазив усулларини комплекс қўллаш ёрдамида интенсификациялашган аниқ ташхис қўииш хамда рационал даволаш программасинини тузиб бериш имконини беради
Операциядан кейинги битишмаларнинг шаклланиши умумий жарроҳлик амалиётида энг тез - тез учрайдиган асорат бўлиб, қорин бўшлиғи операциясидан кейин 90% дан юқори ва кўкрак қафасидаги операциядан кейин 70% гача кузатилиши мумкин (AysanE.etal. 2020, BankaR. etal. 2018). Релапаротомия ва реторакотомия турли ҳил адабиёт маълумотларига кўра,63%-97% гача баҳоланган (Bhatnagar R. etal. 2016, DeWildeRLetal. 2016). Такрорий жарроҳлик муолажалари кўпроқ вақт талаб этади ва техник жиҳатдан қийин, бу эса ўз навбатида ҳаётий тузилмаларга зарар етказиш хавфини келтириб чиқаради. Мақолада экспериментал ва морфологик тадқиқотлар натижалари таҳлил қилинган, целлюлоза ҳосилаларидан кукун шаклида маҳаллий шароитида олинган битишмага қарши восита ёрдамида битишма шаклланишининг олдини олиш самарадорлиги асосланади.Экспериментал шароитда янги битишмага қарши қопламанинг биологик хавфсизлиги аниқланди. Экспериментал ҳайвонлар сифатида 30 та оқ наслли каламушлар ишлатилган.
Ёш болаларда йирингли яллиғланиш касалликларни эрта аниқлаш, малакали жарролик ёрдамини тўғри кўрсатиш ва асоратларнинг олдини олиш тиббий талаблардан биридир. Амбулатор шароитда ўткир жарролик инфекциясини даволаш бўйича нисбий кўрсатмалар мавжуд. Тадқиқотнинг мақсади - бу ёшдаги болаларда пайдо бўладиган ўткир йирингли яллиғланишни эрта ташхислаш ва даволаш кўрсаткичларини аниқлаш. 2015-2020 йилларда биз Тошкент педиатрия тиббиёт институти клиникасининг жаррохлик инфекцияси бўлимида беморларни даволадик. Ёш болаларда йирингли - яллиғланиш касалликлари билан касалланган 474 беморнинг анамнези ўрганилди.
Мақолада COVID-19 учун ихтисослашган муассаса – Республика ихтисослаштирилган кўптармоқли юқумли касалликлар шифохонаси (Зангиота №1) – тиббиет маркази очилгандан бери 2020 йил 09 июлдан 2020 йил 31 декабргача булган маълумотларига асосан касалликнинг эпидемиологик жихатларива қониқарсиз даволаш натижаларининг омилларини таҳлил қилишни ўз ичига олган тадқиқот натижалари келтирилган