➤

{$identifikatorini) ko'rish

№ 1 (107) (2019) Биология ва тиббиёт муаммолари

Jurnal: Biologiya va tibbiyot muammolari jurnali

Nashr qilingan: 2019-03-14

Ulashish

Статьи

Буйрак ва сийдик найи ипсилатерал тошлари бўлган беморларни эндоскопик даволаш алгоритмини ишлаб чиқиш Буйрак ва сийдик найи ипсилатерал тошлари бўлган 146 та беморларни комплекс текширувдан ўтказилди ва даволаш муолажалари ўтказилди. Буйрак ва сийдик найи ипсилатерал тошлари бўлган беморларни эндоскопик даволашнинг алгоритмини қўллаш билан беморларни тошлардан халос бўлиши қариб 87.9%ни ташкил қилди. Амалиётнинг давомийлиги 75,3±2,6 дақиқани, интраоперацион асоратлар- 2,1±1,2%ни, беморларнинг ўртача стационарда бўлиши -6,2±0,4 кунни ташкил қилди. Буйрак ва сийдик найи ипсилатерал тошлари бўлган беморларни эндоскопик даволашнинг ташкил этилган алгоритмини қўллаш натижасида нефролитиаз билан оғриган беморларнинг даволаш самарадорлигини оширди

Д Мирхамидов, Ф Акилов, Ш Мухтаров, Ф Насиров, С Касимов

58-62
218 18
- Batafsil o'qish
Нефролитиази бўлган беморларни даволашда дренажсиз ва абсолют дренажсиз перкутан нефролитотрипсини бажариш алгоритмини ишлаб чиқиш Сурункали оғриқ синдроми бўлган 47 нафар амбулатор беморлар текширилди, уларнинг орасида: 17 нафари сийдик пуфак оғриқ синдроми билан / интерстициал цистит билан (СПОС/ИЦ), қолган 30 нафарида люмбалгия аниқланди. Назорат гуруҳини ўз хохишига кўра 15 нафар жисмонан соғлом одамлар ташкил қилди. Оғриқ синдроми визуал аналог шкала (ВАШ) ёрдамида баҳоланди. Болдир нерви орқали ўтувчи қўзғалиш амплитудаси ва тезлиги ҳамда латент давр электронейрография ёрдамида аниқланди. Ноцицептив флексор рефлекс (НФР) текширилганда оғриқ бусағаси (ОБ), рефлекс бусағаси (РБ) аниқланди ҳамда ОБ билан РБнинг нисбати (ОБ/РБ) аниқланди. Электронейрографик маълумотлар икала гуруҳдаги беморларда болдир нервида невропатия йўқлигини кўрсатди. СПОС/ИЦ ва люмбалгия бўлган беморларда ОБ назорат гуруҳига нисбатан энг паст қиймати оғриқнинг невропатик компонентидан дарак беради. Тадқиқот гуруҳидаги беморлар орасида нейрофизиологик параметрларнинг деярли фарқ қилмаслиги ҳар хил жойдаги сурункали оғриқ синдромининг патогенези бир хил эканлигидан дарак беради

А Федорук, М Степанченко, В Романенко, О Вовк

97-101
200 28
- Batafsil o'qish
Тошкент шаҳри ўсмирин болаларда қалқонсимон без ультратовуш текширишнинг имкониятлари Ультратовуш текширув орқали болаларда тиреоид касаллигини эрта аниқлаш имкониятини ўрганиш мақсадида Тошкент шаҳрининг Мирзо Улуғбек туманидаги 4 мактабнинг 5 ва 9-синф ўқувчилари 169 нафар ўқувчи профилактик кўрикдан ўтказилди. Ўсмирлар текшируви натижалари шуни кўрсатдики, 153 болада қалқонсимон безнинг эхографик тасвири ёшга хос хусусиятларга мос келади. Болаларда қалқонсимон без катталиги одатдагидек бўлди. Аммо 4 (2,4%) нафар болада коллоид тугунлар, коллоид кистлар эса 12 (7,1%) нафар болада аниқланди. Ҳеч қайси бола безнинг дисфункциясидаги клиник кўринишларга эга эмас эди. Юқоридаги ёшдаги болаларда ушбу шаклланишларни аниқлашнинг юқори частотаси ўсиш жараёнларининг тезлашиши билан боғлиқ. 15-16 ёшдаги ўғил болаларда тиреоид бези коллоид шаклланишининг энг юқори даражаси жинсий ривожланишнинг фаол босқичига мос келади. Касалликларни эрта аниқлаш ва олдини олиш учун ўсмирларга қалқонсимон безни ультратовуш текширувини ўтказиш тавсия этилади

А Фазылов, И Шамансурова

95-96
291 27
- Batafsil o'qish
Сколиоз касаллиги бўлган болаларда операцияга тайёргарлик усулларини такомиллаштириш IV даражали сколиотик касалликлари бор болаларда паравертебрал тўқималар ва умуртқа канали суюқлигини радикал коррекциялашга тайёрлаш учун оптималлаштирилган операция олди даволаш-ташгхислаш комплексини қўллаш учун кўрсатмалар аниқланди. Тавсия этилган усул ушбу касаллик билан оғриган болалрга ёрдам кўрсатишда амалиёт ортопед-вертебролигининг имкониятларини кенгайтиради

Ф Умарходжаев, М Искандаров

91-94
167 20
- Batafsil o'qish
Эпилепсия билан касалланган ота онадан туғилган болаларнинг ривожланиш нуқсонлари Тадқиқот мақсадига: Эпилепсияга қарши дорилар ичган ота оналардан туғилган болаларнинг аномал ривожланиши,дизэмбриогенез стигмалари ва турли хил нуқсонлар билан ривожланиши киритилган. Болалар ёшига қараб кичик гуруҳларга ажратилади ва уларга антропометрик тадқиқот, клиник неврологик кўрик, инструментал таҳлиллар ўтказилди. Тадқиқот давомида эпилепсияси бор отадан кўпроқ нуқсонли фарзандлар туғилиши аниқланди

И Тоштемирова, А Джурабекова, О Равшанов, Ш Болтаева

88-90
360 30
- Batafsil o'qish
Атопик дерматитли болаларда сурункали гломерулонефритнинг диагностик алгоритмининг самарадорлигИ 7 дан 11 ёшгача бўлган 145 нафар бола клиник-иммунологик текширувдан ўтказилган. Улардан: 1-гуруҳ: 40 нафар бола – СГН, нефротик шакли. 2-гуруҳ: 40 нафар бола – СГН, нефротик шакли+атопик дерматит (АД). 3-гуруҳ: АД билан 40 нафар бола. Нейронлар тармоғини моделлаштиришнинг математик усули атопия фонида кечувчи сурункали гломерулонефритнинг нефротик шаклларини сифат ва миқдор белгилари комбинацияларини баҳолаш имконини берди. СГНда сифат ва миқдор белгиларининг юқори ахборийлиги олигурия, протеинурия, СД3; СГН+АДда: шишлар, умумий оқсил, буйрак тўқимасига нисбатан АСЛ, ЦИК; АД маркерлари бўйича – теридаги қичима, IgE кўрсаткичлари билан ифодаланди.АДли болаларда СГНнинг ташхисот кўрсаткичи бўлиб иммунопатологик хусусиятлар: буйрак тўқималарига нисбатан АСЛнинг ошиши, ЦИК, IgЕ миқдорининг кўпайиши, IL2, IL4 кўп ишлаб чиқариши. Ишлатилган ташхисот алгоритмининг самарадорлиги СГНда: ГРНС- 35%, ГЗНС- 65%; СГН+АД: ГРНС- 45%, ГЗНС 55%; АДда-20% эрта аниқлаш

Л Рахманова, У Каримова, А Самадов

84-87
273 24
- Batafsil o'qish
Қандли диабет касаллигида оёқлар критик ишемияси билан зарарланган беморлар болдир ампутациясидан кейинги йирингли асоратларнинг сабаблари ва уларни профилактикаси йўллари Оғир даражадаги критик ишемияси бор беморлар оёғидаги мускул тўқимасидан ампутация операцияси пайтида олинган биоматериалдаги микрофлора ва чўлтоқдаги транскутан оксиметрия (tpcO 2 ) кўрсаткичлари ўрганилди. Текшириш натижалари шуни кўрсатдики, оғир даражадаги критик ишемияси бор беморлар ампутацион чўлтоқдаги тўқима гипоксияси касалликни клиник кечиши билан тўғри пропорционал ҳолда кечади.Митиш усулида болдир ампутацияларида операция олдидан, операцидан кейинги даволаш чораларини аниқлаш учун транскутан оксиметрия ва m.soleus мушак тўқимасидан микрофлорани аниқлаш мақсадида бактериологик текшириш учун экма олиш зарур

А Рахимов

79-83
512 30
- Batafsil o'qish
Тубуло-интерстициал буйрак касалликлари бўлган болаларда фосфор- кальций алмашуви ва умумий аҳволини айрим кўрсаткичлари Иккиламчи пиелонефрит ва окслат нефропатия бўлган 48 бола ўрганилди. Кальций ва фосфор алмашувининг бузилиши хавфли омилларга боғлиқ бўлиб, улар орасида онада ҳомилдорлик патологияси, рахитни ўтказиши, овқат махсулотларда кальций етишмовчилиги ва гиподинамия муҳим аҳамиятга эга

Ш Пирманова, Б Юлдашев, Ш Нажимов

76-78
292 27
- Batafsil o'qish
Болаларда вертеброген оғриқ синдроми Адабий татқиқотларга кўра, вертеброген оғриқ синдроми жуда катта диапазонда 8% дан 74% гача ўзгариб туради. Бизнинг мақсадимиз катталар амалётидан фарқли бўлган ВБС ли болалар учун терапевтик тактикани аниқлашдан иборат эди. Терапиянинг самарадорлигини бахолош миқдори буйича текширилади. Боланинг ёшига мослаштирилган комплекс даво оғриқни камайтириш ва камайтириш шаклида ижобий натижалар беради

Х Очилов, А Джурабекова, Д Холмуродов, С Ражабов, Н Вязикова

73-75
249 26
- Batafsil o'qish
Бош мия фалажи билан касалланган болаларда клиник-неврологик текшириш ва даволаш натижалари Бош мия фалажи билан касаланган болалар текширилди. Касаллик шаклига ва олинган даво турига кура гурухларга ажратилди. Анъанавий даволаниш, аввал маълум бўлган барча тиббий ва физиотерапевтик жараёнларни ўз ичига олади. Натижалар анъанавий даволаш самарадорлигида камчиликлар борлигини кўрсатади, яъни харакат бузилишлар юқори частотада сақланиб қолмоқда ва бу самаралироқ реабилитация усулларини қўллашни талаб қилади

Ш Норматова, А Джурабекова, Г Ниёзов, Ф Файзимуродов

70-72
360 29
- Batafsil o'qish
Меньер касаллиги бор беморларда кохлеовестибуляр бузилишларни диагностик аҳамияти Тадқиқот ўтказиш мақсадида Меньер касаллиги ички қулоқнинг бир томонлама зарарланишидан азият чекаётган 23 нафар бемор олиниди. Барча беморларга хуружлар оралиғи даврида тонал бўсаға аудиометрияси, видео-нистагмография, калорик синамалар, видеоимпулс тестлар ўтказилди. Меньер касаллигининг хуружлараро даври учун яширин спонтан нистагмнинг бўлмаслиги хос бўлиб, бироқ бошни силкитиш тестида мусбат натижа қайд этилиши мумкин. Шу билан бирга ушбу даврда калорик синамалар натижаларининг асимметрияси ва видеоимпульс тест маълумотларининг нормал кўрсаткичлари хос. Эшитиш ва лабиринт бўйича коэффициент асимметриясининг пасайишининг ўзига хослиги таҳлил қилинганда, лабиринт асимметрияси коэффициентининг ошиши билан эшитиш бўсағасининг катталашувига мойиллик аниқланди

М Насретдинова, Х Карабаев

66-69
298 31
- Batafsil o'qish
Болалар ва ўсмирларда бош мия травмаларини эксперт баҳолашда церебрал гемодинамика ва нейронспецифик енолазанинг концентрацияси хусусиятлари Ушбу тадқиқотда, болалар нерв туқимасига шикаст етказиш каби жихатлар, БМЖ эксперт бахоланишида, неврологик статус, церебрал гемодинамика ва нейроспецифик енолаза концентрация натижалари келтирилган. ТошПМИ клиникаси травматология, ортопедия ва нейрохирургия бўлимларида енгил ва ўрта БМЖ диагнози билан даволанган, 8 ёшдан 18 ёшга қадар бўлган 68 нафар болалар текширувдан ўтказилган. Турли хил ёшдаги болалар орасида БМЖ хамда етказилган жарохатнинг оғирлик даражасини ўрганиш, суд тиббий диагностикасининг аниқлигини ошириш мақсадида, болаларнинг церебрал гемодинамикаси ва нейроспецефик енолаза концентрацияcининг ёшга хос хусусиятлари меъзонлари бахоланишинг киритилиши ўринли бўлиши аниқланди

Ж Мусурмонкулов, Н Нуритов

63-65
230 37
- Batafsil o'qish
Гипертоник генезли сурункали бош мия ишемиясида гемодинамик бузилишлар Биз томондан энг катта ўзгаришлар III даражали артериал гипертензия (АГ) билан бўлган беморларда кузатилди. Гипертоник генезли сурункали бош мия ишемияси билан беморларда МРТ текшируви йирик ўлчамдаги диффуз – қўшилувчан зарарланиш ўчоқларининг борлигини кўрсатган бўлса, атеросклероз генезли сурункали бош мия ишемиясида эса, зараланиш ўчоқлари чегараланган характерда, ҳамда майда ўлчамдалиги аниқланди

Н Абзалова, Д Усманова

8-9
176 28
- Batafsil o'qish
Менопаузал метаболик синдром кардиоваскуляр хавфлар асослари Менопаузада аёлларда метаболик синдромнинг таркибий қисмларини ўрганиш марказий нерв тизими ривожланишининг дастлабки босқичларида патогенезини, андрогеник ҳолатнинг таъсирини ҳисобга олган ҳолда, гормонларни коррекциялашни ўз вақтида белгилаш, метаболик "ёмон оқибатли" висцерал семизлик хавфини камайтириш ва кардиоваскуляр асоратларни олдини олиш учун баҳоланади

Н Мирзахмедова

55-57
150 23
- Batafsil o'qish
Экзоген-аллергик альвеолитнинг нур диагностикаси Paecilomyces оиласига кирувчи замбуруғлар келтириб чиқарадиган экзоген аллергик альвеолит (ЭАА) билан оғриган беморлар клиник-лаборатор ва рентгенологик текириш натижалари тахлил қилинди. Ренгенологик ўзгаришлар полиморфизм билан фарқланган ва диффуз тарқалган, ўпка туқималарида тиниқликнинг ўзгариши, ўпка сурати турсимон характерли деформацияси, ўчоқсимон соялари аниқланган. Структурали ўзгаришлар уч хил вариантда кузатилди: эмфизематоз-интерстициал, паренхиматоз- интерстициал ва пневмоник (гранулематоз). Оддий рентгенологик методларнинг информативлиги чекланганда КТда ўрганиладиган ўпка туқима паренхимасини зичлигининг ўзгаришлари ЭААни эрта босқичларида қушимча диагностик тест бўлиб хизмат қилади ва КТда денситометрик бахоланадиган ўпка зичлигини оптик ўзгаришлари стандарт рентгеннограммалар буйича визуал аниқлаб булмайди. Нурли текширувларда ўзига хос симптомокомплекслар турли этиологияли ЭАА учун патогноматик. Ташхиснинг якуний верификацияси микологик текширувлар ва озик мухитларда замбуруғлар культурасини ажратиб олишни талаб қилади

Г Мардиева

50-54
159 21
- Batafsil o'qish
Бош мияда жойлашган қон томир коморбид патологияси билан миокард инфаркти бўлган беморларда касаллик функционал характеристикасининг ўзига хос хусусиятлари Миокард инфаркти функционал кўрсаткичлари билан анамнезида транзитор ишемик хуруж ва/ёки бош мия ўткир қон айланишининг бузилиши бўлган беморларда бош мияда жойлашган қон томир коморбид патологиясини ўзаро боғлиқлигини таҳлил қилиш ушбу тадқиқотнинг мақсади бўлиб ҳисобланди. Бош мияда жойлашган коморбид патология ривожланиши, бўлмачаларда пароксизмал фибрилляция, шунингдек суправентрикуляр аритмиялар билан бевосита боғлиқлиги мавжуд эканлиги тадқиқот давомида аниқланди. Церебрал қон томир патологияси билан миокард инфаркти бўлган беморлар реабилитацияси учун алоҳида индивидуал дастур ишлаб чиқиш керак эканлиги асосланди

Л Левицкая

45-49
99 19
- Batafsil o'qish
Ёшларда бош мия қон томир касалликларини инсультгача бўлган шаклларини қиёсий баҳолаш Ушбу мақолада ёшлар орасида учрайдиган гипертония касаллиги фонида бош мия қон томир касалликларининг инсультгача бўлган шакллари клиник белгиларининг қиёсий таҳлили бўйича маълумотлар келтирилган. Тадқиқот давомида ёш беморларнинг аксариятида гипертония касаллиги фонида бош мия қон томир касалликларининг клиник кечиши ўзига хос хусусиятларга эга эканлиги аниқланди. Гипертония касаллиги фонида бош мия қон томир патологиясининг ривожланиши касаллик даврига, кўпроқ қон томир касаллигининг кечиш оғирлигига ва қон босимининг даражасига боғлиқ. Гипертония касаллиги билан оғриган беморлар невропатолог кўригига кеч мурожаат қилишади ва шунинг учун мавжуд бўлган қон томир патологиялари етарличи баҳоланмасдан қолади ва шу ҳисобга бош мия қон томир патологиясини даволаш кеч амалга оширилади, инсульт ривожланиш хавфи ошади

О Ким

42-44
251 35
- Batafsil o'qish
Стабилометрик текширишда постурал назоратни комплекс баҳолаш Мақолада 65-74 ёшдаги беморларда йиқилиш синдроми белгиларининг ўзига хосликлари тўғрисида маълумотлар келтирилган. Маълумки, қариялар ва кекса ёшдаги шахсларда йиқилишларнинг 50 до 70 % юриш пайти содир бўлади, биз йиқилиш синдроми билан ва синдромсиз беморларда юриш параметрларининг қиёсий ташхисини ўтказдик. Юриш параметрларини баҳолаш «Smart Equitest Balance Manager» компьютерли стабилометрик мажмуа ёрдамида баҳоланди. Йиқилиш синдроми билан аёлларда мураккаб ҳаракатларга адаптацион қобилиятининг пасайиши аниқланди. Бундан ташқари, 65-74 ёшли йиқилиш синдроми билан аёлларда “Тез бурилиш” тестида “бурилиш вақти” ва “бурилиш вақтида тебраниш” кўрсаткичларининг сезиларли ўзгариши аниқланди, бу эса баланс устида назорат пайтида кўриш ва вестибуляр маълумотларнинг пасайишидан, нейрофизиологик механизмларнинг ёмонлашуви ва таянч-ҳаракат тизимининг дисфункциясидан гувоҳлик беради

Х Карабаев, М Насретдинова

39-41
230 22
- Batafsil o'qish
Марказий асаб системасиниг перинатал гипоксик зарарланиш оқибатларининг клиник кечиши турлари Ушбу тадқиқотнинг мақсади, болалар асаб тизимининг перинатал гипоксик зарарланиш оқибатларининг клиник кўринишларини аниклаш эди. Бизнинг текширувимизда ўчоқнинг чуқурлигига қараб болалар бош мия фалажи ва функционал бузилишларнинг ошишига қараб минимал мия дисфункцияси гурухларига бўлинди. Барча болаларда клинико-неврологик, нейрофизиологик, ЭЭГ, ТКДГ текширувлар ўтказилди ва миянинг етилмаганлиги, эпилептик фаоллик ва каротид қон-томиларларда қон айланишининг пасайиши аниқланди

Л Игамова, С Игамова, А Джурабекова, Ф Халикова

35-38
354 28
- Batafsil o'qish
Тишлар аутотрансплантацияси Соматик касалликлари бўлмаган 12 нафар бемор кузатилди. Тернополь шаҳрида яшовчи 23 дан 30 ёшгача бўлган 8 нафар аёл ва 4 нафар эркак киши текширилди. Клиник ва рентгенологик текшириш усулларидан фойдаланиб, учинчи моляр тишлар соғлом бўлган ва терапевтик даволаб бўлмайдиган бир дона периодонтит бўлган тиш аниқланди. 6 нафар беморда клиник кузатув ва аутотрансплантация бажарилди. Клиник ва рентгенологик текшириш маълумотларига кўра, беморларда аутотрансплан- тация етарлича афзал хирургик даволаш усули ҳисобланади. Тишлар бутунлигини тикловчи усуллардан бири, бу аутотрансплантация эканлигини клиник кузатувлар кўрсатди. Ушбу операцияни амалга оши- риш учун бемор розилигидан сўнг замонавий диагностика усулларидан фойдаланиб, хирургик давога кўрсатмани аниқлаш керак. Беморга аутотрансплантацияни амалга оширишда қўйидагиларни инобат-га олиш зарур: учинчи моляр тишларнинг соғлом бўлиши; биринчи моляр тишларда консерватив даво-нинг самарасизлиги; бемор ёши; бемор соғлиги; оғиз бўшлиғининг қониқарли гигиенаси; мукаммал рент-генологик текширишлар.Биринчи моляр тишлар бўлмаганда учинчи моляр тишлар аутотранспланта-цияси хирургик даволаш усули сифатида беморлар учун етарлича самарали, имконияти бор ва арзон операция ҳисобланади

Н Гутор

30-34
163 24
- Batafsil o'qish
Билогик қопламани шакиллантириш учун тромб ни баҳолаш усулларини солиштирма тадқиқоти Тромб асосида янги биоқопламаларни ишлатиш тиббиётнинг келажак йўналишларидан ҳисобланади. Тромбни организмга ножўя таъсир кўрстамайдиган табиий биологик материал деб ҳисоблаш мумкин. Айниқса бу талабларга шаклланган тромблар жавоб беради. Шу сабабли тромблар ретракциясини бахолаш усуллари, ҳамда уларнинг физик ва механик хусусиятларини ўрганишга қизиқиш тобора ортиб бормоқда. Олиб борилган тадқиқот тромб ретракциясини қиёсий баҳолаш усули билан тўғри усулни солиштирилган. Тромбларнинг физик ва механик хусусиятлари текширилган. Олиб борилган тадқиқотлар “Академик В.Вохидов номидаги РИХИАТМ” ДК экспериментал бўлим базасида ЎзР ФА ФТИ билан ҳамкорликда олиб борилган

А Воронин, Н Джумаева, О Ким, М Юсупов, Р Садыков, Р Кабулов

26-29
193 34
- Batafsil o'qish
Лазер ҳамда светодийод нурлатишларни қўллаганда оғиз бўшлиғи шиллиқ қавати ва эритроцитларнинг ҳолати Простетик стоматитда қизил қон ҳужайралари шаклини ва уларнинг даволаш жараёнидаги ўзгариш динамикасини тадқиқ қилиш учун протез стоматитаси бўлган 32 нафар беморда ва 8 соғлом донорда периферик қон ўрганилди. Ҳисоб-китоблар шуни кўрсатдики, бармоқдан олинган периферик қондаги Д нисбати одатда 89%, эритроцитлар эса 8%, эчиноцитлар 8%, стоматотоцитлар 2%, эритроцитлар қайтарилмайдиган шакллари - 1%. Мураккаб ташхис қўйиш ва даволашда стоматология соҳасида лазер ва ЛЕД технологияларини қўллаш самарали ва истиқболли ҳисобланади

И Байбеков, М Ирханов

21-25
166 37
- Batafsil o'qish
Робсон классификацияси ёрдамида перинатал марказда кесар кесиш амалиёти снини камайтириш заҳираларини аниқлаш Ретроспектив текширув натижасида Республика перинатал марказида 2017 йил 1 январидан 31 декабргача бўлган 5551 тa туғруқлар, улардан 1966 тa кесар кесиш амалиёти Робсон классификацияси ёрдамида 10 тa гуруҳга ажратилиб, ўрганилди вa таҳлил қилинди. Робсон классификацияси перинатал марказда кесар кесишни камайтириш заҳираларини аниқлашга имкон берди: бачадонда чандиқли хомиладор аёлларни табиий йўл орқали туғдириш, ҳомила чаноқ билан келганда ҳомилани бошига айлантириш ва табиий йўл орқали туғдириш, обструктив туғруқни ўз вақтида ташхис қилиш учун ва қарор қабул қилиш учун партограммадан унумли фойдаланиш, юрак уриши аритмиялари бўлган ҳомиладор аёллар акушерлик тактикаси бўйича клиник протокол ишлаб чиқиш

Ш Бабажанова, Н Любчич, С Байрамов

17-20
198 36
- Batafsil o'qish
Нефролитиази бўлган беморларни даволашда дренажсиз ва абсолют дренажсиз перкутан нефролитотрипсини бажариш алгоритмини ишлаб чиқиш Юқори сийдик йўлларида тошлари бўлган 345 та беморни комплекс текширувдан ўтказилди ва даволанди. Дренажсиз ва абсолют дренажсиз ПКНЛТни бажариш алгоритмини қўллаш операция бўлган беморларнинг 51,9%-да дренажсиз, 38,8%-да эса абсолют дренажсиз ПКНЛТни амалга ошириш имконини берди. Натижада катетер-ассоциацияланган сийдик йўллари инфекциясининг частотаси, мувофиқ равишда, 5,2% ва 14,4%-га камайди. Ишлаб чиқилган дренажсиз ва абсолют дренажсиз ПКНЛТни бажариш алгоритмини даволаш чора-тадбирлари комплексига киритилиши нефролитиазнинг эндоскопик жарроҳлик тактикасини оптималлаштиришга ва даволашнинг клиник самарадорлигини оширишга имкон беради

Ф Акилов, Ш Мухтаров, Ф Насиров, Д Мирхамидов, Ё Сафаев

13-16
192 19
- Batafsil o'qish

Статьи

Остеобластик хужайра дифферонини шаклланиши Ҳужайра биологиясини ўрганишнинг замонавий усуллари, қон илдиз ҳужайралари ва бириктирувчи тўқималар ҳақида тушунчаларни чуқурлаштириш туфайли уларнинг келиб чиқиши ва фарқланиши ҳақидаги билимлар сезиларли даражада бойитилди. Бироқ, шунга қарамай, улар гистогенетик қаторлар ёки ҳужайрали дифферонлар бўйича назарий қоидаларни ҳисобга олган ҳолда тизимлаштириш ва тушунишни ва диффероннинг замонавий мезонларини ишлаб чиқишни талаб қилади [1, 3, 6].

А Юлдашев, А Махмуров, М Юлдашева

198-201
130 23
- Batafsil o'qish

1

>
>>

inLibrary — ochiq fan (Open Science) paradigmasi asosida qurilgan ilmiy elektron kutubxona boʻlib, uning asosiy vazifalari ilm-fan va ilmiy faoliyatni ommalashtirish, ilmiy nashrlar sifatini jamoatchilik nazorati, fanlararo tadqiqotlarni rivojlantirish, zamonaviy ilmiy tadqiqot instituti hisoblanadi. qayta koʻrib chiqish, oʻzbek ilm-fanining iqtiboslarini oshirish va bilim infratuzilmasini shakllantirish.

Aloqalar:

O‘zbekiston Respublikasi, Toshkent sh., Parkent ko‘chasi 51-uy, 2-qavat

(+998) 99-006-61-10

info@inscience.uz

NAVIGATSIYA:

Jurnallar

Konferensiyalar

Mualliflar

Blog

Kontaktlar

© Copyright 2025 in Science All Rights Reserved | Developed by in Science | Site create by in Designer