Холецистэктомиядан кейин операциядан кейинги эрта даврда ўт-сафро оқиши кузатилган беморларда хирургик тктикани ишлаб чиқиш ва даволаш натижаларинияхшилаш. Тадқиқот материаллари ва текшириш усуллари. СамМИ клиникасида 2005-2014 йилларда холе-цистэктомия ўтказган 2247 нафар беморнинг хирургик даволаш натижалари таҳлил этилди. Опера-циядан кейинги эрта даврда 52 (2,31%) нафар беморда ўт-сафро оқиши кузатилди. Ўт-сафро оқиши сабабини аниқлаш мақсадида УТТ, КТ, фистулография ва ЭРПХГ қўлланилди. Натижалар. Операциядан кейинги ўт-сафро оқишини баҳолаш учун L. Morgenstern (2006) клас-сификацияси ва магистрал ўт йўлларининг жароҳатини аниқлаш мақсадида Э.И. Гальперин (2002) классификацияси қўлланилди. Қорин бўшлиғидаги дренаж най орқали оқаётган ўт-сафронинг нафақат суткалик дебити, балки УТТ ёрдамида ўт пуфаги ётоғи проекциясида йиғилган суюқлик ха-жми ва қорин бўшлиғидаги эркин суюқлик инобатга олинди. Хулоса. Холецистэктомиядан кейин ўт-сафро оқиши 0,74%ни ташкил этади. Операциядан кейин ўт-сафро оқишининг манбаини 54,72% холларда ўт йўлларининг «кичик» жароҳатлари, 25,26% холларда эса магистрал ўт йўлларининг жарохатлари ташкил этади. 20,02% холда манба анқланмади. Операциядан кейин ўт-сафро оқишининг диагностикасида УТТ бошланғич усул ҳисобланади. Ўт-сафро оқишининг 1 даражасида, қорин парда таъсирланиш ва интоксикация белгилари бўлмаганда динамик кузатиш тактикаси қулланилди. Ўт-сафро оқишининг 2-3 даражаларида кўрсатмага кўра қайта лапароскопия ва лапаротомия тавсия этилади.