Сил спондилити билан оғриган 72 нафар беморда 89 та бажарилган магнит-резонанс томография таҳлил қилинди. 2 нафар беморда специфик жараён умуртқа поғонасининг бўйин қисмида, 38 нафар беморда кўкрак ва кўкрак-бел қисмида ва 32 нафар беморда бел ҳамда бел-думғаза қисмларида жойлашганлиги аниқланди. Якка бир ёки иккита умуртқа поғонасининг зарарланиши 4та ҳолатда аниқланди, контакт деструкция 48 ҳолатда, қўшма контакт ва якка деструкция 15 ҳолатда аниқланди. МРТ ва рентгенологик текшириш натижалари таҳлил қилинганида умуртқа поғонасидаги морфологик ўзгаришлар, туберкулёз касаллигининг босқичи тўғрисидаги тасаввур кенгаяди. Шунингдек, сил спондилити касаллигининг динамикасини ўрганишга консерватив ва оператив даволаш афзаллигини баҳолашга имкон беради.